Just In
- 3 min ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 13 min ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 57 min ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
- 2 hrs ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
Don't Miss!
- Lifestyle சர்க்கரை நோயாளிகள் சிக்கன் சாப்பிடலாமா? அப்படி சாப்பிட்டா என்ன நடக்கும் தெரியுமா? எப்படி சாப்பிடணும் தெரியுமா?
- News நேருவும், இந்திராவும் முட்டாள்கள் இல்லை.. பாஜகவின் மொழி கொள்கைக்கு ஜேஎன்யு துணைவேந்தர் எதிர்ப்பு
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Movies அந்த பயம் தான் காரணமா?.. அமரன் முதல் கங்குவா வரை.. ரிலீஸ் தேதியை முடிவு பண்ண முடியலையே!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
என்னது 100 மிலி-க்கே இத்தனை கி.மீட்டாரா..? புதிய ஹோண்டா ஆக்டிவா 125 எவ்வளவு மைலேஜ் வழங்கும்? வீடியோ!
ஹோண்டா மோட்டார்ஸ் நிறுவனத்தின் பிரபல இருசக்கர வாகனங்களில் ஒன்றான ஆக்டிவா 125 பிஎஸ்-6 ஸ்கூட்டர் எவ்வளவு மைலேஜ் வழங்கும் என்ற தகவல் வெளியாகியுள்ளது.
இந்தியர்களில் பெரும்பாலானோர் பட்ஜெட் ரக வாகன விரும்பிகளாக இருக்கின்றனர். அதேசமயம், ஆடம்பர ரக வாகனங்கள் மீதும் அதிகம் ஆர்வம் கொண்டவர்களாக திகழ்கின்றனர். குறிப்பாக, ஓர் விலையுயர்ந்த வாகனத்தை வாங்கும்போது, அந்த விலைக்கேற்ற தகுதியை அந்த வாகனம் பெற்றிருக்கின்றதா என்பவதில் இந்தியர்கள் அதிகம் கவனம் செலுத்துகின்றனர்.
இதன்காரணமாகவே, குறிப்பிட்ட லக்சூரி கார்களுக்கு இந்திய சந்தையில் நல்ல டிமாண்ட் நிலவி வருகின்றது. அந்தவகையில் ஸ்கூட்டர், பைக், கார் என எந்த வாகனத்தை வாங்கினாலும் அதன்மீது தனிப்பட்ட எதிர்பார்ப்பை இந்தியர்கள் வைக்கின்றனர். இதனாலயே, ஒரு சில வாகன உற்பத்தி நிறுவனங்கள் இந்தியர்களுக்கென பிரத்யேக மாடலை தயாரித்து அறிமுகம் செய்து வருகின்றனர்.
குறிப்பாக, இந்தியர்களின் கவனம் வாகனத்தின் ஸ்டைல், வசதி மற்றும் எரிபொருள் பயன்பாடு (மைலேஜ்) ஆகியவற்றின் மீதே அதிகம் காணப்படுகின்றது. அதிலும், மைலேஜ் விஷயத்தில் இந்தியர்கள் கராரானவர்களாக இருக்கின்றனர்.
இதற்கு, இந்தியாவில் நாளுக்கு நாள் புதிய உச்சத்தைத் தொட்டு வரும் பெட்ரோல் மற்றும் டீசல் விலை உயர்வே முக்கிய காரணமாக இருக்கின்றது. இதிலிருந்து இந்தியர்களைத் தப்பிக்க வைப்பதற்கு அண்மையில் அறிமுகமான ஹோண்டாவின் புத்தம் புதிய பிஎஸ்-6 தரத்திலான ஆக்டிவா 125 ஸ்கூட்டர் உதவும் என்பதனை விளக்குகின்ற வகையிலான வீடியோ ஒன்று தற்போது வெளியாகியுள்ளது.
இதனை, ஆப் கே வ்லாக்ஸ் என்ற யுடியூப் தளம் வெளியிட்டுள்ளது. இதில், புதிதாக இந்தியாவில் அறிமுகமாகியுள்ள ஹோண்டா ஆக்டிவா 125 பிஎஸ்-6 ஸ்கூட்டரின் மைலேஜ் குறித்த ஆய்வு செய்யப்பட்டுள்ளது. இந்த ஆய்வில் இந்தியர்களுக்கு மிகுந்த மகிழ்ச்சியை ஏற்படுத்துகின்ற வகையிலான ரிசல்ட் கிடைத்துள்ளது.
ஆம், ஸ்கூட்டரில் வெறும் 100 மில்லிலிட்டர் பெட்ரோல் ஊற்றி இயக்கப்பட்டதில் சராசரியாக 7 கிமீ தூரம் வரை புதிய ஆக்டிவா 125 ஸ்கூட்டர் பயணித்துள்ளது. அதிக மக்கள் தொகை நிறைந்த சாலையில் பயணித்தபோதே இந்த மைலேஜ் கிடைத்துள்ளது. ஒரு வேலை நீண்ட தூர சாலைகளில் செல்லும்போது இதைவிட கூடுதல் மைலேஜ் புதிய ஆக்டிவா வழங்கலாம் என எதிர்பார்க்கப்படுகின்றது. இதில், மணிக்கு 40 கிமீ வேகத்திற்கும் குறைவாகவே இந்த ஸ்கூட்டர் இயக்கப்பட்டது குறிப்பிடத்தகுந்தது.
தற்போது கிடைத்திருக்கும் இந்த தகவலை வைத்து பார்க்கையில் இந்த ஸ்கூட்டர் ஒரு லிட்டர் பெட்ரோலுக்கு 70 கிமீ தூரம் வரை செல்லும் என்பது உறுதிப்படுத்தப்பட்டுள்ளது. அதேசமயம், இது இப்போது சந்தையில் விற்பனையில் இருக்கும் பிஎஸ்-6 அல்லாத ஆக்டிவா ஸ்கூட்டரைக் காட்டிலும் அதிக மைலேஜ் ஆகும். பழைய மாடல் ஆக்டிவா 60-க்கும் குறைவான மைலேஜையே வழங்கி வருகின்றது.
புதிய ஆக்டிவா 125 ஸ்கூட்டரில் அதிக மைலேஜை வழங்குவதற்காக ப்யூவல் இன்ஜெக்சன் சிஸ்டம் பயன்படுத்தப்பட்டுள்ளது. இது, அதிக எரிபொருள் பயன்பாட்டை தடுப்பதுடன், வெளியேற்றப்படும் மாசின் அளவையும் குறைக்கின்றது. இதுமட்டுமின்றி பல்வேறு மாற்றங்களைப் புதிய ஹோண்டா ஆக்டிவா 125 பிஎஸ்-6 ஸ்கூட்டர் பெற்றிருக்கின்றது.
அந்தவகையில், இந்த ஸ்கூட்டரின் தோற்றத்தில் லேசான மாற்றங்கள் செய்யப்பட்டுள்ளன. குறிப்பாக புதிய ஸ்டைலைக் கொண்ட எல்இடி ஹெட்லேம்ப், குரோம் பூச்சு கொண்ட முகப்பு மற்றும் பின்பக்க பகுதி உள்ளிட்டவை ஸ்கூட்டருக்கு மிகவும் கவர்ச்சியான தோற்றத்தை வழங்குகின்றது.
இதுமட்டுமின்றி, ஆண்கள் மற்றும் பெண்கள் என இருபாலரையும் கவர்கின்ற வகையில், அனைவரும் இயக்குவதற்கான வசதி மற்றும் வாய்ப்புகள் இந்த ஸ்கூட்டரில் அதிகப்படுத்தப்பட்டுள்ளன.
புதிய ஹோண்டா ஆக்டிவா 125 பிஎஸ்-6 ஸ்கூட்டர் மூன்று விதமான வேரியண்டுகளில் விற்பனைக்குக் கிடைக்கின்றது. அவை ஸ்டாண்டர்டு, அலாய் மற்றும் டீலக்ஸ் ஆகும். இதில், ஸ்டாண்டர்டு ரூ. 67,490-க்கும், அலாய் வேரியண்ட் 70,990-க்கும், டீலக்ஸ் வேரியண்ட் ரூ. 74,490 என்ற விலையிலும் விற்பனைச் செய்யப்பட உள்ளது. இவை எக்ஸ்-ஷோரூம் விலையாகும்.
இந்த ஸ்கூட்டரில் 125சிசி திறன் கொண்ட சிங்கிள் சிலிண்டர் 4-ஸ்ட்ரோக் எஞ்ஜின் பயன்படுத்தப்பட்டுள்ளது. இது அதிகபட்சமாக 8.1 பிஎச்பி பவரை வெளிப்படுத்தும் திறனைக் கொண்டுள்ளது.