ஓலா எஸ்1 Vs எஸ்1 ப்ரோ: விலைமிக்க வேரியண்ட்டா? மலிவான வேரியண்ட்டா? எதை வாங்கலாம்?

மிகுந்த எதிர்பார்ப்பை ஏற்படுத்திவந்த ஓலா எலக்ட்ரிக் ஸ்கூட்டர் கடந்த சுதந்திர தின நாளில் அதிகாரப்பூர்வமாக எஸ்1 மற்றும் எஸ்1 ப்ரோ என்கிற வேரியண்ட்களில் அறிமுகப்படுத்தப்பட்டது. தமிழகத்தில் இந்த இ-ஸ்கூட்டரின் விலைகள் ரூ.99,999 (எஸ்1) மற்றும் ரூ.1.29 லட்சம் (எஸ்1 பிரோ) என நிர்ணயிக்கப்பட்டுள்ளன.

விலையை பொறுத்தவரையில் இரண்டிற்கும் இடையே ரூ.30,000 வித்தியாசம் உள்ளது. இவை இரண்டிலும் ஒரே மாதிரியான எலக்ட்ரிக் மோட்டாரே பெல்ட்-ட்ரைவ் இறுதி டிரைவ் இயந்திரநுட்பத்தில் பொருத்தப்பட்டுள்ளது. ஆனால் பேட்டரி மூலமாக கிடைக்கும் ரேஞ்ச் அளவில் இரண்டும் வேறுபடுகின்றன.

அதாவது ஓலா எஸ்1 வேரியண்ட்டில் வழங்கப்பட்டுள்ள லித்தியம்-இரும்பு பேட்டரி தொகுப்பு 121கிமீ வரையிலான ரேஞ்சை வழங்கக்கூடியது என்றும், எஸ்1 பிரோ வேரியண்ட்டின் ரேஞ்ச் 181கிமீ என்றும் ஏ.ஆர்.ஏ.ஐ சோதனையில் சான்றளிக்கப்பட்டுள்ளது.

பேட்டரி தொகுப்பு வித்தியாசப்படுவதால், அவற்றை சார்ஜ் ஏற்ற தேவைப்படும் நேரமும் வேரியண்ட்டை பொறுத்து மாறுப்பட்டுள்ளது. அதாவது, குறைந்த திறன் கொண்ட பேட்டரியுடன் வழங்கப்படும் ஓலா எஸ்1 ஸ்கூட்டரை சார்ஜ் செய்ய எஸ்1 பிரோ-வை காட்டிலும் குறைவான நேரமே தேவைப்படும்.

இவை இரண்டிலும் பேட்டரி நிர்வாக அமைப்பு வழங்கப்பட்டுள்ளது. இது பேட்டரியின் ஆயுள், செயல்திறன், வரம்பு மற்றும் பாதுகாப்பு முதலியவற்றை தொடர்ந்து கண்காணிக்க உதவும். பெரிய அளவிலான பேட்டரியால் எஸ்1 பிரோ வேகமான வேரியண்ட்டாக கொண்டுவரப்பட்டுள்ளது.

இந்த வேரியண்ட்டில் 0-வில் இருந்து 40kmph வேகத்தை குறைந்தப்பட்சமாக 3 வினாடிகளில் எட்டிவிடலாம். ஆனால் எஸ்1 வேரியண்ட்டில் 3.6 வினாடிகள் தேவைப்படும். எஸ்1 பிரோவின் அதிகப்பட்ச வேகம் 115kmph ஆகும். ஆனால் எஸ்1 -இன் டாப் ஸ்பீடு மணிக்கு 90கிமீ மட்டுமே ஆகும்.

இருப்பினும் தற்போதைக்கு இந்தியாவில் விற்பனையில் உள்ள இ-ஸ்கூட்டர்களுடன் ஒப்பிடுகையில் ஓலா எஸ்1 வேரியண்ட் எவ்வளவோ பரவாயில்லை. மற்றப்படி பரிணாம அளவுகளில் இரண்டும் ஒரே மாதிரியாக உள்ளன. இதனை கீழுள்ள அட்டவணையின் மூலம் தெளிவாக காணலாம்.

இந்த இரு வேரியண்ட்டிலும் ஓலா எலக்ட்ரிக் ஸ்கூட்டரின் நீளம் 1,859மிமீ ஆகும். வீல்பேஸ் அளவு 1359மிமீ. தரையில் இருந்து இருக்கையின் உயரம் 792மிமீ ஆகும். ஆனால் எடையில் எஸ்1 பிரோ அளவில் பெரிய பேட்டரியினால் எஸ்1 வேரியண்ட்டை காட்டிலும் 4 கிலோ எடை கூடுதலாக உள்ளது.

ஓலா எலக்ட்ரிக் ஸ்கூட்டரில் 6 கிலோ எடையிலான பேட்டரி தொகுப்பு வழங்கப்படுகிறது. ஆனால் எஸ்1 பிரோவில் பேட்டரியின் எடை இதனை காட்டிலும் சற்று அதிகமாக உள்ளது. இவை இரண்டிலும் இருக்கைக்கு அடியில் இரு முழு ஹெல்மெட்களை அடைக்கும் அளவிற்கு சேமிப்பிடம் வழங்கப்பட்டுள்ளது.

தொழிற்நுட்ப அம்சங்களில் எஸ்1 பிரோ பெறும் பெரும்பான்மையானவற்றை எஸ்1 வேரியண்ட்டும் ஏற்று வந்துள்ளது. கூடுதல் விலையினால் எஸ்1 பிரோ வேரியண்ட் வாய்ஸ் உதவி, ஹில் ஹோல்ட் கண்ட்ரோல் மற்றும் க்ரூஸ் கண்ட்ரோல் போன்றவற்றை கூடுதலாக பெற்றுள்ளது.

ஓலா எஸ்1 ஸ்கூட்டர் ஆனது சில்வர், வானின் நீலம், சிவப்பு, கருப்பு மற்றும் மஞ்சள் என்ற ஐந்து விதமான நிறங்களில் அறிமுகப்படுத்தப்பட்டுள்ளது. அதேநேரம் எஸ்1 பிரோ, இந்த 5 நிறங்களுடன் கூடுதல் 5 நிறங்கள் என சேர்த்து மொத்தம் 10 விதமான நிறத்தேர்வுகளில் விற்பனை செய்யப்பட உள்ளது.