மொத்த இந்தியாவின் டூ-விலர் விற்பனையில் 52% விற்பனை அளவு இருப்பது ஹோண்டாவிடம்

இதன்மூலம் 15 மாநிலங்கள் மற்றும் 2 யூனியன் பிரதேசங்களில் சுமார் டூ-வீலர் விற்பனையில் 52 சதவீத பங்குகளை ஹோண்டா நிறுவனமே வகித்து வருகிறது.

பஞ்சாப் தொடங்கி அந்தமான் நிக்கோபார் தீவுகள் வரை இந்தியாவில் பல்வேறு மாநிலங்களில் ஹோண்டா டூ-வீலர்களே அதிக விற்பனை திறனை எட்டி வருகின்றன.

கோவா உட்பட சில யூனியன் பிரதேசங்களிலும் ஹோண்டாவின் ஆதிக்கம் தொடர்கின்றன. இந்த சாதனைகள் அனைத்தையும் இந்தாண்டில் தான் ஹோண்டா படைத்துள்ளது.

ஹோண்டா மோட்டார்சைக்கிள் இந்திய நிறுவனத்தின் தலைவர் மினோரூ கட்டோ பேசும்போது, எதிர்காலத்திலும் ஹோண்டா இன்னும் பல சாதனைகளை படைக்கும்.

குறிப்பாக வாகனத்துறையில் உள்ள அனைத்து தேவைகளையும் பூர்த்தி செய்யும் முயற்சியில் இந்திய சமூதாயத்தின் மொத்த உள்ளங்களையும் சொந்தமாக்குவோம் என்றார்.

Recommended Video

Okinawa Praise Electric Scooter Launched In India - DriveSpark

இந்தியாவில் ஒரு தயாரிப்பு ஆலையுடன் களமிறங்கிய ஹோண்டா, கடந்த 6 ஆண்டுகளில் கிடைத்த வளர்ச்சியின் மூலம் நம் நாட்டில் 4 ஆலைகளை கட்டமைத்துள்ளது.

பல்வேறு புதிய மற்றும் கண்கவர் மாடல்களை அறிமுகம் செய்து, இந்தியாவிற்கான இருசக்கர வாகன விற்பனையில் ஹோண்டா மும்மடங்கு வளர்ச்சியை பதிவு செய்துள்ளது.

விற்பனை திறன் அதிகமுள்ள மாநிலங்களை தவிர உத்தர பிரதேசம், மேற்கு வங்கம், ஒடிஷா, சட்டீஸ்கர் போன்ற மாநிலங்களிலும் ஹோண்டா தனக்கான வாடிக்கையாளர்களை அதிகரித்து வருகிறது.

இந்தியாவில் கடைக்கோடி குடிமகனுக்கும் சென்றடையும் விதத்தில் தயாரிப்புகளை உருவாக்குவது ஹோண்டாவின் லட்சியமாக உள்ளது.

அதற்காக உத்வேகம் மற்றும் மனவலிமையுடன் தொடர்ந்து செயல்படுவோம் என்று கூறுகிறார், ஹோண்டா டூ-வீலர் இந்தியாவின் தலைமை விற்பனை பிரிவு அதிகாரி யாத்விந்தர் சிங் குலேரியா.

Trending DriveSpark YouTube Videos

Subscribe To DriveSpark Tamil YouTube Channel - Click Here