பெடலை மிதிக்காமலேயே 40கிமீ பயணம் செய்யலாமா!! ஸ்கூட்டர்களில் இருக்கும் அத்தனை அம்சங்களும் இருக்கு!

இந்தியாவில் எலெக்ட்ரிக் வாகனங்களின் பயன்பாடு வேகமாக அதிகரித்து வருகிறது. இந்தியாவின் நம்பர்-1 எலக்ட்ரிக் சைக்கிள் (Electric Cycle) பிராண்டான இமோட்டார்ட் (EMotorad), இந்த வளர்ச்சியை பயன்படுத்திக் கொள்ளும் முயற்சியாக அதன் புதிய 'டி-ரெக்ஸ் ஸ்மார்ட்' (T-Rex Smart) என்கிற முதன்மையான எலெக்ட்ரிக் சைக்கிளை விற்பனைக்கு அறிமுகப்படுத்தியுள்ளது.

தினசரி பயணங்களை எளிமையாகவும், புத்திசாலித்தனமாகவும் மாற்றும் வகையில் வடிவமைக்கப்பட்ட இந்த இ-சைக்கிள், புளூடூத் (Bluetooth) மற்றும் ஜிபிஎஸ் (GPS) இணைப்புடன் வந்துள்ள நாட்டின் முதல் எலெக்ட்ரிக் சைக்கிளாகும்; வேகத்தையும், அதேநேரம் பாதுகாப்பையும் ஒரே நேரத்தில் விரும்புபவர்களுக்காக இது உருவாக்கப்பட்டுள்ளது. டி-ரெக்ஸ் ஸ்மார்ட் இரண்டு மேம்பட்ட வேரியண்ட்களில் கிடைக்கிறது.

இதில், புளூடூத் உடனான வேரியண்ட் ரூ.37,999க்கும், புளூடூத் + ஜிபிஎஸ் வேரியண்ட் ரூ.45,999க்கும் விற்பனை செய்யப்படுகிறது. ஒரு ஸ்மார்ட் இ-சைக்கிள் சூழலை உருவாக்கும் தொலைநோக்கு பார்வையுடன் இமோட்டார்ட் உருவாக்கிய அமிகோ நெக்ஸ்ட் (AMIIGO NXT) செயலியுடன் இது தடையின்றி இணைகிறது என்பதே இதன் தனித்துவமான அம்சமாகும்.

ஆண்ட்ராய்டு மற்றும் ஆப்பிள் ஆப் ஸ்டோர்களில் கிடைக்கும் இந்த செயலி, பயண வரலாற்றைச் சரிபார்க்கவும், பயணங்களை நிகழ்நேரத்தில் கண்காணிக்கவும், சைக்கிளின் செயல்திறனை விரிவாக ஆய்வு செய்யவும் பயணிகளுக்கு உதவுகிறது. 'ஜியோஃபென்ஸ்' (Geofence) அம்சம் சைக்கிளில் பயணம் செய்பவர்களுக்கு புவியியல் ரீதியாக முன்னரே தீர்மானிக்கப்பட்ட ஒரு பாதுகாப்பான வழிக்காட்டுதலை உருவாக்கும்.

மேலும், 'சைல்ட் லாக்' (Child Lock) அம்சம் அதிகபட்ச த்ரோட்டல் வேகத்தை கட்டுப்படுத்துவதால், குழந்தைகள் முழு சுதந்திரத்துடனும், பாதுகாப்பாகவும் பயணம் செய்யும்போது பெற்றோர்கள் மிகுந்த நிம்மதியுடன் இருக்க முடியும். கண்காணிப்பு அம்சங்களை பொறுத்தவரையில், சைக்கிள் திருடு போனால் எச்சரிக்கும் அலாரம், ரிமோட் முறையில் வாகனத்தை முடக்கும் வசதி, சவாலான சூழ்நிலைகளில் அவசர கால SOS அழைப்பு, விரிவான பயண வரலாறு பதிவு மற்றும் இ-சைக்கிள்களை பயன்படுத்துவோரின் சமூகத்தை உருவாக்குவது போன்ற பல சிறப்பம்சங்கள் இந்த இ-சைக்கிளில் இடம்பெற்றுள்ளன.

இந்த எலெக்ட்ரிக் சைக்கிளின் கட்டுமானம் இமோட்டார்ட் நிறுவனத்தின் வலுவான அடையாள வலிமையை முழுமையாக வெளிப்படுத்துகிறது. உயர் ரக இழுவிசை எஃகு மூலம் கவனமாக செய்யப்பட்ட ஹார்டெயில் MTB ஃபிரேம் இந்த சைக்கிளின் அடிப்படையாக அமைகிறது. இது சவால்கள் நிறைந்த இந்திய சாலைகளுக்கு ஏற்றவாறு போதுமான கடினத்தன்மையுடன், அதே வேளையில் நீண்ட தூர பயணங்களுக்கு மிகுந்த வசதியுடனும் உள்ளது.

29" × 2.4" அளவிலான எளிதில் பஞ்சர் ஆகாத நைலான் டயர்கள் மற்றும் 100மிமீ முன் ஃபோர்க் (Front Fork) ஆகியவை சாலைகளில் உள்ள பள்ளம் மேடுகளை எளிதாகக் கையாளுகின்றன. ஆட்டோ கட்-ஆஃப் வசதியுடன் கூடிய மெக்கானிக்கல் டிஸ்க் பிரேக்குகள் நிலையான மற்றும் நம்பிக்கையான நிறுத்தத்தை வழங்குவதாக இமோட்டார்ட் தெரிவித்துள்ளது.

டி-ரெக்ஸ் ஸ்மார்ட் சைக்கிளுக்கு அதன் பின் சக்கரத்தில் பொருத்தப்பட்ட இமோட்டார்ட் நிறுவனத்தின் 36 வோல்ட் 250 வாட்ஸ் மோட்டார் மூலம் ஆற்றல் அளிக்கப்படுகிறது. இது 36 வோல்ட் 10.2 ஆம்பியர் லித்தியம்-இரும்பு பேட்டரி மூலம் இயங்குகிறது. பயணம் செய்பவர்கள் பெடல் உதவியுடன் அதிகபட்சமாக 50 கி.மீ வரையிலும், த்ரோட்டலை மட்டும் பயன்படுத்தி சுமார் 40 கி.மீ வரையிலும் மீண்டும் சார்ஜ் (recharging) செய்யாமல் பயணிக்கலாம்.

ஹேண்டில்பாருக்கு மத்தியில் ஒரு கிளஸ்டர் சி5 டிஜிட்டல் டிஸ்பிளே, ஷிமானோ டிஒய்300 7-ஸ்பீடு டிரைவ்-டிரெய்ன் மற்றும் ஐந்து பெடல்-அசிஸ்ட் நிலைகள் பயணத்தை மென்மையாகவும், மிகவும் விரைவாகவும் வைத்திருக்க உதவுகின்றன. அன்றாட பயன்பாட்டிற்காக, இந்த இ-சைக்கிளில் முழு-மெட்டல் மட்கார்டுகள், ரியர்-வியூ கண்ணாடிகள், மொபைல் போன் ஹோல்டர், ஒரு பயனுள்ள கேரியர், ஒருங்கிணைந்த ஹார்ன் கொண்ட சக்திவாய்ந்த முன் விளக்கு, பொருட்களை வைத்து எடுத்து செல்ல சைக்கிளின் பின்பக்கத்தில் ஒரு பெட்டி மற்றும் பாதுகாப்பான எக்ஸ்கேப் லாக்சேஃப் (Xcape Locksafe) சிஸ்டம் உள்ளிட்ட பல அத்தியாவசிய அம்சங்கள் சேர்க்கப்பட்டுள்ளன.

டிரைவ்ஸ்பார்க் கருத்து: டி-ரெக்ஸ் ஸ்மார்ட் என்பது வெறும் ஒரு சாதாரண எலெக்ட்ரிக் சைக்கிள் மட்டுமல்ல; இது ஓட்டுபவரை முழுமையாகப் புரிந்துகொண்டு செயல்படும் ஒரு திறமையான மற்றும் இணைக்கப்பட்ட தோழனைப் போல செயல்படுகிறது. இந்த முதன்மை வெளியீட்டின் மூலம், இமோட்டார்ட் நிறுவனம் தொழில்நுட்பத்தை தனிப்பட்டதாகவும், புத்திசாலித்தனமாகவும், சமரசமற்ற பாதுகாப்பாகவும் தொடர்ந்து மாற்றியமைக்கிறது என்பதைக் காட்டுகிறது. குறிப்பாக, பெற்றோர்களுக்கு தங்களது குழந்தைகளின் கூடுதல் பாதுகாப்பை உறுதி செய்வதில் டி-ரெக்ஸ் ஸ்மார்ட் ஒரு முக்கியமான படியை எடுத்துள்ளது.