வாக்களிப்பை அதிகரிக்க பியாஜியோ செய்த காரியம் - என்ன தெரியுமா?

பியாஜியோ நிறுவனம் இந்தியா உட்பட பல்வேறு நாடுகளில் வாகன விற்பனையில் ஈடுபட்டு வருகிறது. இந்தியாவில் வெஸ்பா மற்றும் அப்ரிலியா பிராண்டில் வாகனங்களை அறிமுகம் செய்து வருகின்றது.

இந்நிலையில், இந்தியாவில் தற்போது நடைபெற்று வரும் மக்களவைத் தேர்தலில், வாக்களர்கள் முழுமையாக வாக்குப் பதிவைச் செலுத்தும் விதமாக, மக்களுக்கு விழிப்புணர்வு ஏற்படுத்தும் முயற்சியில் இந்த நிறுவனம் ஈடுபட்டு வருகிறது.

அந்தவகையில், வாக்களிக்கும் தனது வாடிக்கையாளர்களுக்கு பல்வேறு சலுகைகளை வழங்க பியாஜியோ நிறுவனம் திட்டமிட்டுள்ளது. அவ்வாறு, இலவச வாட்டர் வாஷ் மற்றும் சலுகை விலையில் சர்வீஸ் உள்ளிட்டவையை வழங்க அந்நிறுவனம் முடிவு செய்துள்ளது. இத்துடன், ரூ. 200-ல் வாகனங்களுக்கான மெயின்டனஸ் கான்ட்ராக்ட் வழங்கப்படுகிறது.

பியாஜியோவின் இந்த சலுகையானது, வருகின்ற ஜூன் மாதம் 30ம் தேதி வரை மட்டுமே வழங்கப்பட உள்ளது. மேலும், இதனைப்பெற அதன் வாடிக்கையாளர்கள் மக்களவைத் தேர்தலில் வாக்களிக்க வேண்டும். பின்னர், அவர்கள் வாக்களிக்கும்போது, விரலில் வைக்கப்படும் மை-யினை ஆதாரமாக காண்பிக்க வேண்டும். இதைத்தொடர்ந்து, வாடிக்கையாளர்களுக்கு பியாஜியோவின் சலுகைகள் வழங்கப்படும்.

பியாஜியோவின் இந்த முயற்சியானது, மக்களவைத் தேர்தலில், வாக்காளர்கள் முழுமையாக வாக்குப் பதிவை அளிக்க வேண்டும் என்பதே முதன்மை குறிக்கேளாகும். இந்த சலுகையை பியாஜியோ நிறுவனம் நாடு முழுவதும் வழங்க உள்ளது.

பியாஜியோ நிறுவனத்தைப் போன்றே பல்வேறு நிறுவனங்கள் வாக்களிப்பதின் முக்கியத்துவத்தை, அதன் வாடிக்கையாளர்களிடம் ஊக்குவிக்கும் விதமாக இதுபோன்ற முயற்சியில் ஈடுபட்டு வருகின்றன. அவ்வாறு, ஹூரோ மோட்டோகார்ப் நிறுவனம் ரூ. 199-க்கு சர்வீஸ் என்ற திட்டத்தினை தொடங்கி வைத்தது. அதில், பிரஸ்ஸர் வாஷ் மற்றும் ஜெனரல் சர்வீஸ் உள்ளிட்ட சேவைகள் வழங்கப்படுகின்றன.

இதேபோன்று, நாட்டில் இயங்கி வரும் பல்வேறு முக்கிய நிறுவனங்கள், தேர்தலின்போது வாக்களிப்பதன் முக்கியத்துவத்தை மக்களுக்கு ஏற்படுத்தும் விதமான முயற்சியில் ஈடுபடட்டு வருகின்றன.