அப்ரில்லா பிஎஸ்6 ஸ்கூட்டர்களின் விலை அதிரடியாக அதிகரிப்பு... சந்தைக்கு எப்போது வரவுள்ளன...?

தற்சமயம் வெளிவந்துள்ள மேற்கூறப்பட்ட ஸ்கூட்டர்களின் விலை மதிப்புகள் நேரடியாக டீலர்களிடம் இருந்து பெற்றவை ஆகும். இந்த தகவலில் இருந்து அப்ரில்லா நிறுவனம் தனது அனைத்து பிஎஸ்6 ஸ்கூட்டர்களையும் அதிகப்படியான விலையில் சந்தைப்படுத்தவுள்ளதை அறிய முடிகிறது.

எந்த அளவிற்கு என்றால், அப்ரில்லா நிறுவனத்தில் இருந்து விரைவில் சந்தைக்கு வரவுள்ள இந்த ஸ்கூட்டர்கள் அனைத்தின் விலையும் குறைந்தது ரூ.18,000 வரையிலாவது அதிகரிக்கப்பட்டுள்ளது.

இந்த வகையில் அதிகப்பட்சமாக எஸ்ஆர் 160 கார்பன் பிஎஸ்6 ஸ்கூட்டர் ரூ.19,441-ஐ அதன் பிஎஸ்4 வெர்சனில் இருந்து விலை அதிகரிப்பாக பெற்றுள்ளது. அதற்கு அடுத்த இடத்தில் எஸ்ஆர் 160 பிஎஸ்6 ஸ்கூட்டர் மாடல் 19,417 ரூபாய் விலை உயர்வுடன் உள்ளது.

அடுத்து எஸ்ஆர் 160 மாடலின் பிஎஸ்6 ரேஸ் வெர்சன் தற்போதைய தலைமுறை ஸ்கூட்டரை விட ரூ.19,366 அதிகமாக விற்பனை செய்யப்படவுள்ளது. அப்ரில்லாவின் எஸ்ஆர் 125 பிஎஸ்6, ஸ்ட்ரோம் 125 பிஎஸ்6 என்ற 125சிசி ஸ்கூட்டர்கள் முறையே ரூ.18,490 மற்றும் ரூ.18,696-ஐ விலை உயர்வாக பெற்றுள்ளன.

விலை உயர்வுக்கு ஏற்றாற் போல் இந்த ஸ்கூட்டர்களின் டிசைன் அமைப்பில் மாற்றங்கள் கொண்டுவரப்பட்டுள்ளதா என்றால், இல்லை. ஆனால் இதன் விற்பனை மாடலில் ஹெட்லைட் மற்றும் டெயில்லைட்கள் எல்இடி தரத்தில் பொருத்தப்பட்டிருக்கும் என எதிர்பார்க்கப்படுகிறது.

அதேபோல் இன்ஸ்ட்ரூமெண்ட் க்ளஸ்ட்டர் புதிய டிசைனில் வழங்கப்படவுள்ளது. இதன்மூலம் ப்ளூடூத் மூலமாக ஸ்மார்ட்போனை ஸ்கூட்டருடன் இணைத்து கொள்ள முடியும். இதற்காக பிரத்யேக செயலி ஒன்றையும் அப்ரில்லா நிறுவனம் இணையத்தில் கொண்டுவரவுள்ளது.

அப்ரில்லா 125சிசி ஸ்கூட்டர்களின் என்ஜின் வெளிப்படுத்தும் ஆற்றல் அளவுகள் பிஎஸ்6 மாற்றத்தால் தற்போதைய பிஎஸ்4 மாடலில் இருந்து பெரிய அளவில் மாற்றத்தை பெறவில்லை. மற்ற 160சிசி ஸ்கூட்டர்கள் தான் சிறிது கூடுதலான இயக்க ஆற்றலை பெற்றுள்ளன.

எஸ்ஆர் 160, எஸ்ஆர் 160 கார்பன், எஸ்ஆர் 160 ரேஸ் உள்ளிட்ட 160சிசி ஸ்கூட்டர்களில் உள்ள 160சிசி ஃப்யூல்-இன்ஜெக்டட், 3-வால்வு என்ஜின் அதிகப்பட்சமாக 7,600 ஆர்பிஎம்-ல் 10.7 பிஎச்பி பவர் மற்றும் 6,000 ஆர்பிஎம்-ல் 11.6 என்எம் டார்க் திறனை வெளிப்படுத்துகிறது.

அப்ரில்லா நிறுவனத்தின் இந்த பிஎஸ்6 ஸ்கூட்டர்கள் நாடு முழுவதும் உள்ள டீலர்ஷிப்களுக்கு சென்றடைய துவங்கியுள்ளதால் இவற்றிற்கான முன்பதிவுகளும் ஆரம்பமாகியுள்ளன. இதற்கிடையில் இந்தியாவில் சந்தைப்படுத்தியுள்ள தயாரிப்பு மாடல்களின் எண்ணிக்கையை அதிகரிக்க அப்ரில்லா நிறுவனம் திட்டமிட்டிருப்பதாக தகவல் வெளியாகியுள்ளது.

இந்த நடவடிக்கையின் ஒரு பகுதியாக வெளியாகவுள்ள எஸ்ஆர் 160 ஸ்கூட்டர்களின் அறிமுகம் வருகிற ஜூலை மாதத்தில் இருந்து செப்டம்பர் மாதத்திற்குள்ளாக இருக்கலாம் என கூறப்படுகிறது.