பிஎம்டபிள்யூவின் புதிய டூரிங் பைக் கான்செப்ட்... விபரம்!

ராட்சத தோற்றம்

அமெரிக்க பேக்கர் மோட்டார்சைக்கிள்களை போன்ற டிசைன் அம்சங்களை கொண்டுள்ளது. அதாவது, தோற்றம் அமெரிக்காவின் பழமையான மோட்டார்சைக்கிள் டிசைன் தாத்பரியங்களையும், தொழில்நுட்பங்கள் ஜெர்மானிய பாரம்பரியத்தை தாங்கி நிற்கிறது இந்த கான்செப்ட் 101.

டிசைன் அம்சம்

பெரும்பான்மைான பாகங்கள் மறைக்கப்பட்ட நிலையில், இதன் எஞ்சின் மட்டும் வேண்டுமென்றே உடையில்லாமல் திறந்த மேனியாக காட்சியளிக்கிறது.

தனித்துவம்

இந்த பைக்கின் ஒவ்வொரு பாகத்திலும் ஒரு தனித்துவம் மேலோங்கி நிற்கிறது. அதில் ஒன்று, இதன் பக்கவாட்டில் இருபுறமும் பொருத்தப்பட்டிருக்கும் பெட்டியில் டெயில் லைட் அமைக்கப்பட்டிருக்கிறது.

எஞ்சின்

இந்த பிரம்மாண்ட மோட்டார்சைக்கிளில் 6 சிலிண்டர்கள் கொண்ட, 1,649சிசி எஞ்சின் பொருத்தப்பட்டிருக்கிறது. இந்த எஞ்சின் செயல்திறன் மறக்க முடியாத ஓட்டுதல் அனுபவத்தை ஒவ்வொரு முறையும் வழங்கும்.

டிசைன் டீம்

பிஎம்டபிள்யூ குழுமத்தின் இருசக்கர வாகனப் பிரிவான பிஎம்டபிள்யூ மோட்டோராட் நிறுவனத்தின் வடிவமைப்புக் குழுவினரும், ரோலண்ட் சான்ட்ஸ் டிசைன் குழுவினரும் இணைந்து இந்த மோட்டார்சைக்கிளை வடிவமைத்துள்ளனர்.