Just In
- 2 hrs ago ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- 3 hrs ago ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!
- 5 hrs ago 21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
- 10 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
Don't Miss!
- Movies ஷங்கர் மகளின் ஹல்தி கொண்டாட்டம்.. மஞ்ச காட்டு மைனா போல் ஜொலித்த நடிகை அதிதி ஷங்கர்!
- News நடிகர் மாரிமுத்து எவ்ளோ பிரில்லியண்ட்! பாஞ்சாலங்குறிச்சி ஓலை பாய் காமெடியில் செய்த சூப்பர் டெக்னிக்
- Lifestyle இந்த 4 ராசிக்காரங்களோட முதல் எதிரியே அவங்க ஈகோதானாம்... ஈகோவாலேயே நிறைய விஷயங்களை இழந்துருவாங்களாம்!
- Sports பவுலர்களை குறி வைத்து அடித்தேன்.. பதிரானாவிடம் எச்சரிக்கையாக இருந்தோம்.. ஸ்டாய்னிஸ் ஓபன் டாக்!
- Finance மோனாலிசா ஓவியத்தை பாட வைத்த மைக்ரோசாப்ட் ஏஐ vasa -1.. அசரவைக்கும் வீடியோ..!
- Technology வெளுக்குது ஆர்டர்.. ரூ.15249 பட்ஜெட்ல AMOLED டிஸ்பிளே.. 45W சூப்பர்வூக்.. 5000mAh பேட்டரி.. எந்த மாடல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
இந்தியர்களிடம் கொள்ளையடித்து அமெரிக்காவுக்கு தாரை வார்க்கும் பிஎம்டபிள்யூ.. கூட்டுலே பஞ்சாயத்த..
இந்தியாவில் உற்பத்தி செய்யப்படும் பிஎம்டபிள்யூ பைக்குகள், இந்தியாவில் அதிகமான விலையில் விற்பனை செய்யப்படுகின்றன. அதே பைக்குகள் அமெரிக்காவில் குறைவான விலையில் விற்பனையாவது அதிர்ச்சியை ஏற்படுத்தியுள்ளது
இந்தியாவில் உற்பத்தி செய்யப்படும் பிஎம்டபிள்யூ பைக்குகள், இந்தியாவில் அதிகமான விலையில் விற்பனை செய்யப்படுகின்றன. அதே பைக்குகள் அமெரிக்காவில் குறைவான விலையில் விற்பனையாகி வருவது அதிர்ச்சியை ஏற்படுத்தியுள்ளது. இது தொடர்பான விரிவான தகவல்களை இந்த செய்தியில் பார்க்கலாம்.
பிஎம்டபிள்யூ மோட்டோராட்-டிவிஎஸ் நிறுவனங்களின் கூட்டணியில், பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகள் உருவாக்கப்பட்டுள்ளன. தமிழகத்தின் ஓசூரில் உள்ள டிவிஎஸ் ஆலையில், இந்த 2 பைக்குகளும் உற்பத்தி செய்யப்பட்டு வருகின்றன.
இந்தியாவில் உள்ள பைக் ஆர்வலர்கள் மத்தியில், பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகள், பெரும் எதிர்பார்ப்பை ஏற்படுத்தியிருந்தன. ஆனால் இந்த 2 பைக்குகளையும் கடைசியாக பெற்ற மார்க்கெட்தான் இந்தியா என்றே சொல்ல வேண்டும்.
ஏனெனில் இங்கு உற்பத்தி செய்யப்பட்டு, வெளிநாடுகளுக்கு ஏற்றுமதி செய்யப்பட்டாலும், இந்த 2 பைக்குகளும், இந்தியாவில் மட்டும் லான்ச் செய்யப்படவில்லை. ஒரு வழியாக நீண்ட தாமதத்திற்கு பின், 2 பைக்குகளும் நேற்று முன் தினம் (ஜூலை 18ம் தேதி) இந்தியாவில் விற்பனைக்கு அறிமுகம் செய்யப்பட்டன.
பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகள் இந்தியாவில் லான்ச் செய்யப்படவில்லையே என பைக் ஆர்வலர்கள் ஏங்கி போயிருந்தனர். தற்போது இந்த 2 பைக்குகளும் இந்தியாவில் லான்ச் செய்யப்பட்டு விட்டாலும் கூட, அவர்கள் இன்னமும் அதிருப்தியில்தான் உள்ளனர்.
இதற்கு காரணம் பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகளின் அநியாய விலைதான். இந்த பைக்குகளின் விலை விஷயத்தில், அமெரிக்காவுக்கு ஒரு நியாயம், இந்தியாவுக்கு ஒரு நியாயம் என பிஎம்டபிள்யூ நிறுவனம் நடந்து கொள்ளும் பாங்கு பைக் ஆர்வலர்களை எரிச்சல் அடைய வைத்துள்ளது.
இந்திய மார்க்கெட்டில் பிஎம்டபிள்யூ ஜி 310 ஆர் பைக் 3.78 லட்ச ரூபாய் என்ற ஆன் ரோடு விலையிலும், ஜி 310 ஜிஎஸ் பைக் 4.35 லட்ச ரூபாய் என்ற ஆன் ரோடு விலையிலும் விற்பனை செய்யப்படுகின்றன. இந்த விலையில் ரோடு சைடு அசிஸ்டென்ஸ், சைடு ஸ்டேண்ட் ஆகியவை சேராது என்பது கவனிக்கத்தக்கது.
அதே சமயம் அமெரிக்காவில், பிஎம்டபிள்யூ ஜி 310 ஆர் பைக் இந்திய மதிப்பில் சுமார் 3.27 லட்ச ரூபாய்க்கும் (இந்தியாவில் ரூ.3.78 லட்சம்), ஜி 310 ஜிஎஸ் பைக் இந்திய மதிப்பில் சுமார் 3.93 லட்ச ரூபாய்க்கும் (இந்தியாவில் ரூ.4.35 லட்சம்) விற்பனை செய்யப்பட்டு வருகின்றன.
அதாவது இந்தியாவை காட்டிலும் அமெரிக்காவில் மிகவும் குறைவான விலையில் ஜி 310 ஆர் மற்றும் ஜி 310 ஜிஎஸ் பைக்குகளை பிஎம்டபிள்யூ நிறுவனம் விற்பனை செய்து வருகிறது. இதில், உன்னிப்பாக கவனிக்க வேண்டிய மற்றொரு விஷயமும் உள்ளடங்கியிருக்கிறது.
முழுக்க முழுக்க இந்தியாவில் உற்பத்தி செய்யப்படும் பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகள்தான் அமெரிக்காவில் விற்பனை செய்யப்படுகின்றன. இந்தியாவில் இருந்து கொண்டு செல்லப்படுவதால், அமெரிக்காவில் தனியாக இறக்குமதி வரி வேறு விதிக்கப்படும்.
அப்படி இருந்தும் கூட இந்திய மார்க்கெட் உடன் ஒப்பிடுகையில் அமெரிக்க மார்க்கெட்டில் மிகவும் குறைவான விலையில்தான், ஜி 310 ஆர் மற்றும் ஜி 310 ஜிஎஸ் பைக்குகளை பிஎம்டபிள்யூ நிறுவனம் விற்பனை செய்து வருகிறது.
அது எப்படி ஒரு இந்திய தயாரிப்பு, இந்திய மார்க்கெட்டை காட்டிலும் வெளிநாட்டு மார்க்கெட்டில் விலை குறைவாக விற்பனை செய்யப்படும்? இது எப்படி சாத்தியம்? என்பதற்கான தெளிவான பதில்கள் தற்போது வரை கிடைக்கவில்லை.
இங்கே கேடிஎம் நிறுவனத்தை ஒப்பிடுவதும் அவசியமான ஒன்றாக உள்ளது. இளைஞர்கள் மத்தியில் மிகவும் பிரபலமாக விளங்கும் கேடிஎம் டியூக் 390 பைக், இந்திய மார்க்கெட்டில் சுமார் 2.65 லட்ச ரூபாய் என்ற ஆன் ரோடு விலையில் விற்பனை செய்யப்பட்டு வருகிறது.
அதே சமயம் அமெரிக்க மார்க்கெட்டில் கேடிஎம் டியூக் 390 பைக்கின் விலை இந்திய மதிப்பில் சுமார் 3.44 லட்ச ரூபாய். அதாவது இந்தியாவில் உற்பத்தி செய்யப்படும் கேடிஎம் டியூக் 390 பைக், இந்திய மார்க்கெட்டில் விலை குறைவாகவும், அமெரிக்க மார்க்கெட்டில் விலை அதிகமாகவும் வைத்து விற்பனை செய்யப்படுகிறது.
இத்தனைக்கும் அமெரிக்க மார்க்கெட்டில், பிஎம்டபிள்யூ ஜி 310 ஆர் பைக்கை விட (3.27 லட்சம்), கேடிஎம் டியூக் 390 பைக்தான் அதிக விலையில் (3.44 லட்சம்) விற்பனை செய்யப்படுகிறது. இங்கே உன்னிப்பாக கவனிக்க வேண்டிய விஷயம் இதுதான்.
இந்திய மார்க்கெட்டில் பிஎம்டபிள்யூ ஜி 310 ஆர் பைக்கை விட சுமார் 1.13 லட்ச ரூபாய் குறைவான விலையில் கேடிஎம் டியூக் 390 பைக் விற்பனை செய்யப்படுகிறது. அதே சமயம் அமெரிக்க மார்க்கெட்டில், பிஎம்டபிள்யூ ஜி 310 ஆர் பைக்கை விட 17 ஆயிரம் ரூபாய் அதிகமான விலையில் கேடிஎம் டியூக் 390 விற்பனையாகிறது.
அதாவது இந்திய மார்க்கெட்டில் பிஎம்டபிள்யூ ஜி 310 ஆர் பைக்கை விட விலை குறைவாக உள்ள கேடிஎம் டியூக் 390 பைக், அமெரிக்க மார்க்கெட்டில் பிஎம்டபிள்யூ ஜி 310 ஆர் பைக்கை விட அதிக விலையில் விற்பனை செய்யப்படுகிறது. இது எப்படி சாத்தியம்?
இப்படி ஒரு குளறுபடியான விலை நிர்ணயத்தை செய்தது ஏன்? என்பதற்கான தெளிவான பதில்களை பிஎம்டபிள்யூ நிறுவனம் தரவில்லை. இதனால் பிஎம்டபிள்யூ ஜி 310 ஆர் மற்றும் ஜி 310 ஜிஎஸ் பைக்குகளை ஆவலுடன் எதிர்பார்த்து காத்திருந்த வாடிக்கையாளர்கள் நொந்து போய் உள்ளனர்.
-
40அடி நீள சொகுசு படகை வாங்கினாரா நடிகர் மாதவன்! ஒட்டுமொத்த இந்தியாவையும் ஆச்சரியத்துல மூழ்க வச்சுட்டாரு!
-
வெளிநாட்டுகாரன் எல்லாம் உஷாராகிட்டான் ! இந்த கம்பெனி வண்டியோட ஏற்றுமதி படுத்துக்கிச்சு!
-
இந்த விலைக்கு இப்படி ஒரு ஹூண்டாய் காரா! எவ்ளோனு தெரிஞ்சா இப்பவே ஷோரூமுக்கு வண்டிய எடுத்துருவீங்க!