போட்டோகளில் பார்த்து ஆறுதல் அடைய வேண்டியதுதான்... புது டுகாட்டி பைக்குகள் ஒவ்வொன்றின் விலையும் பல லட்ச ரூபாய்!

இந்தியாவில், டுகாட்டி (Ducati) நிறுவனம் புதிய ஸ்ட்ரீட்ஃபைட்டர் வி4 (Streetfighter V4) பைக்குகளை அறிமுகப்படுத்தியுள்ளது. பெயருக்கேற்ப வேகமான பயணங்களுக்கு ஏற்றதான டுகாட்டி ஸ்ட்ரீட்ஃபைட்டரில் ஸ்டாண்டர்ட் வி4 மற்றும் வி4 எஸ் என இரு பைக்குகள் அறிமுகம் செய்யப்பட்டுள்ளன. இதில், ஸ்டாண்டர்ட் வி4 பைக்கின் எக்ஸ்-ஷோரூம் விலை ரூ.28.68 லட்சம் ஆகவும், வி4 எஸ் பைக்கின் விலை ரூ.32.38 லட்சம் ஆகவும் நிர்ணயிக்கப்பட்டுள்ளது.

இந்த இரு வேரியண்ட்களும் மேம்படுத்தப்பட்ட என்ஜின் திறன் மற்றும் பல்வேறு மின்னணு உதவிகளுடன் வருகின்றன. புக்கிங்களும், டெலிவிரிகளும் என இரண்டும் இன்றே தொடங்கியுள்ளன. இரு டுகாட்டி ஸ்ட்ரீட்ஃபைட்டர் வி4 பைக்குகளும் 1,103சிசி டெஸ்மோசெடிசி ஸ்ட்ரடேல் வி4 என்ஜினைப் பயன்படுத்துகின்றன. இந்த என்ஜின் அதிகப்பட்சமாக 13,500 ஆர்பிஎம்-இல் 212 பிஹெச்பி பவரையும், 11,250 ஆர்பிஎம்-இல் 120 என்எம் டார்க்கையும் உற்பத்தி செய்யும் திறன் கொண்டதாக உள்ளது.

புதிய மேம்படுத்தப்பட்ட ஸ்ட்ரீட்ஃபைட்டர் வி4 பைக்குகளில் கவுண்டர்-ரொட்டேட்டிங் கிரான்க் ஷிஃப்ட் மற்றும் "ட்வின் பல்ஸ்" ஃபயரிங் ஆர்டர் போன்ற சிறப்பம்சங்கள் உள்ளன. அலுமினியத்தால் ஆன "முன்பக்க-ஃபிரேம்" வடிவமைப்பு கொண்ட சேஸிஸ் அமைப்பு வழக்கம்போல் தொடர்கிறது. கார்னரிங் நிலைத்தன்மையை மேம்படுத்தும் வகையில், புதிய ஹாலோ ஸ்விங்கார்ம் உடன் இந்த ஃபிரேமை டுகாட்டி இணைத்துள்ளது.

ஸ்ட்ரீட்ஃபைட்டர் வி4 ஆனது முழுமையாக சரிசெய்யக்கூடிய 43 மிமீ ஷோவா பிக் பிஸ்டன் ஃபோர்க் (BPF) சஸ்பென்ஷனை முன்பக்கத்திலும், முழுமையாக சரிசெய்யக்கூடிய சாக்ஸ் ரியர் மோனோஷாக்கை பின்பக்கத்திலும் கொண்டுள்ளது. மேலும், சாக்ஸ் ஸ்டீயரிங் டேம்பர் அமைப்பும் இதில் இடம்பெற்றுள்ளது. ஸ்ட்ரீட்ஃபைட்டர் வி4 எஸ் மாடலானது ஓஹ்லின்ஸ் ஸ்மார்ட் EC 3.0 சஸ்பென்ஷன் மற்றும் அலுமினிய சக்கரங்களுடன் ஸ்டாண்டர்ட் வி4 பைக்கில் இருந்து தனித்து நிற்கிறது.

குறைந்த எடை கொண்ட பேட்டரி மற்றும் சக்கரங்களினால், ஸ்டீயரிங் கண்ட்ரோல் சிறப்பாக உள்ளதால், வளைவுகளில் திரும்பும்போது ஸ்டாண்டர்ட் வி4 பைக்கை விட வி4 எஸ் சிறப்பான திறனை வழங்கும் என டுகாட்டி தெரிவிக்கிறது. இரு வேரியண்ட்களும் அதிக எலெக்ட்ரானிக் வசதிகளைக் கொண்டுள்ளன. அவற்றில் 6-அச்சு IMU, பவர் மோட்கள், வீலிங் கண்ட்ரோல், கார்னரிங் ABS மற்றும் DQS 2.0 அப்-டவுன் குயிக் ஷிஃப்டர் ஆகியவை அடங்கும்.

பிரேக்கிங் அமைப்பு முழுவதும் பிரேம்போ பாகங்களை கொண்டுள்ளது. இது மின்னணு முறையில் பிரேக்கிங் விசையை விநியோகிக்கும் ரேஸ் eCBS அமைப்புடன் இணைக்கப்பட்டுள்ளது. புதிய ஸ்ட்ரீட்ஃபைட்டர் வி4 பைக்குகளில் பிரேம்போ ஹைப்யூர் மோனோபிளாக் காலிப்பர்கள் பயன்படுத்தப்பட்டு உள்ளன. புதிய ஸ்ட்ரீட்ஃபைட்டர் வி4 பைக்குகளில் பைரெல்லி டயப்லோ ரோசோ-IV கோர்சா டயர்கள் பொருத்தப்பட்டுள்ளன.

மறுவடிவமைக்கப்பட்ட இருக்கை மற்றும் மாற்றப்பட்ட ரைடிங் பொசிஷன் மூலம் பைக்கின் பயண சூழல் மேம்படுத்தப்பட்டுள்ளது. டுகாட்டியின் காம்பாக்ட் கண்ட்ரோல் லேஅவுட் ஆனது பைக்கில் சுவிட்சுகளை எளிதில் அணுகக்கூடிய வகையில் அமைத்துள்ளது. மேலும், TFT டிஸ்பிளே, ரைடிங் மோட்கள் ஓட்டுநரின் கவனத்தை சாலையில் இருந்து திசை திருப்பாமல் வழங்கும் வகையில் வழங்கப்பட்டுள்ளன.

புதிய ஸ்ட்ரீட்ஃபைட்டர் வி4 பைக்குகளின் அறிமுகம் குறித்து டுகாட்டி இந்தியா நிறுவனத்தின் நிர்வாக இயக்குனர் பிபுல் சந்திரா கருத்துத் தெரிவிக்கையில், "2025 டுகாட்டி ஸ்ட்ரீட்ஃபைட்டர் வி4 மற்றும் வி4 எஸ் பைக்குகளின் இந்திய வெளியீடு, செயல்திறன், வடிவமைப்பு மற்றும் உணர்வு ஆகியவற்றின் எங்கள் தேடலில் மற்றொரு அற்புதமான அத்தியாயத்தைக் குறிக்கிறது. ஸ்ட்ரீட்ஃபைட்டர் என்பது டுகாட்டியின் பந்தய DNA-வின் தூய வெளிப்பாடு ஆகும்.

புதிய 2025 ஆண்டிற்கான மாடலில், அதன் செயல்திறன், வசதி மற்றும் மின்னணு நுட்பத்தை நாங்கள் உயர்த்தியுள்ளோம். இது இந்திய சாலைகளில் இன்னும் விறுவிறுப்பான மற்றும் தன்னம்பிக்கை நிறைந்த பயணத்தை உறுதி செய்கிறது. இத்தாலிய ஆர்வத்தை இடைவிடாத பொறியியல் துல்லியத்துடன் கச்சிதமாக இணைக்கும் மோட்டார்சைக்கிள்களை எங்கள் ரைடர்களுக்கு வழங்குவதில் நாங்கள் பெருமிதம் கொள்கிறோம்" என்றார்.

டிரைவ்ஸ்பார்க் கருத்து: உலகளவில் பிரபலமான டுகாட்டி பைக்குகளும் ஸ்ட்ரீட்ஃபைட்டரும் ஒன்றாகும். இந்தியாவிலும் கூட இந்த பைக்கிற்கு கணிசமான வாடிக்கையாளர் பட்டாளம் உள்ளது. இதனாலேயே ஒவ்வொரு வருடமும் மறக்காமல் ஸ்ட்ரீட்ஃபைட்டர் பைக்குகளை டுகாட்டி இந்தியா நிறுவனம் அப்டேட் செய்துவிடுகிறது. ஸ்ட்ரீட்ஃபைட்டர் வி4 பைக்குகள் மட்டுமின்றி, ஸ்ட்ரீட்ஃபைட்டர் வி2 பைக்குகளும் இந்தியாவில் விற்பனையில் உள்ளது குறிப்பிடத்தக்கது.