2 புதிய சுஸுகி சூப்பர் பைக்குகள் இந்தியாவில் விற்பனைக்கு அறிமுகம்

வடிவம்

இரண்டு பைக்குகளும் 2,110மிமீ நீளம், 795மிமீ அகலம் மற்றும் 1,180மிமீ உயரம் கொண்டதாக வடிவமைக்கப்பட்டுள்ளது. இரண்டு பைக்குளும் 1,460மிமீ வீல் பேஸையும், 140மிமீ கிரவுண்ட் கிளியரன்ஸ் உடையது.

எஞ்சின்

இரண்டு பைக் மாடல்களிலும், ஒரே எஞ்சின்தான் பயன்படுத்தப்பட்டுள்ளது. இந்த பைக்குகளில் இருக்கும் 999சிசி 4 சிலிண்டர் எஞ்சின் அதிகபட்சமாக 144 எச்பி பவரையும், 105.75 என்எம் டார்க்கையும் வழங்கும். 6 ஸ்பீடு கான்ஸ்டன்ட் மெஷ் கியர்பாக்ஸ் கொடுக்கப்பட்டிருக்கும்.

பெட்ரோல் டேங்க்

இரண்டு பைக்குகளிலும் இருக்கும் பெட்ரோல் டேங்க் 17 லிட்டர் கொள்ளளவு கொண்டது.

எடை

நேக்டு பாடி டிசைனிலான சுஸுகி ஜிஎஸ்எக்ஸ் 1000 பைக் மாடல் 209 கிலோ எடையும், சிறப்பான ஏரோடைனமிக்ஸை வழங்குவதற்காக ஃபேரிங் பேனல்கள் கொண்ட சுஸுகி ஜிஎஸ்எக்ஸ் எஸ்1000எஃப் பைக் மாடல் 214 கிலோ எடையும் கொண்டது.

இதர அம்சங்கள்

மூன்று நிலைகளில் மாற்றக்கூடிய டிராக்ஷன் கன்ட்ரோல் சிஸ்டம், டிஜிட்டல் இன்ஸ்ட்ரூமென்ட் க்ளஸ்ட்டர், ட்யூப்லெஸ் டயர்கள் உள்ளிட்டவை இந்த புதிய மாடல்களின் குறிப்பிடத்தக்க சிறப்பம்சங்கள்.

விலை விபரம்

சுஸுகி ஜிஎஸ்எக்ஸ் எஸ்1000 மாடல் ரூ.12.25 லட்சம் விலையிலும், சுஸுகி ஜிஎஸ்எக்ஸ் எஸ்1000எஃப் மாடல் ரூ.12.70 லட்சம் டெல்லி எக்ஸ்ஷோரூம் விலையிலும் விற்பனைக்கு அறிமுகம் செய்யப்பட்டிருக்கிறது.