கவாஸாகி நின்ஜா 300 பைக்கின் விலை திடீர் உயர்வு: கேடிஎம் ஆர்சி390க்கு வாய்ப்பு பிரகாசம்

எக்ஸ்ஷோரூம் விலை

கவாஸாகி நின்ஜா 300 பைக்கின் விலை ரூ.396 லட்சம் மும்பை எக்ஸ்ஷோரூம் என்று உயர்த்தப்பட்டுள்ளது.

ஏபிஎஸ் இல்லை

கேடிஎம் ஆர்சி390 பைக்கில் ஏபிஎஸ் பிரேக்கிங் சிஸ்டம் நிரந்தர ஆக்சஸெரீயாக கொடுக்கப்பட்டிருக்கும் நிலையில், கவாஸாகி நின்ஜா 300 பைக்கில் ஏபிஎஸ் பிரேக்கிங் சிஸ்டம் உள்ளிட்ட கூடுதல் பாதுகாப்பு மற்றும் சிறப்பம்சங்கள் எதுவும் இல்லை.

விலை வித்தியாசம்

இருப்பினும் ஆன்ரோடு விலை ரூ.4 லட்சத்துக்கும் அதிகம். ஆனால், நின்ஜா 300 பைக்கைவிட கேடிஎம் ஆர்சி 390 பைக் ரூ.1.5 லட்சம் வரை குறைவான விலையில் விற்பனைக்கு வந்துள்ளது.

எஞ்சின்

கேடிஎம் ஆர்சி390 பைக்கில் 9,000 ஆர்பிஎம்.,மில் 43.5 பிஎஸ் பவரையும், 35 என்எம் டார்க்கையும் அளிக்கும் 373.27சிசி சிங்கிள் சிலிண்டர் எஞ்சின் பொருத்தப்பட்டிருக்கிறது. ஆனால், நின்ஜா 300 பைக்கில் 11,000 ஆர்பிஎம்.,மில் 39 பிஎஸ் பவரையும், 27 என்எம் டார்க்கையும் அதிகபட்சமாக வழங்கும் 296சிசி பேரலல் ட்வின் லிக்யூடு கூல்டு எஞ்சின் பொருத்தப்பட்டிருக்கிறது.

மவுசு குறையுமா?

கேடிஎம் ஆர்சி390 பைக்கின் வரவால் கவாஸாகி நின்ஜா 300 பைக்கின் விற்பனையில் அதிக பாதிப்பு ஏற்படும் என கருதப்படுகிறது. அதேவேளை, விலை அதிகரிக்கப்பட்டிருப்பதால், நின்ஜா 300 பைக்கை சற்று பிரிமியம் மாடலாக முன்னிலைப்படுத்த கவாஸாகி முனைந்திருப்பதாக கருதப்படுகிறது. மேலும், நின்ஜா 300 பேரலல் ட்வின் லிக்யூடு கூல்டு எஞ்சின் கொண்டது என்பது குறிப்பிடத்தக்கது.

புதிய மாடல்

நின்ஜா 300 பைக்கின் விலை அதிகரிக்கப்பட்டிருப்பதால், கேடிஎம் ஆர்சி390 பைக்கிற்கு போட்டியாக புதிய பைக் மாடலை கவாஸாகி அறிமுகம் செய்யும் வாய்ப்பும் இருப்பதாக யூகங்கள் எழுந்துள்ளன.