ரோட்டுக்கு 10 வண்டி ஓடுது! இதுவரை எவ்வளவு வண்டி வித்திருக்குது தெரியுமா?

ஹோண்டா மோட்டார்சைக்கிள் மற்றும் ஸ்கூட்டர் இந்தியா (HMSI) இந்தியாவின் தெற்குப் பகுதியில் விற்பனையில் ஒரு குறிப்பிடத்தக்க மைல்கல்லை எட்டியுள்ளது. 2001ல் அறிமுகப்படுத்தப்பட்டதிலிருந்து, இந்த நிறுவனம் அதன் பிரபலமான ஆக்டிவா ஸ்கூட்டரின் 1 கோடி ஸ்கூட்டர்களை விற்பனை செய்துள்ளது. இந்த சாதனை தமிழ்நாடு, கர்நாடகா, தெலங்கானா, கேரளா, ஆந்திரப் பிரதேசம், புதுச்சேரி மற்றும் அந்தமான் நிகோபார் தீவுகள் போன்ற மாநிலங்களில் இருந்து பெறப்பட்ட விற்பனையாகும். இது குறித்த விரிவான விபரங்களை காணலாம் வாருங்கள்.

ஆக்டிவாவின் பயணம் 2001-ல் தொடங்கியது, முதல் 50 லட்சம் ஸ்கூட்டர்கள்களை விற்பனை செய்ய 2017 வரை அதாவது 17 ஆண்டுகள் ஆனது. இருப்பினும், அடுத்த 50 லட்சம் ஸ்கூட்டர்களை வெறும் 7 ஆண்டுகளில் விற்பனை செய்தது. இந்த வேகமான வளர்ச்சியில் ஆக்டிவா குடும்பத்தின் 110cc மற்றும் 125cc மாடல்கள் இரண்டும் அடங்கும். ஸ்கூட்டரின் பிரபலம் அதன் வலுவான சந்தை இருப்பு மற்றும் வாடிக்கையாளர் நம்பிக்கையை பிரதிபலிக்கிறது.

HMSI இன் விற்பனை மற்றும் மார்கெட்டிங் இயக்குநர் யோகேஷ் மாதுர், இந்த சாதனைக்காக நன்றி தெரிவித்தார். அவர் கூறும் போது, "தென் பகுதியில் 1 கோடி ஆக்டிவா விற்பனை இலக்கை எட்டுவது, எங்கள் வாடிக்கையாளர்களின் நம்பிக்கை மற்றும் விசுவாசத்தின் சான்றாகும். இது தொடர்ந்து கண்டுபிடித்து சிறந்த மதிப்பை வழங்குவதற்கான எங்களின் அயராத முயற்சிகளை பிரதிபலிக்கிறது."

ஆக்டிவா மாடல்களுக்கு அப்பால், ஹோண்டா பலவகையான இருசக்கர வாகனங்களை வழங்குகிறது. டியோ ஸ்கூட்டர் 110cc மற்றும் 125cc எடிசன்களில் கிடைக்கிறது. மோட்டார் சைக்கிள்களில், ஹோண்டா பலவகையான பிரிவுகளில் 9 மாடல்களை வழங்குகிறது: ஷைன் 100, சிடி 110 டிரீம் டீலக்ஸ் & லீவோ (100-110cc), ஷைன் 125 & எஸ்பி 125 (125cc), யூனிக்கார்ன் & எஸ்பி 160 (160cc), மற்றும் ஹார்னெட் 2.0 & சிபி 200 எக்ஸ் (180-200cc) ஆகிய பைக்குகள் விற்பனையாகியுள்ளன.

ஹோண்டாவின் பிரீமியம் பைக்குகளும் சிறப்பாக விற்பனையாகி வருகிறது. பெரிய நகரங்களில் 300cc முதல் 1800cc வரையிலான உயர்நிலை மாடல்களுக்கான விற்பனை பிக் வீங் ஷோரூம் மூலம் விற்பனை நடத்தப்படுகிறது. பிக் விங்கில் 300cc முதல் 500cc வரையிலான நடுத்தர அளவிலான பைக்குகளுக்கு மட்டுமே சர்வீஸ் செய்கிறது.

இந்த பல்வேறு வகை வாகனங்களில் சிபி 350, ஹைனஸ் சிபி 350, சிபி 350 ஆர்எஸ், சிபி 300 எஃப், சிபி 300 ஆர், என்எக்ஸ் 500, எக்ஸ்எல் 750 டிரான்சால்ப், ஆப்ரிக்கா ட்வின் மற்றும் கோல்ட் விங் டூர் போன்ற மாடல்கள் விற்பனையாகி வருகின்றன. ஹார்னெட் 2.0 மற்றும் சிபி 200 எக்ஸ் ஆகியவை இப்போது பிக் விங் ஷோரூம்கள் மூலமாகவும் கிடைக்கின்றன.

இந்தியாவின் போட்டியான இருசக்கர வாகன சந்தையில் புதுமை மற்றும் வாடிக்கையாளர் திருப்திக்கான ஹோண்டாவின் உறுதிப்பாட்டை ஆக்டிவாவுடன் ஹோண்டாவின் வெற்றி எடுத்துக்காட்டுகிறது. தொடர்ந்து ஆக்டிவாவில் பல்வேறு விதமான அப்டேட்களை மக்கள் எதிர்பார்த்து வருகிறார்கள். நீண்ட ஆண்டுகளாக மக்கள் விரும்பும் ஸ்கூட்டராக இந்த ஆக்டிவா இருக்கிறது.

இதற்கிடையில் தற்போது ஸ்கூட்டர் மார்கெட்டில் எலெக்ட்ரிக் ஸ்கூட்டர்களுக்கான மார்கெட் பெரிய அளவில் விரிவடைந்துவரும் நிலையில் ஹோண்டா நிறுவனமும் தனது பங்கிற்கு இந்த மார்கெட்டில் களம் இறங்க முடிவு செய்துள்ளது. முதல் தயாரிப்பே மக்களின் கவனத்தை ஈர்க்க வேண்டும் என்பதால் ஆக்டிவா ஸ்கூட்டரின் எலெக்ட்ரிக் வெர்ஷனை களம் இறக்கும் என எதிர்பார்க்கப்படுகிறது.

ஏற்கனவே ஓலா, ஏத்தர், டிவிஎஸ், போன்ற நிறுவனங்கள் எலெக்ட்ரிக் ஸ்கூட்டர் செக்மெண்டில் மிகப்பெரிய அளவில் போட்டி போட்டு வரும் நிலையில் இந்த ஆக்டிவா எலெக்ட்ரிக் ஸ்கூட்டரும் மார்கெட்டிற்கு வரும் நிலையில் இது எலெக்ட்ரிக் வாகன துறையில் மிகப்பெரிய மாற்றம் ஏற்படும். நிச்சயம் நல்ல அளவில் விற்பனையை பெரும் என எதிர்பார்க்கலாம்.

டிரைவ்ஸ்பார்க் கருத்து: இந்தியாவில் ஸ்கூட்டர்கள் அறிமுகமாகி ஆரம்பகட்டத்தில் பெரிய அளவில் பிரபலமாகாமல் இருந்தாது. ஆனால் குறைந்தவிலையில் வாகனங்கள் வெளியாகி பெண்கள் சுலபமாக இயக்க முடிந்த அளவில் இருந்ததால் இதன் விற்பனை அதிகரித்தது. கடந்த சில ஆண்டுகளாக மிக அளவில் இந்த வாகனங்கள் விற்பனையாகியுள்ளது குறிப்பிடத்தக்கது.