பிஎஸ் 4 எஞ்சின் கொண்ட பஜாஜ் சிடி100 பைக் ரூ.29,988ல் விற்பனைக்கு அறிமுகம்

மூன்று வேவ்வேறு மாடலில் இந்த புதிய பஜாஜ் சிடி100 பைக் தயாரிக்கப்பட்டுள்ளது. சிடி100 வரிசையில் ஒரு பைக்கின் முகப்பு விளக்கு வட்ட வடிவத்திலும், மற்றொன்று பழைய முறையிலான முகப்பு அமைப்பை பெற்றிருக்கும். இதே வரிசையில் மற்றொரு மாடலில் அலாய் வீல்கள் பொருத்தப்பட்டு இருக்கும்.

புதிய பஜாஜ் சிடி100 மாடல்கள் மற்றும் விற்பனை விவரம்.

99.27சிசி கொண்ட பஜாஜ் சிடி100 மோட்டார் சைக்கிளின் எஞ்சின் 8.1 பிஎச்பி பவர் மற்றும் 8.05 என் எம் டார்க் திறனை வழங்கும். இதில் 4- ஸ்பீடு கியர்பாக்ஸ் பொருத்தப்பட்டுள்ளது. இதன்மூலம் 90 கிலோ மீட்டர் ஒருமணி நேரத்தில் அடையக்கூடிய ஆற்றல் பஜாஜின் புதிய சிடி100 மோட்டார் சைக்கிளில் உள்ளது.

டெலஸ்கோபிக் ஃபோர்க்ஸ் கொண்ட சிடி 100 பைக்கின் பின் சக்கரங்களில் ட்வின் ஷாக் அப்ஸபர் அமைப்பு உள்ளது. மேலும் வண்டியின் இரு சக்கரங்களிலுமே 110மிமி அளவு கொண்ட பிரேக் அமைப்புகள் இடம்பெற்றுள்ளன.

அலாய் வீல்கள் கொண்ட சிடி100 பைக் மாடல் 108 கிலோ கிராம் வரை தாங்கும், அதுவே ஸ்டீலினால் செய்யப்பட்ட சக்கரங்கள் கொண்ட சிடி 100 மாடல்கள் கூடுதலாக் ஒரு எடையை தாங்கும் திறன் பெற்றவை.

ஃபிளேம் ரெட் மற்றும் எபானி பிளாக் என இருவேறு வண்ணங்களில் பரவலாக கிடைக்கும் நிலையில் பாஜாஜ் சி.டி.100 பைக்குகள் தயாரிக்கப்பட்டுள்ளன. மேலும் எபானி பிளேக் நிறத்தில் விருப்பட்டால் நீலம் மற்றும் சிவப்பு மட்டும் பயன்படுத்தப்பட்ட தோற்றத்திலும் இந்த மாடல் பைக்குகள் விற்பனைக்கு வரும்.