சுசுகி ஜிக்ஸெர் 250 எஸ்எஃப் பைக்குகளுடன் பணியாற்றவுள்ள போக்குவரத்து போலீசார்...

சுசுகியின் இந்த ஐந்து ஜிக்ஸெர் மாடல்களும் சூரத் போலீஸ் கமிஷ்னர் ஆர்.பி.ப்ரஹ்ம்பட் அவர்களிடம் ஒப்படைக்கப்பட்டுள்ளது. சுசுகி மோட்டார்சைக்கிள் நிறுவனம் விற்பனைக்கு தேவையான அளவு வரை ஜிக்ஸெர் மாடல் பைக்குகளை காப்பரினால் தயாரித்து வருகிறது.

இதனால் சூரத் போலீசாருக்கு வழங்கப்பட்டுள்ள இந்த 5 ஜிக்ஸெர் பைக்குகளும் இந்த வகை பைக்குகளாக தான் இருக்கும். சூரத் மட்டுமின்றி குர்கான் மாநகர போலீசாரும் இதே காப்பர் வகையிலான சுசுகி பைக்குகளை தான் ரோந்துக்கு பயன்படுத்தி வருகின்றனர். குர்கான் போலீசாருக்கு அதிக எண்ணிக்கையில் ஜிக்ஸெர் எஸ்எஃப்155 பைக்குகளை சுசுகி நிறுவனம் கடந்த ஆண்டில் வழங்கியிருந்தது.

சுசுகி ஜிக்ஸெர் 250 மாடல் 249சிசி, சிங்கிள்-சிலிண்டர் ஆயில்-கூல்டு அமைப்பை பெற்ற, நான்கு-ஃபோர்க், எரிபொருள் இன்ஜெக்‌ஷன் எஸ்ஒஎச்சி என்ஜினை கொண்டுள்ளது. இந்த என்ஜின் 9000 ஆர்பிஎம்-ல் 26.5 பிஎச்பி பவரையும், 7500 ஆர்பிஎம்-ல் 22.6 என்எம் டார்க் திறனையும் அதிகப்பட்சமாக பைக்கிற்கு வழங்குகிறது.

இந்த பைக்குடன் ட்ரான்ஸ்மிஷன் அமைப்பாக 6-ஸ்பீடு கியர்பாக்ஸ் பொருத்தப்பட்டுள்ளது. ட்யூல்-சேனல் ஆண்டி-லாக் ப்ரேக்கிங் சிஸ்டம் (ஏபிஎஸ்) நிலையாக உள்ளது. பொதுவாக காப்பர் ஃப்லீட் பொருத்தப்பட்ட பைக்குகளின் செயல்படுத்திறனில் மாற்றங்களை ஏற்படுத்த முடியாது.

ஆனால் இந்த 5 பைக்குகளும் போக்குவரத்து போலீசார் பணிக்காக பிரத்யேகமான கிட்களை பெற்றுள்ளன. போக்குவரத்து போலீசாருக்கென்றே பிரத்யேகமாக வெள்ளை நிற பெயிண்ட் அமைப்பை பெற்றுள்ள இந்த ஜிக்ஸெர் பைக்குகள் டீலர்ஷிப்களில் பொது விற்பனைக்காக வைக்கப்படுவதில்லை.

அதேபோல் போக்குவரத்து பணிக்காக சிவப்பு மற்றும் நீல நிறங்களில் எச்சரிக்கும் விளக்குகளும், பக்கவாட்டில் பாக்ஸ் ஒன்றும் அதற்கு மேல் நீல நிற விளக்கும் பொருத்தப்பட்டுள்ளன. போலீஸ் என்கிற வார்த்தை ஆங்கிலத்தில் பக்கவாட்டு பாக்ஸிலும், பேனலிலும் மற்றும் எதிர்வரும் காற்றை தடுக்கும் கண்ணாடியிலும் குறிப்பிடப்பட்டுள்ளது.

போலீஸ் கம்பை வைப்பதற்கு பின்புறத்தில் இடம் கொடுக்கப்பட்டுள்ளது. கம்பை வைப்பதற்கு ஏதுவான இந்த காலி இடம் அனைத்து ஜிக்ஸெர் பைக்குகளிலும் உள்ளது. கடந்த 2018ஆம் ஆண்டில் இருந்தே போலீசார் பணிக்காக ஸ்பெஷலாக வாகனங்களை தயாரித்துவரும் சுசுகி மோட்டார்சைக்கிள் நிறுவனம், கடந்த ஆண்டில் ஸ்பெஷல் கிட் பொருத்தப்பட்ட 60 பைக்குகளை இந்தியாவில் போலீஸ் பணிக்காக வழங்கியுள்ளது.

மேலும் சாலை பாதுகாப்பு குறித்த விழிப்புணர்விற்காக 12 ஆயிரத்திற்கும் மேற்பட்ட தலை கவசங்களும் இதே ஆண்டில் வழங்கப்பட்டிருந்தன. ஆனால் இவற்றின் என்ஜினின் தரத்தில் எந்த மாற்றங்களும் கொண்டுவரப்படவில்லை.

நேர்மறையான விமர்சனங்களுடன் புதிய ஆண்டில் இந்நிறுவனம் நுழைந்திருக்கிறது. கடந்த ஆண்டில் இருந்து இந்திய ஆட்டோமொபைல் துறையில் நிலவிவரும் மந்த நிலையால் சுசுகி மோட்டார்சைக்கிள் நிறுவனத்தின் விற்பனை எந்த அளவிலும் பாதிக்கப்பட்டதாக தெரியவில்லை. ஏனெனில் 2019ல் பல மாதங்களில் விற்பனையில் லாபத்தை இந்நிறுவனம் அடைந்துள்ளது.