இரண்டு புதிய வண்ணங்களில் யமஹா ஆர்15 அறிமுகம் - விபரம்

ஹோலி பண்டிகையையொட்டி, யமஹா ஆர்15 பைக் இரண்டு புதிய வண்ணங்களில் விற்பனைக்கு அறிமுகம் செய்யப்பட்டிரு்ககிறது.

யமஹா YZF ஆர்15 வெர்ஷன் 2.0 மாடல் தற்போது ஜிபி புளூ மற்றும் ஸ்ட்ரீக்கிங் சையன் ஆகிய இரண்டு புதிய வண்ணங்களில் வந்துள்ளது. இந்த பைக்குகளை 18 முதல் 24 வயதுடைய வாடிக்கையாளர்களை மனதில் வைத்து ஸ்போர்ட்ஸ் பைக் மாடலை யமஹா விற்பனை செய்து வருகிறது.

நாடு முழுவதும் உள்ள யமஹா டீலர்களில் இந்த புதிய வண்ணங்களிலான ஆர்15 பைக் கிடைக்கும் என்று தெரிவிக்கப்பட்டுள்ளது. ரூ.1,17,260 டெல்லி எக்ஸ்ஷோரூம் விலையில் இந்த ஆர்15 மாடல்கள் கிடைக்கும்.

இந்த ஸ்போர்ட்ஸ் பைக்கில் 16.7 பிஎச்பி பவரையும், 15 என்எம் டார்க்கையும் வழங்க வல்ல 150சிசி எஞ்சின் பொருத்தப்பட்டிருக்கிறது. 6 ஸ்பீடு கியர்பாக்ஸ் கொண்ட இந்த பைக் லிட்டருக்கு 42 கிமீ மைலேஜ் தரும் என்று தெரிவிக்கப்படுகிறது.