Just In
- 11 min ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 58 min ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 1 hr ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 1 hr ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
Don't Miss!
- News ‛‛குழந்தைகளை தண்டிக்க கூடாது’’.. NCPCR ரூல்ஸ்ஸை அமல்படுத்த பள்ளி கல்வித்துறைக்கு ஐகோர்ட் உத்தரவு
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
பல மடங்கு குறைந்த ஆம்பியர் எலெக்ட்ரிக் ஸ்கூட்டரின் விலை! குஜராத்தியர்களை கண்டு பொறாமைப்படும் பிற மாநிலவாசிகள்!
குஜராத் மாநிலவாசிகளுக்காக மட்டும் ஆம்பியர் நிறுவனம் அதன் மின்சார ஸ்கூட்டர்களின் விலையை பல மடங்கு குறைத்துள்ளது. இதுகுறித்த கூடுதல் தகவலைக் கீழே காணலாம், வாங்க.
நாடு முழுவதும் மின் வாகன ஊக்குவிப்பு பணிகள் மிக வேகமாக செய்யப்பட்டு வருகின்றது. பெட்ரோல், டீசல் வாகனங்களால் ஏற்படும் சுற்றுச் சூழல் சீர்கேட்டைக் குறைக்கும் நோக்கில், மின் வாகன பயன்பாட்டை ஊக்குவிக்கும் முயற்சிகள் தீவிரமாக மேற்கொள்ளப்பட்டு வருகின்றன.
ஃபேம்2 திட்டத்தின்கீழ் மானியம் வழங்குவது மற்றும் வரி சலுகைகளை வழங்குவது போன்ற நடவடிக்கைகளின்கீழ் மின் வாகன ஊக்குவிப்பு பணிகள் செய்யப்பட்டு வருகின்றன. அண்மையில்கூட, ஃபேம்2 திட்டத்தின்கீழ் வழங்கப்படும் மானியத்தை ஒன்றிய அரசு உயர்த்தி அறிவித்தது.
அதாவது, ரூ. 10 ஆயிரமாக இருந்த மானியத்தை அரசு ரூ. 15 ஆயிரமாக உயர்த்தி அறிவித்தது. ஆகையால், இந்தியாவில் விற்பனைக்குக் கிடைக்கும் மின்சார இருசக்கர வாகனங்களின் விலை அதிரடியாக சரிந்தது. இந்த மாதிரியான சூழ்நிலையில், குஜராத் மாநில அரசு, அதன் பங்காக அண்மையில் மின் வாகன கொள்கைகுறித்த அறிவிப்பை வெளியிட்டது.
இதனால், இந்தியாவின் பிற மாநிலங்களைக் காட்டிலும் குஜராத்தில் மேலும் பல மடங்கு மின்சார இருசக்கர வாகனங்களின் விலை குறைய தொடங்கியிருக்கின்றது. இதனை உறுதிப்படுத்தும் வகையில் பிரபல மின் வாகன உற்பத்தி நிறுவனமான ஆம்பியர் அதன் இரு மின்சார இருசக்கர வாகனங்களின் விலையை பல மடங்கு குறைத்து அறிவிப்பு வெளியிட்டுள்ளது.
நிறுவனம் மேற்கொண்டிருக்கும் அதிரடி விலை குறைப்பினால் இரு மின்சார டூ-வீலர்களின் விலை குறைந்துள்ளது. இதனால், ரூ. 50 ஆயிரத்திற்கும் குறைவான விலைக் கொண்டதாக ஆம்பியர் ஸ்கூட்டர்கள் மாறியுள்ளன. இது குஜராத் மாநில வாசிகள் மத்தியில் பெரும் மகிழ்ச்சியை ஏற்படுத்தியிருக்கின்றது.
நிறுவனத்தின் மேக்னஸ் மற்றும் ஜூல் ஆகிய மின்சார ஸ்கூட்டர்களின் விலையே கடுமையாக குறைக்கப்பட்டுள்ளது. முன்னதாக 74,900 ரூபாய்க்கு விற்கப்பட்ட மேக்னஸ் ஸ்கூட்டரின் விலையில் ரூ. 27 ஆயிரம் குறைக்கப்பட்டுள்ளது. இதனால், மேக்னஸ் தற்போது ரூ. 47,990 விற்பனைக்குக் கிடைக்கும் நிலை உருவாகியுள்ளது.
இதேபோன்று, ரூ. 68,990க்கு விற்கப்பட்டு வந்த ஜூல் எலெக்ட்ரிக் ஸ்கூட்டரின் விலையிலும் 27 ஆயிரம் ரூபாய் குறைக்கப்பட்டுள்ளது. ஆகையால், இதன் விலை ரூ. 41,990 ஆக குறைந்திருக்கின்றது. இந்த விலை குறைப்பு நிகழ்வு மக்களை மேலும் மின் வாகன பயன்பாட்டை நோக்கி நகர்த்தும் என யூகிக்கப்பட்டுள்ளது.
ஆம்பியர் மேக்னஸ் மற்றும் ஜூல் ஆகிய இரு எலெக்ட்ரிக் ஸ்கூட்டர்களுமே மணிக்கு 55 கிமீ வேகத்தில் செல்லக் கூடியவை. மேலும், இவை ஓர் முழுமையான சார்ஜில் 75 கிமீ தூரம் வரை ரேஞ்ஜ் வழங்கும். உருவம் மற்றும் சிறப்பு அம்சங்களில் மட்டுமே இவை வித்தியாசங்களுடன் காணப்படுகின்றன.