மேம்படுத்தப்பட்ட புதிய யமஹா எஃப்இசட் மற்றும் எஃப்இசட் எஸ் பைக்குகள் விற்பனைக்கு வந்தன!

டிசைன்

புதிய எஃப்இசட் எஸ் பைக்கில் ஹெட்லைட், பின்புற ஃபென்டர், ஸ்பிளிட் இருக்கைகள், கிராப் ரெயில்கள் ஆகியவற்றில் மாற்றங்கள் செய்யப்பட்டு சிறப்பான தோற்றத்தை தருகின்றன. எல்சிடி இன்ஸ்ட்ரூமென்ட் கிளஸ்ட்டரும் குறிப்பிட்டு சொல்லலாம். முன்புற, பின்புற சஸ்பென்ஷன் செட்டிங்குகளும் புதிது. ஸ்டைலை விரும்பும் இளைஞர்களுக்கு மிகச்சரியான சாய்ஸ் என்று சொல்லுமளவிற்கு தோற்றத்தை கொண்டுள்ளது.

எஞ்சின்

முந்தைய மாடல்களில் 153சிசி எஞ்சின் பொருத்தப்பட்டிருந்த நிலையில், புதிய மாடல்களில் 149சிசி எஞ்சின் பொருத்தப்பட்டிருக்கிறது. மேலும், முந்தைய மாடலைவிட இது 3 கிலோ எடை குறைவாக புதிய மாடல் வந்துள்ளது.

ஃப்யூவல் இன்ஜெக்ஷன்

இந்த பைக்கில் பொருத்தப்பட்டிருக்கும் எஞ்சின் 13.1 பிஎஸ் பவரையும், 12.8 என்எம் டார்க்கையும் வெளிப்படுத்துவதாக இருக்கும். இந்த புதிய மாடலின் எஞ்சின் ஃப்யூவல் இன்ஜெக்ஷன் சிஸ்டத்துடன் வந்துள்ளதால் அதிக மைலேஜையும், சிறப்பான பெர்ஃபார்மென்சையும் வழங்கும்.

யமஹாவின் பரிந்துரை

இதன் ஃப்யூவல் இன்ஜெக்ஷன் சிஸ்டத்தை 6,000 கிமீ.,க்கு ஒருமுறை சுத்தம் செய்ய வேண்டும் என யமஹா தெரிவித்துள்ளது.

உராய்வு குறைவு

எஞ்சினில் உராய்வுத்தன்மை குறைவான யமஹாவின் புதிய புளு கோர் தொழில்நுட்பம் கொண்ட எஞ்சின் பொருத்தப்பட்டிருக்கும். இது 14 சதவீதம் கூடுதல் மைலேஜை வழங்கும்.

வண்ணங்கள்

புதிய எஃப்இசட் மாடல் பாந்தர் பிளாக், ஸ்கார்ச்சிங் ரெட் ஆகிய வண்ணங்களிலும், புதிய எஃப்இசட் எஸ் மாடல் அஸ்த்ரல் புளூ, மூன்வாக் ஒயிட், சைபர் க்ரீன் மற்றும் மோல்டென் ஆரஞ்ச் ஆகிய 4 வண்ணங்களிலும் கிடைக்கும்..

விலை விபரம்

ஃப்யூவல் இன்ஜெக்ஷன் எஞ்சினுடன் வந்திருக்கும் புதிய யமஹா எஃப்இசட் ரூ.76,250 விலையிலும், புதிய யமஹா எஃப்இசட் எஸ் பைக் மாடல் ரூ.78,250 விலையிலும் டெல்லி எக்ஸ்ஷோரூம் விலையிலும் கிடைக்கும்.

விற்பனை

இந்த புதிய பைக் மாடல்கள் நாடு முழுவதும் உள்ள யமஹா ஷோரூம்களில் நாளை முதல் விற்பனைக்கு கிடைக்கும் என்று தெரிவிக்கப்பட்டுள்ளது.