எம்வி அகுஸ்ட்டாவின் லிமிட்டெட் எடிஷன் எஃப்3 ஆர்சி இந்தியாவில் அறிமுகம்

எஃப்3 ஆர்சி...

எஃப்3 ஆர்சி மோட்டார்சைக்கிள், எம்வி அகுஸ்ட்டாவின் மிகவும் புகழ்பெற்ற எஃப்3-800 சூப்பர்பைக்கின் ஏஎம்ஜி-பிராண்ட் கொண்ட லிமிட்டெட் எடிஷன் வேரியன்ட் ஆகும். இது இந்தியாவில் மிகவும் ஈர்க்கும் விலையில் அறிமுகம் செய்யப்பட்டுள்ளது.

இஞ்ஜின்;

எம்வி அகுஸ்ட்டாவின் லிமிட்டெட் எடிஷன் எஃப்3 ஆர்சி மோட்டார்சைக்கிளுக்கு, 798 சிசி இஞ்ஜின் பொருத்தப்பட்டுள்ளது. இந்த இஞ்ஜின், 148 பிஹெச்பியை வெளிப்படுத்தும் திறன் கொண்டுள்ளது.

உச்சபட்ச வேகம்;

இந்த எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிள், அதிகப்படியாக மணிக்கு 269 கிலோமீட்டர் வேகத்தை எட்டும் திறன் உடையதாகும்.

இந்தியா வருகை;

எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிள், இந்த மாத இறுதிக்குள் இந்தியா வந்தடைந்துவிடும்.

எம்வி அகுஸ்ட்டா கருத்து;

"சர்வதேச சந்தைகள் அனைத்தையும் சேர்த்து மொத்தம் 250 எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிள்கள் தான் தயாரிக்கப்பட்டது. இதில், 9 மோட்டார்சைக்கிள்கள் மட்டுமே இந்திய வாகன சந்தைகளுக்கு ஒதுக்கப்பட்டுள்ளது" என எம்வி அகுஸ்ட்டா நிறுவனம் தெரிவித்தது.

எம்டி கருத்து;

"எம்வி அகுஸ்ட்டாவின் மிகவும் புகழ்பெற்ற எஃப்3-800 சூப்பர்பைக்கின் ஏஎம்ஜி-பிராண்ட் கொண்ட லிமிட்டெட் எடிஷன் வேரியன்ட்டின் கடைசி எஃப்3 ஆர்சி மோட்டார்சைக்கிள்களை இந்தியாவிற்ள் கொண்டு வருவதில் மிகுந்த மகிழ்ச்சியில் உள்ளோம். இந்த 9 மோட்டார்சைக்கிள்களில், ஏற்கனவே 5-ன் புக்கிங் உறுதி செய்யபட்டுள்ளது என எம்வி அகுஸ்ட்டா இந்தியா நிறுவனத்தின் எம்டி அஜிங்க்யா ஃபிரோதியா தெரிவித்தார்.

புக்கிங்;

எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிளை தற்போது புக்கிங் செய்ய விரும்பும் வாடிக்கையாளர்கள், புக்கிங் செய்து கொள்ளலாம். எம்வி அகுஸ்ட்டா இந்தியா பூனேவை மையமாக கொண்டு இயங்கும் கைனட்டிக் குழுமத்தின் ஒரு அங்கம் ஆகும். வெறும் 9 மோட்டார்சைக்கிள்கள் மட்டுமே இந்தியாவிற்கு வர உள்ள நிலையில், இதை புக்கிங் செய்ய விரும்பும் வாடிக்கையாளர்கள், முந்துமாறு கேட்டு கொள்ளப்படுகின்றனர்.

சிறப்பு அம்சம்;

ஒவ்வொரு எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிளிலும், சூப்பர்பைக் ரேசர்களான ஜூல்ஸ் க்ளூசெல் மற்றும் லாரென்சோ ஸாநெட்டி ஆகியோர்களின் ஆட்டோகிராஃப் மற்றும் எம்வி அகுஸ்ட்டா பார்ட்னரான ஏஎம்ஜியின் கோ-பிராண்டிங் எனப்படும் இணை-பிராண்டிங்கும் உள்ளது.

விலை;

எம்வி அகுஸ்ட்டா லிமிட்டெட் எடிஷன் எஃப்3 ஆர்சி மோட்டார்சைக்கிள், 19.73 லட்சம் ரூபாய் என்ற (எக்ஸ்-ஷோரூம் பூனே) விலையில் அறிமுகம் செய்யப்பட்டுள்ளது.

பிற சுவாரஸ்யமான செய்திகள்;

இந்தியாவின் பிரபல கார் டிசைனர் திலீப் சாப்ரியாவின் கார் கலெக்ஷன்!

மூழ்கி 80 ஆண்டுகளுக்கு பின் தலைகாட்டிய விபச்சார கப்பலில் பொற்காசு குவியல்: பரபரப்பு!

பசுமை பாதையாக மாறிய ராமேஸ்வரம்- மானாமதுரை ரயில் வழித்தடம்: என்ன சிறப்பு?