ஜீரோ நிறுவனத்தின் புதிய எலக்ட்ரிக் மோட்டர்சைக்கிள் மாடல்கள் அறிமுகம்

செயல்திறன்

இவற்றில் உள்ள ஐ.பி.எம் எனப்படும் புதிய இசட்-ஃபோர்ஸ் இண்டீரியர் பர்மெனன்ட் மேக்னட் வேகமாக குளிர்ந்து, அதிக திறனை வெளிபடுத்துகிறது.

இதனால், முன்பை காட்டிலும், தற்போது இந்த வாகனங்களின் திறன் அதிகரித்துள்ளது.

ரேஞ்ச்

முழுமையான சார்ஜிங் செய்த பின், நெடுஞ்சாலைகளில் 157 கிலோமீட்டர் தூரம் வரை செல்ல முடியும். அதேபோல், நகருக்குள் பயணிக்கும் போது, 317 கிலோமீட்டர் தூரம் வரை செல்ல முடியும்.

மின் மோட்டார்

ஜீரோ டிஎஸ்ஆர் மாடலில் இருக்கும் மின் மோட்டார் அதிகபட்சமாக 67 ஹார்ஸ்பவரையும், 144 என்எம் டார்க்கையும் வெளிப்படுத்தும் திறன் கொண்டுள்ளது.

ஜீரோ எஃப்.எக்ஸ்.எஸ் பைக்கின் மின் மோட்டார் அதிகபட்சமாக 27 ஹார்ஸ்பவர் மற்றும் 44 ஹார்ஸ்பவர் வெளிபடுத்த கூடிய வகையில், இரு விதமான ட்யூனிங் வசதிகளுடன் கிடைக்கின்றது. ஆனால், இரு விதமான ட்யூனிங் செய்யும் போதும், உச்சகட்ட டார்காக 95 என்எம் வெளிபடுத்தும்.

விலை

ஜீரோ எஃப்.எக்ஸ்.எஸ் எலக்ட்ரிக் பைக் 8,495 அமெரிக்க டாலர்கள் (இந்திய மதிப்பில் 5.51 லட்ச ரூபாய்) விலையிலும், ஜீரோ டிஎஸ்ஆர் மாடல் எலக்ட்ரிக் பைக் 15,995 அமெரிக்க டாலர்கள் (இந்திய மதிப்பில் 10.38 லட்ச ரூபாய்) விலையில் கிடைக்கின்றது.

ஜீரோ எலக்ட்ரிக் பைக் மாடல்கள்

இந்த இரு புதிய எலக்ட்ரிக் பைக்களின் அறிமுகத்துடன், ஜீரோ மோட்டர்சைக்கிள்ஸ் சார்பாக, ஜீரோ எஸ், ஜீரோ எஸ்ஆர், ஜீரோ டிஎஸ், ஜீரோ டிஎஸ்ஆர், ஜீரோ எஃப்.எக்ஸ், ஜீரோ எப்எக்ஸ்எஸ் உள்ளிட்ட 6 விதமான பைக்குகள் கிடைக்கின்றது.