இந்திய டிசைனர்களின் கைவண்ணததில் உருவான ஹயோசங் பவர் க்ரூஸர் கான்செப்ட்

பவர் க்ரூஸர் பைக்

ஸ்போர்ட்ஸ் பைக்குகள் போன்று சிறப்பான பவரையும், க்ரூஸர் பைக் போன்ற சொகுசையும் ஒருங்கே வழங்கும் பவர் க்ரூஸர் என்ற ரகத்தில் இந்த பைக் வருகிறது.

எஞ்சின்

நம் நாட்டில் விற்பனையில் இருக்கும் ஹயோசங் எஸ்டி7 க்ரூஸர் பைக்கில் இருக்கும் அதே 678 சிசி வி ட்வின் எஞ்சின்தான் இந்த பைக்கிலும் பொருத்தப்பட உள்ளது. எஸ்டி7 எஞ்சின் 62 எச்பி பவரையும், 57 என்எம் டார்க்கையும் வழங்கும் நிலையில், எஸ்டி7 பவர் க்ரூஸர் மாடல் கூடுதல் பவர் கொண்டதாக இருக்கும்.

பெரிய பைக்

பிற ஹயோசங் பைக் மாடல்களை ஒப்பிடும்போது, இது உருவத்தில் பெரிதாக தெரிகிறது. எஞ்சின் கார்டு போன்றவை மிக தாழ்வாக இருப்பது போன்று டிசைன் செய்யப்பட்டுள்ளது. தயாரிப்பு நிலை மாடலிலும் இதே டிசைன் அம்சங்கள் இருக்குமா என்பது தெரியாது. ஆனால், பெரிய அளவில் மாற்றங்கள் இருக்காது என்றே தகவல்கள் கூறுகின்றன.

அறிமுகம்

வரும் நவம்பரில் இத்தாலியில் நடைபெற உள்ள மிலன் மோட்டார்சைக்கிள் கண்காட்சியில் இந்த ஸ்கெட்சுகளின் அடிப்படையில் உருவாக்கப்படும் புதிய பைக் கான்செப்ட் அறிமுகம் செய்யப்பட உள்ளது.