கவாஸாகி வெர்சிஸ் 650 பைக் இந்தியாவில் விற்பனைக்கு வந்தது - விபரம்

12- வது மாடல்

இந்தியாவில் கவாஸாகி நிறுவனத்தின் 12வது பிரிமியம் பைக் மாடலாக கவாஸாகி வெர்சிஸ் 650 பைக் விற்பனைக்கு வந்துள்ளது.

இந்தியாவில் அசெம்பிள்

தாய்லாந்தில் உள்ள ஆலையிலிருந்து முக்கிய பாகங்களாக இறக்குமதி செய்யப்பட்டு, பஜாஜ் ஆட்டோவின் அகுர்தி ஆலையில் அசெம்பிள் செய்யப்படுகிறது.

எஞ்சின்

இந்த பைக்கில் 649சிசி பேரலல் ட்வின் சிலிண்டர்கள் கொண்ட லிக்யூடு எஞ்சின் பொருத்தப்பட்டிருக்கிறது. இந்த எஞ்சின் அதிகபட்சமாக 68 பிஎச்பி பவரையும், 64 என்எம் டார்க்கையும் வெளிப்படுத்தும். 6 ஸ்பீடு கியர்பாக்ஸ் கொண்டது.

சிறப்பம்சங்கள்

கவாஸாகி வெர்சிஸ் 650 பைக்கில் 17 இன்ச் அலாய் வீல்கள், முன்புறத்தில் இரட்டை பிஸ்டன்களுன் கூடிய 300மிமீ டிஸ்க் பிரேக் செட்டிங்கும், பின்புறத்தில் ஒற்றை பிஸ்டன் கொண்ட 250மிமீ டிஸ்க் பிரேக்கும் கொடுக்கப்பட்டிருக்கிறது. ஏபிஎஸ் பிரேக்கிங் சிஸ்டமும் இதற்கு உறுதுணையாக செயலாற்றும். முன்புறத்தில் டெலிஸ்கோப்பிக் ஃபோர்க்குகள் கொண்ட சஸ்பென்ஷன் அமைப்பும், பின்புறத்தில் மோனோஷாக் அப்சார்பரும் உள்ளது.

விலை

ரூ.6.60 லட்சம் டெல்லி எக்ஸ்ஷோரூம் விலையில் விற்பனைக்கு அறிமுகம் செய்யப்பட்டிருக்கிறது.

மற்றொரு புதிய மாடல்

கவாஸாகி வெர்சிஸ் 650 பைக் மாடலுடன் சேர்த்து, கவாஸாகி கேஎல்எக்ஸ்110 என்ற புதிய பைக் மாடலையும் கவாஸாகி அறிமுகம் செய்துள்ளது. இது ஆஃப்ரோடு பைக் மாடல். சாதாரண சாலைகளில் இயக்க முடியாது.

விலை விபரம்

கவாஸாகி கேஎல்எக்ஸ்110 பைக் ரூ.2.65 லட்சம் எக்ஸ்ஷோரூம் விலையில் அறிமுகம் செய்யப்பட்டிருக்கிறது. இந்த பைக் ஜப்பானிலிருந்து இந்தியாவிற்கு இறக்குமதி செய்து விற்பனை செய்யப்படும்.