அட்டகாசமான டிசைனில் 200சிசி அப்பாசி மாடலை களமிறக்கும் டிவிஎஸ்!

தயாரிப்பு நிலை மாடல்

அடுத்த ஆண்டு டெல்லியில் நடைபெற உள்ள சர்வதேச வாகன கண்காட்சியில், புதிய டிவிஎஸ் அப்பாச்சி 200 பைக்கின் தயாரிப்புக்கு கொண்டு செல்லப்படுவதற்கு தகுதியுடைய மாதிரி பைக் அறிமுகம் செய்யப்படும் என்று எதிர்பார்க்கப்படுகிறது.

எஞ்சின்

புதிய டிவிஎஸ் அப்பாச்சி 200 பைக்கில் திரவ குளிர்விப்பு முறை கொண்ட ஒற்றை உருளை அமைப்புடைய எந்திரம் பயன்படுத்தப்பட உள்ளது. இந்த எந்திரத்துடன் 6 விதமான வேகத்தில் இயக்கத்தை தரக்கூடிய, பற்சக்கர அமைப்பு பயன்படுத்தப்பட்டிருக்கும். இந்த எந்திரம் அதிகபட்சமாக 28 குதிரை சக்தியையும், 20 நியூட்டன் மீட்டர் முறுக்குவிசையையும் வழங்க வல்லதாக இருக்கும்.

முக்கிய அம்சங்கள்

பின்புறத்தில் ஒற்றை தாங்கியில் செயல்படும் அதிர்வு உறிஞ்சும் அமைப்பு, பூட்டுதலில்லா முறையில், சக்கர சுழற்சியை நிறுத்தும் வசதி, மிச்செலின் நிறுவனத்தின் டயர்கள், மின்னணு முறையில் தகவல்களை அளிக்கும் திரை போன்றவை முக்கிய சிறப்பம்சங்களாக இருக்கும்.

எதிர்பார்க்கும் விலை

ரூ.1.50 லட்சம் ஆரம்ப விலையில் புதிய டிவிஎஸ் அப்பாச்சி 200 பைக் மாடல் விற்பனைக்கு அறிமுகம் செய்யப்படும் என்று எதிர்பார்க்கப்படுகிறது.

போட்டி

பஜாஜ் ஆட்டோவின் 200சிசி பல்சர் மாடல்கள், கேடிஎம் நிறுவனத்தின் ட்யூக் 200 மாடல்களுக்கு போட்டியாக இருக்கும்.