Just In
- just now புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 11 min ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 55 min ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
- 2 hrs ago துபாயில் சென்னை விமானத்தை தவறவிட்ட 15 வயது சிறுமி! அடுத்து நடந்த விஷயம் தான் அதிசயம்!
Don't Miss!
- News நேருவும், இந்திராவும் முட்டாள்கள் இல்லை.. பாஜகவின் மொழி கொள்கைக்கு ஜேஎன்யு துணைவேந்தர் எதிர்ப்பு
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Movies அந்த பயம் தான் காரணமா?.. அமரன் முதல் கங்குவா வரை.. ரிலீஸ் தேதியை முடிவு பண்ண முடியலையே!
- Lifestyle புடவை கட்டினால் புற்றுநோய் வருகிறதாம்.. ஆய்வுகள் கூறும் அதிர்ச்சி தகவல்..!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Finance டெக் மஹிந்திரா முன்னாள் சிஇஓ சிபி.குர்னானி துவங்கிய புது கம்பெனி.. வியந்துபோன ஐடி ஊழியர்கள்..!
- Technology முடிச்சிட்டாரு முகேஷ் அம்பானி.. மாதம் ரூ.112 போதும்.. 336 நாட்கள் வேலிடிட்டி.. அன்லிமிடெட் கால்.. ஓடிடி சந்தா!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
புதிய கவாஸாகி வெர்சிஸ் 1000 பிஎஸ்6 மாடல் விற்பனைக்கு அறிமுகம்!
சிறிய விலை உயர்வுடன் கவாஸாகி வெர்சிஸ் 1000 பைக்கின் பிஎஸ்6 மாடல் இந்தியாவில் விற்பனைக்கு அறிமுகம் செய்யப்பட்டு இருக்கிறது. கூடுதல் தகவல்களை தொடர்ந்து பார்க்கலாம்.
இந்தியாவின் பிரிமீயம் வகை அட்வென்ச்சர் டூரர் பைக் மார்க்கெட்டில் கவாஸாகி வெர்சிஸ் 1000 பைக் மிக முக்கிய தேர்வாக இருந்து வருகிறது. இந்த நிலையில், புதிய பிஎஸ்6 மாசு உமிழ்வு விதிகளுக்கு ஏற்ற எஞ்சினுடன் இந்த பைக் விற்பனைக்கு கொண்டு வரப்பட்டுள்ளது.
இந்த பைக்கில் பிஎஸ்6 தரத்திற்கு இணையான 1,043சிசி லிக்யூடு கூல்டு எஞ்சின் பொருத்தப்பட்டுள்ளது. 4 சிலிண்டர்கள் கொண்ட இந்த எஞ்சின் அதிகபட்சமாக 118 பிஎச்பி பவரையும், 102 என்எம் டார்க் திறனையும் வெளிப்படுத்தும். இந்த பைக்கில் ஸ்லிப்பர் க்ளட்ச் வசதியுடன் கூடிய 6 ஸ்பீடு கியர்பாக்ஸ் இணைக்கப்பட்டுள்ளது.
எஞ்சினை தவிர்த்து பெரிய மாற்றங்கள் எதுவும் இல்லை. இந்த பைக்கின் டிசைன் மற்றும் வண்ணத் தேர்வுகளில் மாற்றங்கள் இல்லை. ஏற்கனவே வழங்கப்பட்டு வந்த பியர்ல் ஸ்டார்டஸ்ட் ஒயிட்- மெட்டாலிக் ஸ்பார்க் பிளாக் மற்றும் கேண்டி லைம் க்ரீன் - மெட்டாலிக் ஸ்பார்க் பிளாக் ஆகிய வண்ணத் தேர்வுகளில் கிடைக்கும்.
புதிய கவாஸாகி வெர்சிஸ் 1000 பைக்கில் கவாஸாகியின் பிரத்யேகமான கார்னரிங் மேனேஜ்மென்ட் புரோகிராம் வழங்கப்படுகிறது. இந்த தொழில்நுட்பம் மூலமாக பைக் வளைவுகளில் திரும்பும்போது நிலை தடுமாறாமலும், கீழே விழுவதை தவிர்க்கும் வகையிலும் செயல்படும். இதுதவிர்த்து, கவாஸாகி டிராக்ஷன் கன்ட்ரோல், இன்டெலிஜென்ட் ஆன்ட்டி லாக் பிரேக்குகள், எலெக்ட்ரானிக் க்ரூஸ் கன்ட்ரோல் ஆகியவை இடம்பெற்றுள்ளன.
கவாஸாகி வெர்சிஸ் 1000 பைக் 2,270 மிமீ நீளமும், 895 மிமீ அகலமும், 1,400 மிமீ உயரமும் கொண்டது. இதன் வீல் பேஸ் 1,520 மிமீ ஆக உள்ளது. இந்த பைக் 225 கிலோ எடை கொண்டதுடன், 21 லிட்டர் கொள்திறன் உடைய பெட்ரோல் டேங்க் பொருத்தப்பட்டுள்ளது. தரையிலிருந்து இருக்கை உயரம் 840 மிமீ ஆக உள்ளது.
இந்த பைக்கில் இரட்டை எல்இடி ஹெட்லைட்டுகள் இடம்பெற்றுள்ளன. இது முகப்புக்கு அதிக வசீகரத்தை கொடுக்கிரது. இந்த பைக்கில் நீண்ட தூரம் பயணிப்பதற்கு ஏதுவாக ஓட்டுபவர் மற்றும் பின்னால் அமர்ந்து செல்பவருக்கு வசதியான இருக்கைகள் கொடுக்கப்பட்டு இருப்பதும் முக்கிய அம்சமாக இருக்கும்.
விண்ட் ஸ்க்ரீன் அமைப்பு உள்ளது. அடுத்து செமி டிஜிட்டல் இன்ஸ்ட்ரூமென்ட் க்ளஸ்ட்டர் அமைப்பு இடம்பெற்றிருக்கிறது. இதில், அனலாக் டாக்கோமீட்டர் பொருத்தப்பட்டுள்ளது. இன்ஸ்ட்ரூமென்ட் க்ளஸ்ட்டர் அருகிலேயே சார்ஜர் கொடுக்கப்பட்டு இருப்பதும் குறிப்பிடத்தக்க விஷயம்.
புதிய கவாஸாகி வெர்சிஸ் 1000 பைக்கில் 150 மிமீ டிராவல் கொண்ட 43 மிமீ அப்சைடு டவுன் ஃபோர்க்குகளுடன் முன்புற சஸ்பென்ஷனும், பின்புறத்தில் முழுமையாக அட்ஜெஸ்ட் செய்யும் வசதி கொண்ட மோனோ ஷாக் அப்சார்பரும் பொருத்தப்பட்டுள்ளது. இந்த பைக்கின் முன்புறத்தில் 310 மிமீ விட்டமுடைய இரண்டு டிஸ்க்குகள் கொண்ட பிரேக் சிஸ்டமும், பின்புறத்தில் 250 மிமீ டிஸ்க் கொண்ட பிரேக் சிஸ்டமும் உள்ளன.
புதிய கவாஸாகி வெர்சிஸ் 1000 பைக்கிற்கு ரூ.10.99 லட்சம் எக்ஸ்ஷோரூம் விலை நிர்ணயிக்கப்பட்டுள்ளது. பிஎஸ்4 மாடலைவிட ரூ.10,000 கூடுதல் விலையில் பிஎஸ்6 மாடல் வந்துள்ளது. வரும் வாரங்களில் பிஎஸ்6 எஞ்சின் கொண்ட புதிய மாடல்களை கவாஸாகி அறிமுகப்படுத்தும் என்று எதிர்பார்க்கப்படுகிறது.