பெனெல்லி டிஎன்டி 25 பைக் விரைவில் விற்பனைக்கு வருகிறது!

டிசைன்

தற்போது இந்திய மார்க்கெட்டில் விற்பனையில் இருக்கும் பெனெல்லி டிஎன்டி 300 பைக்கின் அடிப்படையிலான 250சிசி பைக் மாடல். இது நேக்கட் பாடி ஸ்டைல் கொண்ட மாடலாக இருப்பதால், குறைந்த அளவிலான பேனல்கள் கொடுக்கப்பட்டு திறந்த மேனியாக வசீகரிக்க வருகிறது.

எஞ்சின்

பெனெல்லி டிஎன்டி 25 பைக்கில் சிங்கிள் சிலிண்டருடன் லிக்யூடு கூல்டு சிஸ்டம் கொண்ட 250சிசி எஞ்சின் பொருத்தப்பட்டு இருக்கும். 6 ஸ்பீடு கியர்பாக்ஸ் கொண்டது. அதிகபட்சமாக இந்த எஞ்சின் 25 பிஎச்பி பவரையும், 22 என்எம் டார்க்கையும் வெளிப்படுத்தும்.

எடை

பெனெல்லி டிஎன்டி 25 பைக் 150 கிலோ எடை கொண்டது. எனவே, ஓட்டுவதற்கும், கையாள்வதற்கும் மிக எளிதான ஆரம்ப நிலை ஸ்போர்ட்ஸ் பைக் மாடலாக இருக்கும்.

சஸ்பென்ஷன் & பிரேக் சிஸ்டம்

முன்புறத்தில் டிஸ்க் பிரேக்குகள் பொருத்தப்பட்டு வருகிறது. முன்புறத்தில் தலைகீழ் அமைப்புடைய ஃபோர்க்குகள் கொண்ட சஸ்பென்ஷனும், பின்புறத்தில் மோனோ ஷாக் அப்சார்பரும் கொடுக்கப்பட்டு இருக்கிறது.

எதிர்பார்க்கும் விலை

ரூ.1.75 லட்சம் முதல் ரூ.2 லட்சம் எக்ஸ்ஷோரூம் விலையில் அறிமுகம் செய்யப்படும் என்று எதிர்பார்க்கப்படுகிறது. கேடிஎம் டியூக் 200 மற்றும் பஜாஜ் பல்சர் 200 என்எஸ் பைக் மாடல்களுக்கு போட்டியாக இருக்கும்.