மஹிந்திரா செஞ்சூரோ அடிப்படையில் 2 கஃபே ரேஸர் மாடல்கள்!

By Saravana

Published: Monday, February 10, 2014, 13:14 [IST]

ராயல் என்ஃபீல்டு நிறுவனம் அறிமுகப்படுத்திய கான்டினென்டல் ஜிடி கஃபே ரேஸர் மோட்டார்சைக்கிளின் தாக்கத்தால், முன்னணி நிறுவனங்கள் இந்த ரக பைக்குகளின் மீது கண் வைத்துள்ளன.

டெல்லி ஆட்டோ எக்ஸ்போவில் ஸ்பிளென்டர் அடிப்படையிலான கஃபே ரேஸர் மாடலை ஹீரோ பார்வைக்கு வைத்துள்ளது. இதேபோன்று, மஹிந்திரா செஞ்சூரோ அடிப்படையில் வடிவமைக்கப்பட்ட 2 கஃபே ரேஸர் மாடல்கள் பார்வைக்கு வைக்கப்பட்டுள்ளன.

இரண்டு மாடல்கள்

ஜேசிமோட்டோ மற்றும் ஸ்க்ராம்ப்ளர் ஆகிய இரு நிறுவனங்கள் தங்களது கைவண்ணத்தில் உருவான கஃபே ரேஸர் மாடல்கள் காட்சிக்கு வைக்கப்பட்டுள்ளன.

ஸ்க்ராம்ப்ளர்

பாம்பே கஸ்டம் ஒர்க்ஸ் வடிவமைத்துள்ள செஞ்சூரோ கஃபே ரேஸரின் வட்ட வடிவ ஹெட்லைட், கிரில், இருக்கையையொட்டி அமைக்கப்பட்ட சைலென்சர், இருக்கை, ஹேண்டில்பார் என அனைத்தும் கவர்கிறது.

ஜேசி மோட்டோ

செஞ்சூரோ அடிப்படையிலான இந்த மோட்டார்சைக்கிளில் ஹேண்டில்பார், பெட்ரோல் டேங்க், இருக்கை ஆகியவை கஃபே ரேஸர் மாடலில் உள்ளன.

ஸ்போக் வீல்

பழைய கஃபே ரேஸரை நினைவுப்படுத்தும் வகையில், ஸ்போக் வீல்கள் பயன்படுத்தப்பட்டுள்ளன. சைலென்சர் வடிவமைப்பும் வித்தியாசமாக இருக்கிறது. முன்புற சக்கரத்தில் டிஸ்க் பிரேக் பொருத்தப்பட்டுள்ளது.