சீனா செல்லும் 'மேட் இன் இந்தியா' கேடிஎம் பைக்குகள்!

மார்க்கெட் லீடர்

இந்தியா போன்றே சீனாவும் வலுவான அடித்தளம் கொண்ட பைக் மார்க்கெட்டாக இருக்கிறது. சீன இருசக்கர வாகன மார்க்கெட்டில் சுஸுகி மற்றும் ஹோண்டா முன்னிலை வகிக்கின்றன. இந்த நிறுவனங்களையும் எதிர்கொண்டு தனது வர்த்தகத்தை கேடிஎம் துவங்க இருக்கிறது.

முதல் மாடல்

கேடிஎம் டியூக் 390 பைக் முதலாவது மாடலாக சீனாவிற்கு ஏற்றுமதி செய்யப்பட உள்ளது. இதைத்தொடர்ந்து, கேடிஎம் டியூக் 200 பைக்கும் அங்கு விற்பனைக்கு கொண்டு செல்லப்பட உள்ளது.

இலக்கு

முதல் ஆண்டில் 300 கேடிஎம் பைக்குகளை இந்தியாவிலிருந்து சீனாவிற்கு ஏற்றுமதி செய்ய பஜாஜ்- கேடிஎம் கூட்டணி இலக்கு வைத்துள்ளன. தற்போது பஜாஜ் ஆட்டோ நிறுவனம் மாதத்திற்கு ஒரு லட்சம் பைக்குகளை ஏற்றுமதி செய்கிறது.

சரியான விலை

ஆஸ்திரிய நிறுவனமான கேடிஎம் நிறுவனத்தின் 47 சதவீத பங்குகளை பஜாஜ் ஆட்டோ தனது கைவசம் வைத்துள்ளது. இரு நிறுவனங்களும் இணைந்து செயல்படுவதன் மூலம் மிக சரியான விலையில் பைக்குகளை இந்த கூட்டணி விற்பனை செய்ய முடிகிறது. எனவே, போட்டியாளர்களை வெகு எளிதாக கையாளும் விலையில் பைக்குகளை அறிமுகம் செய்து வருகின்றன.