மேம்படுத்தப்பட்ட புதிய ஹீரோ கிளாமர் பைக் விற்பனைக்கு வந்தது

வண்ணங்கள்

மொத்தம் 5 வண்ணங்களில் புதிய ஹீரோ கிளாமர் பைக் விற்பனைக்கு கிடைக்கும். ஸ்லைடுகளில் உள்ள படங்களில் 5 வண்ணங்களிலான கிளாமர் பைக்கின் படங்கள் கொடுக்கப்பட்டுள்ளன.

மாற்றங்கள்

ஹெட்லைட் மற்றும் டெயில் லைட்டுகளில் சிறிய மாற்றங்கள் செய்யப்பட்டுள்ளன. இதுதவிர, புதிய பாடி கிராஃபிக்ஸ் ஸ்டிக்கரும் கவர்ச்சியூட்டுகிறது.

எஞ்சின்

புதிய ஹீரோ கிளாமர் பைக்கின் எஞ்சினில் மாற்றங்கள் இல்லை. முந்தைய மாடலில் பயன்படுத்தப்பட்ட அதே 124.7சிசி எஞ்சின்தான் இந்த புதிய மாடலிலும் செயல்புரிகிறது. இந்த எஞ்சின் அதிகபட்சமாக 9 பிஎச்பி பவரையும், 10.35 என்எம் டார்க்கையும் அளிக்கும். 4 ஸ்பீடு டிரான்ஸ்மிஷன் கொண்டது.

மைலேஜ்

புதிய கிளாமர் பைக்கின் மைலேஜ் விபரத்தை ஹீரோ வெளியிடவில்லை. முந்தைய மாடல் லிட்டருக்கு 70 கிமீ வரை மைலேஜ் தருவதாக இருந்தது. இந்த பைக்கில் 13.6 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டிருக்கிறது.

சிறப்பம்சங்கள்

அனலாக்- டிஜிட்டல் இன்ஸ்ட்ரூமென்ட் கிளஸ்ட்டர் பொருத்தப்பட்டிருக்கிறது. ஸ்பீடோமீட்டர் அனலாக்கிலும், ஓடோமீட்டர், எரிபொருள் மானி போன்றவை டிஜிட்டல் திரையிலும் தெரிந்துகொள்ளும் வசதி இருக்கிறது. முன்புறத்தில் டெலிஸ்கோப்பிக் ஃபோர்க்குகளும், பின்புறத்தில் 5 ஸ்டெப் அட்ஜெஸ்ட் வசதி கொண்ட ஷாக் அப்சார்பரும் கொடுக்கப்பட்டுள்ளன. முன்புற சக்கரத்திற்கு 240மிமீ டிஸ்க் பிரேக்கும், பின்புற சக்கரத்திற்கு 130மிமீ டிஸ்க் பிரேக்கும் ஆப்ஷனலாக கிடைக்கிறது. ஸ்டாண்டர்டு மாடலில் 130 மிமீ டிரம் பிரேக்குகள் கொடுக்கப்பட்டுள்ளன.

புதிய கிளாமர் விலை விபரம்

கார்புரேட்டர், டிரம் பிரேக் மாடல்: ரூ.53,375

கார்புரேட்டர், டிஸ்க் பிரேக் மாடல்: ரூ.55,375

ப்யூவல் இன்ஜெக்ஷன், டிரம் பிரேக் மாடல்: ரூ.58,700

ப்யூவல் இன்ஜெக்ஷன், டிஸ்க் பிரேக் மாடல்: ரூ.62,750