டிவிஎஸ் - பிஎம்டபிள்யூ கூட்டணியில் வரும் முதல் பைக் எது?

முதல் மாடல்

டிவிஎஸ் - பிஎம்டபிள்யூ கூட்டணியில் முதலாவதாக ஹீரோ இம்பல்ஸ் போன்ற ஆஃப் ரோடு பைக் மாடல் அறிமுகம் செய்யப்படும் என்று தகவல்கள் கூறின. ஆனால், தற்போது வெளியாகியுள்ள தகவல்களின்படி, முதல் மாடலாக ஸ்ட்ரீட் பைக் ரகத்தில் புதிய பைக் மாடல் வருகிறதாம். அதாவது, வர்த்தகத்தை பாதுகாப்பாக முன்னெடுத்து செல்வதற்காக ஆஃப் ரோடு பைக் மாடல் வடிவமைப்பை தள்ளி வைக்கப்பட்டுள்ளதாம்.

எஞ்சின்

முதல் பைக் மாடல் 300சிசி திறன் கொண்ட 4 ஸ்ட்ரோக் எஞ்சினுடன் வருகிறது. இது சிங்கிள் சிலிண்டர் கொண்டதாக இருக்கும்.

டிவிஎஸ் பேட்ஜ்

இந்த கூட்டணியின் புதிய பைக் மாடல் முதலில் டிவிஎஸ் மோட்டார்ஸ் பிராண்டில் வெளியிடப்படும்.

சிறப்பம்சங்கள்

இந்த புதிய பைக் மோனோஷாக் அப்சார்பர், எஞ்சினுக்கு கீழே எக்சாஸ்ட் பைப், டிஜிட்டல் இன்ஸ்ட்ரூமென்ட் கிளஸ்ட்டர், எல்இடி ஹெட்லைட்டுகள், எல்இடி லைட்டுகளுடன் கூடி மட்கார்டுகள் ஆகிய சிறப்பம்சங்களை கொண்டிருக்கும்.

அறிமுகம் எப்போது?

அடுத்த ஆண்டு இறுதியில் அல்லது 2016ம் ஆண்டு முதல் காலாண்டில் டிவிஎஸ் - பிஎம்டபிள்யூ கூட்டு தயாரிப்பில் வெளிவரும் முதல் பைக் மாடல் மார்க்கெட்டில் அறிமுகம் செய்யப்படும் என்று எதிர்பார்க்கப்படுகிறது.

நேரடி போட்டி

பஜாஜ் ஆட்டோ மற்றும் ஆஸ்திரியாவின் கேடிஎம் கூட்டணிக்கு நேரடி போட்டியாக டிவிஎஸ் - பிஎம்டபிள்யூ கூட்டணியின் தயாரிப்புகள் வெளிவரும்.