டிவிஎஸ் துணையுடன் பிஎம்டபிள்யூ உருவாக்கிய முதல் பைக் கான்செப்ட்

வடிவமைப்பு ஆலோசனை

ஐரோப்பிய மற்றும் சர்வதேச சாகச மோட்டார்சைக்கிள் போட்டிகளில் பல முறை சாம்பியன்ஷிப் பட்டம் வென்ற க்றிஸ் பிரிஃபர் இந்த பைக்கின் வடிவமைப்பில் ஆலோசனைகளை வழங்கி முக்கிய பங்காற்றியுள்ளார்.

சிறந்த தயாரிப்பு

சிறப்பான ரைடிங் மற்றும் எளிதாக கட்டுப்படுத்தும் அம்சங்கள் கொண்டதாக இந்த மோட்டார்சைக்கிள் வடிவமைக்கப்பட்டுள்ளதாக க்றிஸ் பிரிஃபர் தெரிவித்திருக்கிறார்.

எஞ்சின்

இந்த பைக்கில் சிங்கிள் சிலிண்டர் எஞ்சின் பயன்படுத்தப்பட்டிருக்கும் என்று பிஎம்டபிள்யூ - டிவிஎஸ் கூட்டணி தெரிவித்திருக்கிறது. அதேநேரத்தில், முழுமையான தொழில்நுட்ப விபரங்கள் வெளியிடப்படவில்லை. இந்த எஞ்சின் 310சிசி எஞ்சினாக இருக்கும் என்பது பெயரின் மூலமாக அறிய முடிகிறது.

சிறப்பம்சங்கள்

அடக்கமான வடிவமும், குறைந்த வீல் பேஸும் கொண்டிருப்பதால், எளிதாக கட்டுப்படுத்த முடியும். மேலும், இதன் சைலென்சர் எஞ்சினுக்கு பின்புறத்தையொட்டி கொடுக்கப்பட்டிருப்பதால், சாகசங்களின்போது ஓட்டுபவருக்கு இடைஞ்சலான உணர்வை தராது.

நேக்டு ஸ்டைல்

அதிக அளவில் விற்பனை செய்வதற்காக, இந்த பைக்கின் அடிப்படையில் ஒரு நேக்டு ஸ்டைல் மாடல் உருவாகும் என்று எதிர்பார்க்கப்படுகிறது.

அறிமுகம்

அடுத்த ஆண்டு இந்த பைக்கின் தயாரிப்பு நிலை மாடல் இந்தியாவில் அறிமுகம் செய்வதற்கு வாய்ப்பு இருப்பதாக கருதப்படுகிறது.