அறிமுகமானது சுசுகி கடானா... குறிப்பிட்ட எண்ணிக்கையில் மட்டுமே கிடைக்குமாம்... ஆனா நமக்குதான் கொடுத்து வைக்கல..

சுசுகி நிறுவனம் அதன் கடானா மோட்டார்சைக்கிளை புதிய நிற தேர்வுடன் கடந்த வருடம் மார்ச் மாதத்தில் வெளியீடு செய்தது. இதற்கு முன்னரே அறிமுகமாக வேண்டிய இப்பைக் கோவிட்-19 வைரஸ் பரவல் காரணமாக நீண்ட கால தாமதத்திற்கு பின்னர் மார்ச் மாதத்தில் வெளியீடு பெற்றது.

இந்த நிலையிலேயே இப்பைக்கை ஜப்பான் நாட்டில் சுசுகி நிறுவனம் விற்பனைக்கு அறிமுகப்படுத்தியுள்ளது. குறிப்பிட்ட எண்ணிக்கையில் மட்டுமே இப்பைக்கை சுசுகி விற்பனைக்குக் கொண்டு வந்திருக்கின்றது. 100 யூனிட்டுகள் மட்டுமே தயார் செய்யப்பட்டிருப்பது குறிப்பிடத்தகுந்தது.

இந்த எண்ணிக்கையில் மட்டுமே புதிய சுசுகி கடானா பைக்குகள் ஜப்பானில் விற்பனைக்குக் கிடைக்க இருக்கின்றன. இது ஓர் சிறப்பு பதிப்பு என்கிற காரணத்தினாலயே குறிப்பிட்ட எண்ணிக்கையில் மட்டுமே விற்க சுசுகி திட்டமிட்டிருக்கின்றது.

முன்னதாக விற்பனையில் இருந்து வெளியேற்றப்பட்ட ஹயபுசா பைக்கின் நிறம் மற்றும் சில டிசைன் தாத்பரியங்கள் கடானா பைக்கிற்கு பயன்படுத்தப்பட்டிருக்கின்றது. எனவேதான் இதனை சிறப்பு பதிப்பாக பார்க்கப்படுகின்றது. இப்பைக்கின் ஹேண்டில் பார், வீல் ரிம் மற்றும் சஸ்பென்ஷன் ஆகியவற்றிற்கு தனித்துவமான நிறஙகள் வழங்கப்பட்டிருக்கின்றன.

இவையே இப்பைக்கைச் சிறப்பு பதிப்பாக காட்சிப்படுத்துகின்றன. இத்துடன், சிறப்பு அணிகலன் மற்றும் ஸ்டிக்கர் சேர்ப்பையும் சுசுகி செய்திருக்கின்றது. மேலும், இதன் இருக்கைகளை தைக்க சிவப்பு நிற நூல் பயன்படுத்தப்பட்டிருக்கின்றது. இவ்வாறு சிறு சிறு விஷயங்களைக்கூட பார்த்து பார்த்து சுசுகி செய்திருக்கின்றது. கடானா பைக்கிற்கு சிறப்பு சேர்க்கும் விதமாகவே இத்தகைய நுணுக்கங்களை அது கையாண்டிருக்கின்றது.

இப்பைக்கில் 998சிசி திறன் கொண்ட இன்லைன் 4-சிலிண்டர் எஞ்ஜின் பயன்படுத்தப்பட்டுள்ளது. இது அதிகபட்சமாக 148 பிஎச்பி பவரையும், 107 என்எம் டார்க்கையும் வெளிப்படுத்தும் திறன் கொண்டது. எஞ்ஜினைப் போல சஸ்பென்ஷன் மற்றும் பிரேக்கிங் அம்சங்களும் சிறப்பு திறனை வெளிப்படுத்துகின்ற வகையிலேயே சுசுகி பயன்படுத்தியிருக்கின்றது.

இத்தகைய சிறப்பு திறன்கள் கொண்ட பைக்கையே சுசுகி நிறுவனம் தற்போது ஜப்பானில் அறிமுகப்படுத்தியிருக்கின்றது. இதன் இந்திய அறிமுகம் பற்றிய தகவலை நிறுவனம் இதுவரை வெளியிடவில்லை. ஆகையால் இப்போதைக்கு புதிய கடானா பைக் விற்பனைக்கு வராது என்பது தெளிவாக தெரிகின்றது.

அதேசமயம், இந்தியர்கள் மத்தியில் சூப்பர் பைக்குகளுக்கான வரவேற்பு அதிகரித்து வருகின்ற காரணத்தினால் இப்பைக்கினை சுசுகி நிறுவனம் எப்போது வேண்டுமானாலும் விற்பனைக்குக் கொண்டு வரலாம் என்றும் எதிர்பார்க்கப்படுகின்றது. ஆகையால், தற்போது லிமிடெட் வெர்ஷனில் விற்பனைக்கு வந்திருக்கும் கேண்டி டேரிங் சிவப்பு நிற கடானா பைக்கின் ஆவலை எதிர்நோக்கி இந்திய இளைஞர்கள் காத்திருக்க தொடங்கியிருக்கின்றனர்.