ஜூலையில் வெளியாகிறது புதிய டொமினார் ஸ்க்ரம்ப்லர்
பஜாஜ் டொமினார் -400 பைக்கின் புதிய மாடலான ஸ்க்ரம்ப்லர் வரும் ஜூலை மாதம் வெளியாகவுள்ளது. அதிக வேரியன்ட் மூலம் விற்பனையை அதிகரிக்க இந்த மாடல் அறிமுகப்படுத்தப்படவுள்ளது.
பஜாஜ் டொமினார் -400 பைக்கின் புதிய மாடலான ஸ்க்ரம்ப்லர் வரும் ஜூலை மாதம் வெளியாகவுள்ளது. ஏற்கனவே டொமினார் இந்தியாவில் மார்க்கெட்டை பிடித்துள்ள நிலையில் அதிக வேரியன்ட் மூலம் விற்பனையை அதிகரிக்க இந்த மாடல் அறிமுகப்படுத்தப்படவுள்ளது.

பஜாஜ் நிறுவனம் டொமினாருக்கான விளம்பரங்களில் ராயல் என்பீல்டு பைக்குகளை கடுமையாக விமர்சித்து வருகிறது. ராயல் என்பீல்டு பைக்குளில் உள்ள குறைகளை சுட்டிக்காட்டி விளம்பரம் செய்து வருவது சமூக வலைதளங்களில் விவாதங்களை கிளப்பியுள்ளது.

மிக முக்கியமாக ரோடு இல்லாத பகுதிகளில் ராயல் என்பீல்டு பைக் ஓட்ட லாயக்கில்லாதது என்ற வகையில் விளம்பரம் செய்து வருகிறது. இதற்கு பதிலளிக்கும் வகையில் ராயல் என்பீல்டு ஹமாலயன் பைக்கை வெளியிட்டாலும் அது மக்கள் மத்தியில் நல்ல வரவேற்ப்பை பெற முடியவில்லை.

புதிய டொமினார் ஸ்க்ரம்ப்லரை பொறுத்தவரை நீண்டதுார பயணம்,மற்றும் ரோடுகள் இல்லாத/ சரியில்லாத பகுதிகளில் பயணம் செய்வதற்கு தகுந்தார்போல் வடிவமைக்கப்பட்டுள்ளதாகவும், அதை குறிவைத்த இந்த வேரியன்ட் பைக்கிற்கான மார்க்கெட்டிங் நடக்கவுள்ளதாகவும் தெரியவந்துள்ளது.

ஏ.பி.எஸ். இல்லாத பைக்குகளுக்கு மார்ச் 31பின் அரசு தடை விதித்துள்ள நிலையில் டொமினாரில் உள்ள ஏ.பி.எஸ். இல்லாத வேரியன்டை நீக்கவும் பஜாஜ் நிறுவனம் முடிவு செய்துள்ளது.

டொமினார் ஸ்க்ரம்ப்லர் பைக் தற்போது விற்பனையாகி வரும் டெமினார் உயர் ரக வெரியன்டில் இருந்து ரூ 5,000 வரை அதிகமாக விற்பனைக்கு வரும் என எதிர்பார்க்கப்படுகிறது.
டிரைவ்ஸ்பார்க் தமிழ் தளத்தில் அதிகம் வாசிக்கப்பட்ட செய்திகள்:


Click it and Unblock the Notifications








