3 சிலிண்டர் எஞ்சின் கொண்ட முதல் யமஹா ஸ்ட்ரீட் பைக்

3 சிலிண்டர் கொண்ட தனது முதல் ஸ்ட்ரீட் ரக பைக்கை யமஹா அறிமுகப்படுத்தியுள்ளது. 2014 எம்டி-09 என்ற இந்த பைக் ஐரோப்பிய மார்க்கெட்டில் முதலில் வந்துள்ளது. மேலும், இதே பைக்கை எஃப்இசட்-09 என்ற பெயரில் வட அமெரிக்க மார்க்கெட்டிலும் யமஹா விற்பனைக்கு கொண்டு வர இருக்கிறது.

இந்த பைக்கில் 847சிசி 3 சிலிண்டர் எஞ்சின் பொருத்தப்பட்டு இருக்கிறது. இந்த எஞ்சின் 113 எச்பி ஆற்றலை வெளிப்படுத்தும் திறன் கொண்டது. இது எஃப்இசட்-08 பைக்கைவிட 51 பவுண்ட் குறைந்த எடை கொண்டது. அமெரிக்காவில் 7,990 டாலர் விலையிலும், இங்கிலாந்தில் 9,799 யூரோ விலையிலும் விற்பனைக்கு வந்துள்ளது. எதிர்காலத்தில் இந்தியாவில் இறக்குமதி செய்து விற்பனை செய்வதற்கான சாத்தியக்கூறுகள் இருக்கின்றன.