புதிய வசதியுடன் ஹீரோ ஈ-ஸ்ப்ரிண்ட் எலக்ட்ரிக் ஸ்கூட்டர் அறிமுகம்.

இரண்டு டிரைவிங் ஆப்ஷனில் இயங்கும் வசதியுடன் ஹீரோ எலக்ட்ரிக் நிறுவனத்தின் ஈ-ஸ்ப்ரிண்ட் ஸ்கூட்டர் அறிமுகம் செய்யப்பட்டுள்ளது. மின்சாரத்தை கொண்டு இயங்கும் போக்குவரத்து வாகனங்களின் விற்பனையில் ஹீரோ எலக்ட்ரிக் முன்னிலை வகிக்கிறது.

இந்தநிலையில், புதிய வசதிகளுடன் கூடிய ஓர் சிறப்பான மாடலாக, ஈ-ஸ்ப்ரிண்ட் ஸ்கூட்டர் அறிமுகம் செய்யப்பட்டு இருக்கிறது. இந்த ஸ்கூட்டர்களுக்கு மத்திய அரசின் மானிய திட்டத்தின் கீழ் சிறப்பு சலுகைகளுடன் விற்பனைக்கு கிடைக்கின்றன.

மத்திய அரசின் சிறப்பு மானிய திட்டத்தின் கீழ், இது போன்ற எலக்ட்ரிக் ஸ்கூட்டர்கள் வாங்குவதற்கு ரூ.29,000 ரூபாய் வரை வாடிக்கையாளர்களுக்கு மானியம் கிடைக்க வாய்ப்பு உள்ளது.

ஈ-ஸ்ப்ரிண்ட் ஸ்கூட்டரின் சிறப்பு அம்சங்கள்;

சாலைகளில் வழுக்காமல் இருக்க, ஆண்டி-ஸ்கிட் டிஸ்க் பிரேக்குகள், பஞ்சர்ககளை தாங்கக்கூடிய ட்யூப்கள், சிறந்த வெளிச்சத்திற்கு பாலி கார்பனேட் ஹெட் லாம்புகள் போன்ற அம்சங்கள் உள்ளன.

மேலும், ஈ-ஸ்ப்ரிண்ட் ஸ்கூட்டரில் 10 இஞ்ச் அலாய் சக்கரங்கள், முன்புறத்தில் டெலெஸ்கோப்பிக் சஸ்பென்ஷன், தூரத்தை கணக்கிட ஒடோமீட்டர் உள்ளது. இது, பவர் மோட் மற்றும் எகானமி மோட் எனப்படும் இரண்டு பவர் மோட்களில் இயங்கும்.

ஈ-ஸ்ப்ரிண்ட் பேட்டரி;

இந்த ஈ-ஸ்ப்ரிண்ட் ஸ்கூட்டரில், 48V/33AH திறன் கொண்ட பேட்டரியும், 800 வாட்ஸ் மின் மோட்டாரும் உள்ளது. இது 1200 வாட்ஸ் வரை உச்ச சக்தியை வெளியிடும் திறன் கொண்டுள்ளது. மேலும், இதில் பல நிலை ஐ.சி சார்ஜர் மற்றும் மொபைல் சார்ஜ் செய்யும் வசதியும் உள்ளது.

ஈ-ஸ்ப்ரிண்ட் எடை விபரம்;

மொத்தமாக 106 கிலோகிராம் எடை கொண்ட ஈ-ஸ்ப்ரிண்ட்டின் கிரவுண்ட் க்ளியரன்ஸ் 150 மில்லிமீட்டராக உள்ளது. இந்த மின்சார ஸ்கூட்டரில், அதை ஓட்டுபவர் மற்றும் பின் இருக்கை பயணியும் சேர்ந்து சென்றாலும் கூட, ஏழு டிகிரி வரை செங்குத்தான சாலைகளிலும் பயணிக்க முடியும்.

ஈ-ஸ்ப்ரிண்ட் கிடைக்கும் வண்ணங்கள்;

ஹீரோ எலக்ட்ரிக் நிறுவனம், ஈ-ஸ்ப்ரிண்ட் ஸ்கூட்டரை சிகப்பு, சில்வர், பிளாக் மற்றும் சாம்பல் என நான்கு நிறங்களில் வழங்குகிறது. ரூ.47,990 மும்பை எக்ஸ்ஷோரூம் விலையில் கிடைக்கும்.

ஹீரோ எலக்ட்ரிக் ஸ்கூட்டர்களின் வகைகள்;

ஹீரோ எலக்ட்ரிக் ஸ்கூட்டர்கள் தற்போது, ஹை ரேஞ்ஜ், ஹை ஸ்பீட் மற்றும் எலக்ட்ரிக் சைக்கிள் உள்ளிட்ட மூன்று வகைகளில் கிடைக்கிறது.

ஹை ரேஞ்ஜ் ஈ-பைக்கு ரகத்தில், வேவ், மேக்ஸி, க்ரூஸ் மற்றும் ஆப்டிமா+ உள்ளிட்ட வாகனங்கள் கிடைக்கின்றன.

ஹை ஸ்பீட் ஈ-பைக்கு ரகத்தில், ஃபோட்டான் மற்றும் ஈ-ஸ்பிரிண்ட் உள்ளிட்ட வாகனங்கள் கிடைக்கின்றது. எலக்ட்ரிக் சைக்கிள்ஸ் ரகத்தில், ஏவியார் ஏ ஃப் எக்ஸ் மற்றும் ஏ எம் எக்ஸ் போன்ற வாகனங்கள் கிடைக்கின்றது.