காலேஜ் பசங்களுக்குன்னே இந்த வண்டிய கொண்டு வந்திருக்காங்க! ரேட்டு ரொம்ப கம்மி

2025 ஹோண்டா டியோ 110, OBD-2B விதிமுறைகளுக்கு ஏற்ப அப்டேட் செய்யப்பட்டுள்ளது, மேலும் போட்டியைத் தக்கவைக்க புதிய அம்சங்களை சேர்த்துள்ளது. இந்த ஸ்கூட்டர் இரண்டு வேரியண்ட்களில் கிடைக்கிறது: STD - வேரியன்ட் ₹74,930 என்ற விலையிலும் மற்றும் DLX வேரியன்ட் - ₹85,648 என்ற விலையிலும் (இரண்டும் டெல்லி எக்ஸ்-ஷோரூம் விலைகள்) கிடைக்கிறது. இந்த அப்டேட் ஹோண்டா மோட்டார் சைக்கிள் & ஸ்கூட்டர் இந்தியா (HMSI) இன் புதிய மாடல் 2025 ஆண்டிற்கான அதன் இரு சக்கர வாகன அணிவகுப்பை புதுப்பிக்கும் முயற்சியின் ஒரு பகுதியாகும்.

டியோ 110 அதன் 109.51cc சிங்கிள் சிலிண்டர் PGM-Fi இன்ஜினை தக்கவைத்துள்ளது, இது இப்போது OBD-2B விதிமுறைகளுக்கு இணக்கமானது. இது 7.8 bhp பவர் மற்றும் 9.03 Nm டார்க் திறனை உருவாக்குகிறது, CVT ஆட்டோமெட்டிக் கியர்பாக்ஸுடன் இணைக்கப்பட்டுள்ளது. இதில் உள்ள ஐடிலிங் ஸ்டாப் அம்சம் எரிபொருள் திறனை மேம்படுத்துகிறது.

ஸ்கூட்டரின் ஸ்போர்ட்டியான வடிவமைப்பு மாறாமல் உள்ளது, DLX வேரியண்டில் அலாய் வீல்கள் மற்றும் 5 கலர் ஆப்ஷன்கள் உள்ளன: இம்பீரியல் ரெட் மெட்டாலிக், பெர்ல் ஐக்னியஸ் பிளாக், பெர்ல் ஐக்னியஸ் பிளாக் வித் பெர்ல் டீப் கிரவுண்ட் கிரே, மேட் மார்வெல் ப்ளூ மற்றும் மேட் ஆக்ஸிஸ் கிரே மெட்டாலிக். ஆகிய கலர் ஆப்ஷன்கள் உள்ளன.

சமீபத்திய டியோ மாடல் மைலேஜ், டிரிப் மீட்டர்கள், எக்கோ சிக்னல் மற்றும் எரிபொருளில் எவ்வளவு தூரம் பயணிக்கும் என்ற தகவல் ஆகியவற்றை காண்பிக்கும் 4.2 அங்குல TFT டிஜிட்டல் கன்சோலை அறிமுகப்படுத்துகிறது. ஒரு USB Type-C சார்ஜிங் போர்ட் உடன் பயனர்களுக்கு வசதியை சேர்க்கிறது. இந்த அப்டேட்களை தவிர, ஸ்கூட்டர் எந்த வடிவமைப்பு மாற்றமும் இல்லாமல் அதன் காட்சி ஈர்ப்பைத் தக்கவைத்துள்ளது.

HMSI இன் மேலாண் இயக்குநர் ட்சுட்சுமு ஓடானி, டியோ இளமை ஆற்றல் மற்றும் புதுமை ஆகியவற்றைக் குறிக்கிறது என்று கூறினார். மேலும் அவர் கூறுகையில் "2025 டியோவின் வெளியீட்டுடன், நாங்கள் மோட்டோ ஸ்கூட்டரின் மையக் கருத்தைத் தக்கவைத்துக்கொண்டு, நவீன தொழில்நுட்பம், மேம்படுத்தப்பட்ட செயல்திறன் மற்றும் சுற்றுச்சூழல் நட்பு இணக்கத்தை ஒருங்கிணைப்பதன் மூலம் ஸ்கூட்டர் அனுபவத்தை மறுவரையறை செய்ய விரும்புகிறோம்." என கூறியுள்ளார்

HMSI இலிருந்து யோகேஷ் மாதூர், வாடிக்கையாளர் இயக்கம் தீர்வுகளை மேம்படுத்துவதில் அவர்களின் உறுதிப்பாட்டை எடுத்துரைத்தார். டயோவின் OBD2B இணக்க இன்ஜின் மாசு கட்டுப்பாட்டு தரங்களை பூர்த்தி செய்வதோடு சிறந்த செயல்திறனையும் உறுதி செய்கிறது என்று அவர் குறிப்பிட்டார். இந்த மோட்டோ ஸ்கூட்டர் ஒரு பயணத்தை விட அதிகம் வாடிக்கையளர்களுக்கு தருகிறது - இது ஆற்றல் மற்றும் ஸ்டைலின் வெளிப்பாடு." எனவும் தெரிவித்தார்.

புதுப்பிக்கப்பட்ட ஹோண்டா டியோ 110 இப்போது இந்தியா முழுவதும் உள்ள HMSI டீலர்ஷிப்களில் கிடைக்கிறது. இந்த வெளியீடு இந்தியாவின் இளைஞர்களின் ஆசைகளுடன் ஒத்துப்போகும் புதுமையான ஸ்கூட்டர்களை வழங்கும் ஹோண்டாவின் திட்டத்துடன் ஒத்துப்போகிறது.

இந்த அப்டேட் செய்யப்பட்ட, ஸ்டைல், மேம்பட்ட தொழில்நுட்பம் மற்றும் சுற்றுச்சூழல் இணக்கத்தை இணைப்பதன் மூலம் இந்தியாவில் இளம் ரைடர்களிடையே ஒரு சிறந்த தேர்வாக இருக்கும். இதன் மூலம் இளைஞர்கள் மத்தியில் இந்த ஸ்கூட்டருக்கு இருக்கும் இடத்தைத் தக்கவைக்கும் நோக்கமும் இந்த அப்டேட்டில் இருக்கிறது.

டிரைவ்ஸ்பார்க் கருத்து: இந்தியாவில் டியோ ஸ்கூட்டருக்கு மிகப்பெரிய வரவேற்ப்பு இருக்கிறது. தற்போது இளைஞர்கள் மத்தியில் இந்த ஸ்கூட்டர் குறித்த நம்பிக்கையை பெறவும், தங்கள் வாடிக்கையளர்களை திருப்திப்டுத்தவும் இந்த அப்டேட்டை செய்துள்ளது குறிப்பிடத்தக்கது.