சென்னையில் புதிய விற்பனை மையத்தை திறந்த டிரையம்ஃப் நிறுவனம்!

சென்னை, எத்திராஜ் சாலையில் டிரையம்ஃப் பைக்குகளுக்கான அங்கீகாரம் பெற்ற பிரத்யேக விற்பனையகம் திறக்கப்பட்டிருக்கிறது.

இந்த புதிய விற்பனை மையத்தில் டிரையம்ஃப் நிறுவனத்தின் க்ரூஸர், அட்வென்ச்சர், ஸ்போர்ட்ஸ் என அனைத்து ரக பைக் மாடல்களும் விற்பனை செய்யப்படுகின்றன. வாடிக்கையாளர் சேவை, விற்பனை மேலாண்மை மற்றும் பழுது பார்க்கும் பணிகள் ஆகிய அனைத்து சேவைகளையும் ஒரே குடையின் கீழ் பெறும் வகையில் இந்த புதிய விற்பனை மையம் செயல்படும்.

மேலும், இந்த புதிய விற்பனை மையத்தில் பணியாற்றும் அனைவரும் தம்தம் பிரிவுகளில் சிறப்பு பயிற்சிகளை பெற்றுள்ளனர். இதனால், சிறப்பான வாடிக்கையாளர் சேவையை வழங்குவோம் என்று டிரையம்ஃப் தெரிவித்துள்ளது.

இந்த புதிய விற்பனையகத்தில் விரைவில் பைக் கஸ்டமைஸ் செய்யும் மையமும் வசதியும் அறிமுகம் செய்யப்பட உள்ளது. இதன்மூலம், வாடிக்கையாளர்கள் தங்களது பைக்குகளை விரும்பிய வண்ணம் மாற்றிக்கொள்ளலாம். இந்தியாவில் டிரையம்ஃப் நிறுவனத்தின் 8வது பைக் விற்பனை மையம் இது என்பது குறிப்பிடத்தக்கது.