Just In
- 3 min ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 50 min ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 1 hr ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
- 1 hr ago "ஐ லவ் யூ" சொல்ல ஆட்டோ பைலட் மோடை பயன்படுத்திய விமானி! யாரு சாமி இவரு
Don't Miss!
- Lifestyle Kulfi: 4 பிரட்டும், 1 பால் பாக்கெட்டும் வெச்சு ஈஸியா குல்பி செய்யலாம் தெரியுமா? எப்படின்னு பாருங்க...
- Technology ஆளுக்கு 1 ஆர்டர்.. ரூ.12,498 போதும்.. 50MP செல்பி கேமரா.. OZO ஆடியோ.. அறிமுகமானது HMD போன்கள்.. எந்த மாடல்?
- Movies தங்கலான் திரைப்பட இசை..ஜிவி பிரகாஷ் என்ன சொல்றாரு பாருங்க.. சம்பவம் இருக்காம்
- Finance ஹார்லிக்ஸ் இனி ஹெல்த் ட்ரிங்க் இல்ல.. மத்திய அரசு அதிரடி அறிவிப்பு!
- News ஆந்திரா தேர்தல்: சிஎம் ஜெகன் அண்ணாவை அலறவிடும் இன்னொரு தங்கை! காங்கிரஸ் ஷர்மிளாவுடன் கை கோர்த்தார்!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
பண்டிகை மாதத்திலும் சரிந்துள்ள 2-வீலர்ஸ் விற்பனை!! கிட்டத்தட்ட 2.30 லட்ச யூனிட்கள் குறைந்தன!
கடந்த 2021 அக்டோபர் மாதத்தில் விற்பனை செய்யப்பட்ட டாப்-10 இருசக்கர வாகனங்கள் குறித்த விபரங்கள் வெளியாகியுள்ளன. அவற்றை அட்டவணையாக இனி இந்த செய்தியில் பார்ப்போம்.
மாதந்தோறும் வெளியாகும் இருசக்கர வாகனங்கள் விற்பனை எண்ணிக்கைகள் எப்போதும் நமது கவனத்தை ஈர்க்கக்கூடியவை. இருப்பினும் கடந்த 2021 அக்டோபர் மாதத்தில் இந்திய சந்தையில் இருசக்கர வாகனங்களின் விற்பனை 16.78% குறைந்துள்ளது.
ஏனெனில் கடந்த மாதத்தில் மொத்தம் 11,26,760 2-வீலர்ஸ் விற்பனை செய்யப்பட்டுள்ளன. ஆனால் கடந்த ஆண்டு இதே அக்டோபர் மாதத்தில் 2,27,212 யூனிட்கள் அதிகமாக 13,53,972 இருசக்கர வாகனங்கள் விற்பனை செய்யப்பட்டு இருந்தன. இத்தனைக்கும் கடந்த மாதத்தில் சில பண்டிகை நாட்கள் வந்தன.
இதனால் இருசக்கர வாகனங்களின் விற்பனை அதிகரிக்கும் என எதிர்பார்க்கப்பட்டது. ஆனால் எதிர்மறையாக 16.78% குறைந்துள்ளது. கடந்த மாதத்திலும் அதிகளவில் விற்பனை செய்யப்பட்ட மோட்டார்சைக்கிளாக வழக்கம்போல் ஹீரோ ஸ்பிளெண்டரே தொடர்ந்துள்ளது. கடந்த மாதத்தில் மொத்தம் 2,67,821 ஸ்பிளெண்டர் பைக்குகள் விற்பனை செய்யப்பட்டுள்ளன.
இது 2020 அக்டோபர் மாதத்துடன் ஒப்பிடுகையில் கிட்டத்தட்ட 15.19% குறைவாகும். ஏனென்றால் அந்த மாதத்தில் 3,15,798 ஸ்பிளெண்டர் பைக்குகளை ஹீரோ மோட்டோகார்ப் நிறுவனம் விற்பனை செய்திருந்தது. இதற்கடுத்த இடத்தை ஹோண்டா ஆக்டிவா ஸ்கூட்டர் எப்போதும் போல் தொடர்ந்துள்ளது. கடந்த மாதத்தில் 1,96,699 ஆக்டிவா ஸ்கூட்டர்கள் விற்பனை செய்யப்பட்டுள்ளன.
2020 அக்டோபரில் விற்பனை செய்யப்பட்ட ஆக்டிவா ஸ்கூட்டர்களின் எண்ணிக்கை 2,39,570 ஆகும். இதன்படி பார்க்கும்போது ஹோண்டா ஸ்கூட்டர்களின் விற்பனை 17.89% குறைந்துள்ளது. இவை இரண்டு மட்டுமின்றி, 2020 அக்டோபர் மாதத்துடன் ஒப்பிடுகையில், பஜாஜ் பிளாட்டினாவை தவிர்த்து பெரும்பான்மையான இருசக்கர வாகனங்களின் விற்பனை குறைந்துள்ளது.
இம்முறை அதிகம் விற்பனை செய்யப்பட்ட இருசக்கர வாகனங்கள் லிஸ்ட்டில் மூன்றாவது இடத்தை ஹீரோ எச்.எஃப் டீலக்ஸ் 1,64,311 யூனிட்களுடன் பிடித்துள்ளது. இருப்பினும் கடந்த ஆண்டில் இதே அக்டோபரில் 2,33,061 எச்.எஃப் டீலக்ஸ் பைக்குகள் விற்கப்பட்டு இருந்தன. இதன்படி பார்க்கும்போது, இந்த பிரபலமான ஹீரோ பைக்கின் விற்பனை கிட்டத்தட்ட 29.50% கடந்த மாதத்தில் சரிந்துள்ளது. அதாவது 68,750 யூனிட்கள்.
நான்காவது இடத்தில் ஹோண்டாவின் சிபி ஷைன் மாடல் உள்ளது. கடந்த மாதத்தில் விற்பனை செய்யப்பட்ட சிபி ஷைன் மோட்டார்சைக்கிள்களின் எண்ணிக்கை 1,13,554 ஆகும். 2020 அக்டோபருடன் ஒப்பிடுகையில் சிபி ஷைனின் விற்பனை பெரிய அளவில் குறையவில்லை. வெறும் 4.21% மட்டுமே குறைந்துள்ளது. ஏனெனில் அந்த மாதத்திலும் கிட்டத்தட்ட இதே அளவிலான (1,18,547 யூனிட்கள்) சிபி ஷைன் பைக்குகளையே ஹோண்டா விற்பனை செய்திருந்தது.
இவ்வாறு டாப்-10 2-வீலர்ஸ் லிஸ்ட்டில் முதல் நான்கு இடங்களை ஹீரோ மோட்டோகார்ப் & ஹோண்டா நிறுவனங்களின் தயாரிப்புகள் ஆக்கிரமித்திருக்க, ஐந்தாவது மற்றும் ஆறாவது இடங்களை பஜாஜ் ஆட்டோவின் தயாரிப்புகள் பெற்றுள்ளன. 5வது இடத்தில் உள்ள பிரபலமான பல்சர் பைக்குகள் கடந்த மாதத்தில் மொத்தம் விற்பனை செய்யப்பட்ட யூனிட்களின் எண்ணிக்கை 86,500 ஆகும்.
இதில் பல்சர் 125 மாடலில் இருந்து பல்சர் 220எஃப் வரையில் அனைத்து மாடல்களின் விற்பனையும் அடங்குகின்றன. 86,500 என்ற எண்ணிக்கை உண்மையில் குறைவு தான். ஏனெனில் 2020 அக்.இல் 1,38,218 பல்சர் பைக்குகளை பஜாஜ் நிறுவனம் விற்பனை செய்திருந்தது. இந்த வகையில் பல்சர் பைக்குகளின் விற்பனை சுமார் 51,718 யூனிட்கள் குறைந்துள்ளன.
பஜாஜ் ஆட்டோ நிறுவனம் சமீபத்தில் தான் அதன் முற்றிலும் புதிய 250சிசி பல்சர் பைக்குகளை அறிமுகப்படுத்தியுள்ளதால், வரும் மாதங்களில் பல்சர் பைக்குகளின் விற்பனை அதிகரிக்குமா என்பதை பொருத்திருந்து பார்ப்போம். இந்த வரிசையில் ஆறாவது இடத்தில் பிளாட்டினா மாடல் உள்ளது. ஏற்கனவே கூறியதுதான், இந்த டாப்-10 லிஸ்ட்டில் கடந்த ஆண்டு அக்டோபரை காட்டிலும் கடந்த அக்டோபரில் அதிகம் விற்பனை செய்யப்பட்ட ஒரே மாடல் பிளாட்டினா தான்.
2020 அக்.இல் 60,967 யூனிட்கள் விற்கப்பட்டு இருந்த பிளாட்டினா பைக்குகள், கடந்த மாதத்தில் சுமார் 37.96% அதிகமாக 84,109 யூனிட்கள் விற்கப்பட்டுள்ளன. பல்சர் பைக்குகளுடன் ஒப்பிடுகையில் பிளாட்டினா பைக்குகள் சில ஆயிர யூனிட்கள் மட்டுமே குறைவாக விற்கப்பட்டுள்ளன, இல்லையென்றால் பிளாட்டினா 5வது இடத்தை பிடித்திருக்கும். 7வது மற்றும் 8வது இடங்களில் முறையே டிவிஎஸ் மோட்டாரின் ஜூபிட்டர் ஸ்கூட்டர் மற்றும் எக்ஸ்.எல்100 மாடல்கள் உள்ளன.
இதில் ஹோண்டா ஆக்டிவாவிற்கு அடுத்து அதிக பேரால் வாங்கப்படும் ஸ்கூட்டராக விளங்கும் டிவிஎஸ் ஜூபிட்டரின் விற்பனை வெறும் 2 ஆயிரம் யூனிட்கள் மட்டுமே கடந்த மாதத்தில் குறைந்திருந்தாலும், ஏழை மக்களின் நம்பிக்கைக்குரிய மினி-பைக்காக விளங்கும் எக்ஸ்.எல்100-இன் விற்பனை எண்ணிக்கை கிட்டத்தட்ட 25 ஆயிரம் யூனிட்கள் குறைந்துள்ளன.
-
இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
-
குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!
-
இவ்ளோ அழகா பிக்-அப் டிரக்கா! குடும்பத்தோட மட்டுமல்ல வீட்டையே காலி பண்ணி கொண்டு போலாம்!