இந்தியாவில் அதிகம் விற்பனை 500சிசி+ பைக் எது தெரியுமா? நம்பர்.1 இடத்தில் ராயல் என்பீல்டு 650 ட்வின்

இந்திய சந்தையில் 500சிசி-க்கும் அதிக சிசி கொண்ட பைக்குகளை விற்பனை செய்வதில் ராயல் என்பீல்டு மற்ற அனைத்து பிராண்ட்களை காட்டிலும் மிக பெரிய வித்தியாசத்துடன் முன்னிலை வகிக்கிறது. எந்த அளவிற்கு என்றால், கடந்த பிப்ரவரி மாதத்தில் இந்த பிரிவில் மொத்தம் 2,745 பைக்குகள் விற்பனை செய்யப்பட்டுள்ளன.

இதில் சுமார் 89.95% ராயல் என்பீல்டின் 650சிசி இரட்டை பைக்குகளுடையது ஆகும். அதாவது கடந்த மாதத்தில் 2,469 650சிசி ட்வின்ஸ் பைக்குகளை ராயல் என்பீல்டு நிறுவனம் விற்பனை செய்துள்ளது. இந்த விற்பனை எண்ணிக்கை ஆனது 2021 பிப்ரவரி மாதத்தை காட்டிலும் சுமார் 769.37% அதிகமாகும். ஏனெனில் அந்த மாதத்தில் வெறும் 284 650-ட்வின்ஸ் (இண்டர்செப்டர் 650 & காண்டினெண்டல் ஜிடி650) பைக்குகள் மட்டுமே விற்பனை செய்யப்பட்டு இருந்தன.

இவ்வாறு ராயல் என்பீல்டு பைக்குகளின் விற்பனை எண்ணிக்கை குறைந்திருப்பதினால், கடந்த ஆண்டு பிப்ரவரியில் மொத்த 500சிசி+ மோட்டார்சைக்கிள்களின் விற்பனையும் வெறும் 573 யூனிட்களாக பதிவாகியிருந்தது. இந்த மொத்த விற்பனை எண்ணிக்கை ஆனது கடந்த 2022 பிப்ரவரி மாத விற்பனை எண்ணிக்கையை காட்டிலும் கிட்டத்தட்ட 379.06% குறைவாகும். ராயல் என்பீல்டு ட்வின்ஸிற்கு அடுத்து டிரையம்ப் டைகர் 900 என்கிற அட்வென்ச்சர் மோட்டார்சைக்கிள் உள்ளது.

ஏற்கனவே கூறியதுதான், ராயல் என்பீல்டு ட்வின்ஸ் பைக்குகளே இந்த பிரிவில் தங்களது முழு ஆதிக்கத்தையும் செலுத்தி வருகின்றன. இவற்றிற்கு அடுத்துள்ளவை 50 யூனிட்கள் கூட விற்பனை செய்யப்படுபவையாக இல்லை. 2வது இடத்தில் உள்ள டிரையம்ப் டைகர் 900-இன் கடந்த மாத விற்பனை எண்ணிக்கை வெறும் 30 ஆகும். அதுவே கடந்த ஆண்டு பிப்ரவரியில் இந்த டிரையம்ப் அட்வென்ச்சர் பைக் 39 யூனிட்கள் விற்பனை செய்யப்பட்டு இருந்தது.

இந்த வகையில் டைகர் 900-இன் விற்பனை 23.08% கடந்த மாதத்தில் குறைந்துள்ளது. கவாஸாகி இசட்900 28 யூனிட்களின் விற்பனை உடன் இந்த வரிசையில் 3வது இடத்தில் உள்ளது. ஆனால் இதன் விற்பனை, 2021 பிப்ரவரியில் இதனை காட்டிலும் டபுள் மடங்கு அதிகமாக 61 யூனிட்களாக இருந்தது. இதற்கடுத்து 4வது இடத்தை கவாஸாகியின் 1000சிசி பைக்கான நிஞ்சா1000 அனைவரையும் ஆச்சரியப்படுத்தும் விதமாக பிடித்துள்ளது.

கடந்த பிப்ரவரியில் இந்த 1000சிசி பைக் மொத்தம் 24 யூனிட்கள் விற்பனை செய்யப்பட்டுள்ளது. ஆனால் உண்மையில் 2021 பிப்ரவரியில் இந்த 1000சிசி பைக் 8 யூனிட்கள் அதிகமாக விற்பனை செய்யப்பட்டு இருந்தது. டிரையம்ப் ஸ்ட்ரீட் ட்ரிபிள் இந்த லிஸ்ட்டில் 5வது இடத்தை 21 யூனிட்களின் விற்பனை உடன் பெற்றுள்ளது. இது இந்த டிரையம்ப் பைக்கின் 2021 பிப்ரவரி மாத விற்பனையை காட்டிலும் 600% அதிகமாகும். ஏனெனில் அந்த மாதத்தில் வெறும் 3 ஸ்ட்ரீட் ட்ரிபிள் பைக்குகளே விற்கப்பட்டு இருந்தன.

2021 பிப்ரவரியில் 48 யூனிட்கள் விற்பனை செய்யப்பட்டு இருந்த கவாஸாகி நிஞ்சா 650 கடந்த மாதத்தில் 20 யூனிட்கள் விற்பனை செய்யப்பட்டு இந்த வரிசையில் 6வது இடத்தை சொந்தமாக்கியுள்ளது. இதற்கு விற்பனையில் போட்டியாக விளங்கும் மற்றொரு ஜப்பானிய ஸ்போர்ட்ஸ் பைக்கான ஹோண்டா சிபிஆர்650 கடந்த மாதத்தில் 19 யூனிட்கள் விற்பனை செய்யப்பட்டுள்ளது. இது கவாஸாகி நிஞ்சா 650-ஐ காட்டிலும் வெறும் 1 யூனிட் மட்டுமே குறைவாகும்.

ட்ரையம்ப் ட்ரைடெண்ட் பைக்குகள் கடந்த மாதத்தில் 17 யூனிட்கள் விற்பனை செய்யப்பட்டுள்ளன. ட்ரைடெண்ட் அடிப்படையில் வடிவமைக்கப்பட்ட டைகர் 660 பைக் இன்னும் சில நாட்களில் இந்தியாவில் அறிமுகப்படுத்தப்பட உள்ளது இங்கு குறிப்பிடத்தக்கது. இதன்பின்னர் இந்திய சந்தையில் தங்களது பிரீமியம் ரக மோட்டார்சைக்கிள்களின் விற்பனை கணிசமாக அதிகரிக்கும் என டிரையம்ப் மோட்டார்சைக்கிள் நிறுவனம் நம்பிக்கையாக உள்ளது.

ட்ரைடெண்ட்டிற்கு அடுத்து சுஸுகி மோட்டார்சைக்கிள் நிறுவனம் அதன் அட்வென்ச்சர் பைக்கான வி-ஸ்ட்ரோமை கடந்த மாதத்தில் 12 யூனிட்கள் விற்பனை செய்துள்ளது. ஆனால் கடந்த ஆண்டு பிப்ரவரியில் இந்த சுஸுகி அட்வென்ச்சர் பைக் வெறும் 1 யூனிட் மட்டுமே விற்கப்பட்டு இருந்தது. இதேபோல் சூப்பர் பைக்கான ஹயபுஸாவையும் சுஸுகி நிறுவனம் கடந்த மாதத்தில் 12 யூனிட்கள் விற்பனை செய்துள்ளது.