பிஎஸ்6 டிவிஎஸ் ஸ்போர்ட் பைக்கின் மைலேஜ் 15 சதவீதம் அதிகரிப்பு... விலையும் 8 ஆயிரம் உயர்வு...

இந்த விலைகள் இதன் பிஎஸ்4 மாடலை விட ரூ.8,017 அதிகமாகும். இந்த பிஎஸ்6 பைக் குறித்து டிவிஎஸ் நிறுவனம் கருத்து தெரிவிக்கையில், 2020 ஸ்போர்ட் 110 பைக் 15 சதவீத கூடுதல் மைலேஜ்ஜை வழங்கவல்லது. இந்த 2020 பைக்கில் பிஎஸ்6 தரத்திற்கு இணக்கமான 109.7சிசி ஏர்-கூல்டு, சிங்கிள்-சிலிண்டர் என்ஜினை, 99.7சிசி என்ஜினிற்கு மாற்றாக டிவிஎஸ் நிறுவனம் பொருத்தியுள்ளது.

இந்த என்ஜின் அமைப்பில் ஈக்கோ த்ரஸ்ட் ஃப்யூல்-இன்ஜெக்‌ஷன் தொழிற்நுட்பம் (ETFi) என்ற டிவிஎஸ் நிறுவனத்தின் ஃப்யூல்-இன்ஜெக்‌ஷன் தொழிற்நுப்டம் புதியதாக சேர்க்கப்பட்டுள்ளது. 4-ஸ்பீடு கியர்பாக்ஸ் உடன் இணைக்கப்பட்டுள்ள இந்த என்ஜின் அதிகப்பட்சமாக 8.29 பிஎச்பி பவரையும், 8.7 என்எம் டார்க் திறனையும் பைக்கிற்கு வழங்கும்.

வெள்ளை/பர்பில், கருப்பு/சிவப்பு மற்றும் வெள்ளை/சிவப்பு என்ற மூன்று விதமான நிற தேர்வுகளில் விற்பனை செய்யப்பட்டு வரும் இந்த 110சிசி பைக் மெர்குரி, க்ரே என்ற இரு மோனோ டோன் நிறங்களிலும் சந்தைப்படுத்தப்பட்டுள்ளது.

மற்றப்படி இந்த 2020 பைக்கில் வேறெந்த காஸ்மெட்டிக் மாற்றமும் கொண்டுவரப்படவில்லை. இதனால் வழக்கமான கிராஃபிக்ஸ் உடன் எல்இஒடி டிஆர்எல்கள், அலாய் சக்கரங்கள், கருப்பு நிறத்தில் என்ஜின் மற்றும் பிளவுப்படாத இருக்கை உள்ளிட்டவற்றை அப்படியே பெற்றுள்ளது.

சஸ்பென்ஷனிற்கு முன்புறத்தில் ஆயில் டெலிஸ்கோபிக்-ஐயும், பின்புறத்தில் 5 விதமாக அட்ஜெஸ்ட் செய்யக்கூடிய ஷாக் அப்சார்ப்பையும் கொண்டுள்ளது. இதேபோல் ப்ரேக்கிங் பணியையும், 130மிமீ மற்றும் 110மிமீ ட்ரம் ப்ரேக்குகள் தொடர்கின்றன.

இவை மட்டுமின்றி, 1950மிமீ நீளம், 705மிமீ அகலம் மற்றும் 1080மிமீ உயரம் உள்ளிட்ட பரிணாம அளவுகளிலும் எந்த மாற்றமும் இல்லை. இளைஞர்களை கவரும் விதமாக உருவாக்கப்பட்டுள்ள இந்த பைக்கில் ட்யூப்லெஸ் டயர்கள் பொருத்தப்பட்டுள்ளன.

எலக்ட்ரிக் ஸ்டார்ட், ஃப்யூல்-கேஜ் மற்றும் எக்கோனோமீட்டர் உள்ளிட்ட தொழிற்நுட்பங்களை கொண்டுள்ள ஸ்போர்ட் 110சிசி பைக்கிற்கு 5 வருட உத்தரவாத காலத்தை டிவிஎஸ் நிறுவனம் வழங்கி வருகிறது. இந்த பைக்கிற்கு சந்தையில் போட்டி மாடல்களாக ஹீரோ எச்எஃப் டீலக்ஸ், ஹோண்டா சிடி 110 ட்ரீம் மற்றும் பஜாஜ் சிடி 100 உள்ளிட்டவை உள்ளன.