எல்லாருக்கும் இது மேல தான் கண்ணு! 2022-ஐ கலக்கிய டாப்5 ஸ்கூட்டர்கள்!

இந்தியாவில் இந்த 2022ம் ஆண்டு ஏகப்பட்ட டூவீலர்கள்கள் அறிமுகமாகிவிட்டது. குறிப்பாக ஸ்கூட்டர் செக்மெண்டில் பல முக்கியமான ஸ்கூட்டர்கள் அறிமுகமாகியுள்ளன. இந்தாண்டு அறிமுகமான டாப் 5 ஸ்கூட்டர்களை தான் இந்த பதிவில் விரிவாகக் காணப்போகிறோம்.

இந்தியாவில் ஸ்கூட்டர் மார்கெட்டிற்கு மிகப்பெரிய டிமாண்ட் இருக்கிறது. பெண்கள் முதல் நகர்ப் பகுதிகளில் வாழும் பலரும் ஸ்கூட்டர்களை தங்கள் தின பயன்பாட்டிற்காகப் பயன்படுத்த விரும்புகின்றனர். இதனால் நாளுக்கு நாள் ஸ்கூட்டர்களின் விற்பனை அதிகரித்து வருகிறது. இந்நிலையில் மக்களைக் கவர பெரும்பாலான இருசக்கர வாகன தயாரிப்பு நிறுவனங்கள் தங்கள் பிராண்டில் ஸ்கூட்டர்களை களம் இறக்கி வருகின்றனர். அந்த வகையில் இந்தாண்டு வெளியான டாப் 5 ஸ்கூட்டர்களை பற்றிக் காணலாம்.

ஓலா எஸ்1 ஏர்

ஓலா நிறுவனம் குறைந்த விலையில் ஒரு எலெக்ட்ரிக் ஸ்கூட்டரை கடந்த தீபாவளி சமயத்தில் அறிமுகப்படுத்தியது. இந்த ஸ்கூட்டர் தான் ஓலா எஸ்1 ஏர். இந்த ஸ்கூட்டர் மார்கெட்டில் ரூ84,999 என்ற விலையில் விற்பனைக்கு வருகிறது. இந்த ஸ்கூட்டர் அறிமுகமாகிவிட்டாலும் இந்த ஸ்கூட்டருக்கான விற்பனை மற்றும் டெலிவரி துவங்கவில்லை. தற்போது புக்கிங் மட்டுமே நடந்து வருகிறது. இந்த ஸ்கூட்டர்2.5 கிலோ வாட் ஹவர் பேட்டரியை யும் 4.5 கிலோ வாட் மோட்டாரையும் கொண்டது. இந்த ஸ்கூட்டர் முழு சார்ஜில் எக்கோ மோடில் 101 கி.மீ ரேஞ்ச் செல்லும் திறன் கொண்டது. இந்த ஸ்கூட்டர் அதிகபட்சமாக 90 கி.மீ வேகத்தில் பயணிக்கும்படி உருவாக்கப்பட்டுள்ளது.

ஹீரோ விடா வி1 இ-ஸ்கூட்டர்

எலெக்ட்ரிக் ஸ்கூட்டர்கள் எல்லாம் இன்று மார்கெட்டில் பிரபலமாகி வரும் நிலையில் ஹீரோ மோட்டோ கார்ப் நிறுவனம் எலெக்ட்ரிக் வாகன பிரிவில் தன் கால் தடத்தைப் பதிக்கும் விதமாக விடா என்ற பிராண்டை அறிமுகப்படுத்தி அதில் வி1 என்ற எலெக்ட்ரிக் ஸ்கூட்டரையும் அறிமுகப்படுத்தியுள்ளது. இந்த ஸ்கூட்டரில் கிலோ வாட் மோட்டார் பொருத்தப்பட்டுள்ளது. இது அதிகபட்சமாக 80 கி.மீ வேகம் வரை செல்லும் திறன் கொண்டது. முழு சார்ஜில் 165 கி.மீ வரை ரேஞ்ச் கொடுக்கும். மேலும் இந்த ஸ்கூட்டரில் ஏகப்பட்ட அம்சங்கள் மற்றும் அதிகமான சார்ஜிங் ஆப்ஷன்கள் உள்ளன.

டிவிஎஸ் ஐக்யூப்

டிவிஎஸ் நிறுவனம் தனது எலெக்ட்ரிக் வாகன பிரிவில் ஐக்யூப் என்ற ஸ்கூட்டரை அறிமுகப்படுத்தியுள்ளது. இது மொத்தம் 3 வேரியன்ட்களாக பேஸ், எஸ் மற்றும் எஸ்டி ஆகிய வேரியன்ட்களில் கிடைக்கிறது. இந்த ஸ்கூட்டரின் பவர் மற்றும் ரேஞ்ச் சிறப்பாக இருக்கிறது. விலையும் குறைவாக இருக்கிறது. இந்த ஸ்கூட்டரின் டாப் வேரியன்டான எஸ்டி என்ற வேரியன்ட் முழு சார்ஜில் 145 கி.மீ பயணிக்கும் திறன் கொண்டதாக இருக்கிறது. இந்த ஸ்கூட்டர் மில்டிபிள் சார்ஜிங் ஆப்ஷன்களை கொண்டது.

ஏத்தர் 450 ஜென்3

ஏத்தர் நிறுவனம் 450 என்ற எலெக்ட்ரிக் ஸ்கூட்டரை விற்பனை செய்து வருகிறது. அதிக நம்பகத்தன்மை வாய்ந்த எலெக்ட்ரிக் ஸ்கூட்டர் இது. இந்த பெர்ஃபாமென்ஸ் மட்டுமல்ல இதன் வடிவமைப்பு மற்றும் பில்டு குவாலிட்டி ஆகிய வெகு சிறப்பாக இருக்கிறது. இந்த ஸ்கூட்டரின் 3ம் தலைமுறை ஸ்கூட்டர் இந்தாண்டு அறிமுகமானது. இது முந்தைய தலைமுறையைவிட அதிக அம்சங்களை கொண்டிருக்கிறது. இதன் ரேஞ்ச், அம்சங்கள், வெளிப்புற தோற்றம், உட்புறம் பயன்படுத்தப்பட்ட பாகங்கள் எல்லாம் அப்டேட் செய்யப்பட்டுள்ளது. இது ஒட்டுமொத்தமாக வாடிக்கையாளர்களுக்கு செம அப்டேட்டாக இருக்கிறது.

டிவிஎஸ் என் டார்க் எக்ஸ்டி

டிவிஎறா் நிறுவனத்தின் என்டார்க் ஸ்கூட்டர் மிகவும் பிரபலமானது. இந்த பட்டியலில் இருக்கும் ஒரே பெட்ரோல் ஸ்கூட்டர் இது தான். இந்த ஸ்கூட்டர் 125 சிசி செக்மெண்டில் விற்பனைக்கு வந்துள்ளது. இந்த ஸ்கூட்டரின் எக்ஸ்டி வேரியன்ட் இந்தாண்டு அறிமுகமானது. இது மார்கெட்டில் ரூ1.03 லட்சம் முதல் விற்பனையாகி வருகிறது. இந்த ஸ்கூட்டரில் ப்ளூடூத் கனெக்டிவிட்டி, டிஜிட்டல் இன்ஸ்ட்ரூமென்ட் கன்சோல் உள்ளிட்டதாகப்பட்ட அம்சங்கள் இந்த ஸ்கூட்டரில் இருக்கிறது.

இந்த பட்டியலில் மொத்தம் உள்ள 5 ஸ்கூட்டரில் 4 ஸ்கூட்டர் எலெக்டரிக் ஸ்கூட்டர் தான். இருசக்கர வாகன விற்பனையில் ஸ்கூட்டர் செக்மெண்டை மெல்ல மெல்ல எலெக்ட்ரிக் ஸ்கூட்டர்கள் பிடித்து வருகிறது. இன்னும் சில மாதங்களில் ஸ்கூட்டர் என்றாலே எலெக்ட்ரிக் ஸ்கூட்டர் தான் என்றநிலை வந்தாலும் ஆச்சரியப்படுவதற்கு ஒன்றும் இல்லை. அந்த அளவிற்கு எலெக்ட்ரிக் வாகன விற்பனை அதிகரித்து வருகிறது. இந்த 5 ஸ்கூட்டர்களில் உங்களின் மனம் கவர்ந்த ஸ்கூட்டர் எது? இது குறித்த உங்கள் கருத்துக்களை கமெண்டில் சொல்லுங்கள்.