பொங்கல் பானை பொங்கியதும் நேரா இந்த பைக்கை வாங்க வந்துடுங்க! ஒரே மாசத்துல இவ்வளவு பைக் வருதா?

2025 ஜனவரி மாதம் இந்திய இருசக்கர வாகனத் துறையில் ஒரு குறிப்பிடத்தக்க காலமாக இருக்கப் போகிறது, ஏறக்குறைய ஒரு டஜன் புதிய பைக்குகள் மற்றும் ஸ்கூட்டர்கள் மார்கெட்டில் அறிமுகமாகும் .ராயல் என்ஃபீல்டு, ஹீரோ மோட்டோகார்ப், கேடிஎம் மற்றும் ஹோண்டா போன்ற முன்னணி உற்பத்தியாளர்களிடமிருந்து இந்த புதிய வெளியீடுகள் அதிக அளவிலான வாடிக்கையாளர்கள் விருப்பங்களையும் தேவைகளையும் பூர்த்தி செய்யும்.

இந்த வரிசையில் குறிப்பிடத்தக்க நுழைவு ஹோண்டாவின் ஆக்டிவா இ என்பது தான், இந்த பிராண்ட் எலெக்ட்ரிக் ஸ்கூட்டர் துறையில் முதல் முறையாக நுழைவதைக் குறிக்கிறது, இதன் மூலம் டெபிளிலிட்டி டிரைவிங் தொடர்பான அந்நிறுவனத்தின் விருப்பத்தை இந்த பைக் வெளிப்படுத்துகிறது. இது குறித்த விரிவான விபரங்களை காணலாம் வாருங்கள்.

ஹீரோ மோட்டோகார்ப் 210cc லிக்யூட் கூல்டு இன்ஜின் உடன் கூடிய அட்வெஞ்சர் பைக்காக எக்ஸ் பல்ஸ் 210 ஐ வெளியிட தயாராக உள்ளது. இந்த பைக் 21 இன்ச் முன் மற்றும் 18 இன்ச் பின்பக்க வீல்களுடன் வடிவமைக்கப்பட்டுள்ளது, ரேலி கிட்கள் ஆப்ஷனாக கிடைக்கின்றன. இது ரூ1.70-1.90 லட்சம் என்ற (எக்ஸ்-ஷோரூம்) விலையில் கிடைக்கும் என்று எதிர்பார்க்கப்படுகிறது. ஆட்வெஞ்சர் பைக் ஆர்வலர்களுக்கு புதிய ஆப்ஷனாக இது இருக்கும்.

ராயல் என்ஃபீல்டு கிளாசிக் 350 ஐ தூண்டுதலாகக் கொண்டு கிளாசிக் 650 ட்வின், அதிகம் எதிர்பார்க்கப்படும் மற்றொரு பைக் ஆகும். 649cc இணையான இரட்டை இன்ஜினில் இயங்கும் இது. ஷாட்‌கன் 650 உடன் அதன் சேஸியைப் பகிர்ந்து கொள்கிறது. ரூ3.50 லட்சம் ரூபாய் (எக்ஸ்-ஷோரூம்) என்ற ஆரம்ப விலையில் மார்கெட்டில் வெளியிடப்படும் என்று எதிர்பார்க்கப்படுகிறது. இந்த வெளியீடு கிளாசிக் அழகியலை நவீன செயல்திறனுடன் இணைக்கும் ராயல் என்ஃபீல்டு முயற்சியை காட்டுகிறது.

யமஹா, பாரத் மொபிலிட்டி குளோபல் எக்ஸ்போவில் ஹைப்ரிட் தொழில்நுட்பத்தை ஒருங்கிணைத்த 150cc மோட்டார் சைக்கிளான எஃப்.இசட்-எக்ஸ் ஹைப்ரிட்டை அறிமுகப்படுத்த உள்ளது. இந்த மாடல் அதன் சக்தியை மேம்படுத்த ஒருங்கிணைந்த ஸ்டார்டர் ஜெனரேட்டர் (ஐ.எஸ்.ஜி) ஐ கொண்டிருக்கும், அதோடு புதிய கலர் ஆப்ஷன்கள்மற்றும் நவீன டி.எஃப்.டி. இன்ஸ்ட்ரூமென்ட் கிளஸ்டரை வழங்கும். இந்த பைக் தொழில்நுட்பத்தில் யமஹாவின் புதுமைகளை வெளிப்படுத்தும்.

ராயல் என்ஃபீல்ட்டுஅதன் ஸ்கிராம் 440 ஐ வெளியிட தயாராக உள்ளது, இது 2024ல் மோட்டோவர்ஸில் முதன்முறையாக காட்சிப்படுத்தப்பட்டது. அதன் மேம்படுத்தப்பட்ட 443cc இன்ஜின் உடன் இந்த பைக், அதிக பவர் மற்றும் திறனை வழங்குகிறது. மேலும் புதிய 6-ஸ்பீடு கியர் பாக்ஸ் உடன் வருகிறது. இது புதிய வாடிக்கையாளர்களுக்கும் ஸ்கிராம் 411 ன் ஏற்கனவே இருக்கும் ரசிகர்களுக்கும் விருப்பத்தை பூர்த்தி செய்வதற்காக வடிவமைக்கப்பட்டுள்ளது.

ஹோண்டாவிலிருந்து மற்றொரு வாகனம், QC1, ஆக்டிவா ஸ்கூட்டரிலிருந்து வேறுபட்டது, இது ஒரு அகற்ற முடியாத 1.5 kWh பேட்டரி பேக்கைக் கொண்டுள்ளது. இது முழு சார்ஜில் 80 கி.மீ ரேஞ்சை வழங்கும் திறன் கொண்டது மற்றும் இந்தியா முழுவதும் பரவலாக வெளியிடப்படும் என்று எதிர்பார்க்கப்படுகிறது. ஹோண்டாவின் எலெக்ட்ரிக் வாகன வரிசையை மேலும் வலுப்படுத்துகிறது.

கூடுதலாக, ஹீரோ மோட்டோகார்ப்பின் எக்ஸ்ட்ரீம் 250ஆர், அந்நிறுவனத்தின் 250cc பிரிவில் முதல் வாகனம் ஆகும், எக்ஸ்டன்ட் 2.5ஆர் கான்செடப்பின் அடிப்படையில் உள்ளது. இந்த மாடல், கரிஸ்மாவின் 210cc பைக்கிலிருந்து பெறப்பட்ட புதிய 250cc இன்ஜினை அறிமுகப்படுத்துகிறது. 30 bhp பவர் மற்றும் 25 Nm டார்க் திறனை உறுதியளிக்கிறது, ஹீரோ மோட்டோகார்ப்பின் அதிக செயல்திறன் பிரிவுகளுக்கு விரிவாக்கத்தை வெளிப்படுத்துகிறது.

2024 இல் இந்திய பைக் வீக்கில் வெளியிடப்பட்ட 2025 கேடிஎம் 390 எண்ட்ரோ ஆர், ஜனவரி மாத இறுதியில் வெளியிடப்படும் என எதிர்பார்க்கப்படுகிறது. ரூ 3 லட்சம் ரூபாய் (எக்ஸ்-ஷோரூம்) க்கு மேல் விலை நிர்ணயிக்கப்பட்ட இது, 399cc LC4 இன்ஜின், மாற்றக்கூடிய ஏபிஎஸ், 4.1 அங்குல டி.எஃப்.டி. கன்சோல் மற்றும் டர்ன்-பை-டர்ன் நேவிகேஷனை வழங்குகிறது, அட்வெஞ்சர் ரைடர்களுக்கு ஒரு உயர் தொழிற்நுட்ப ஆப்ஷனை வழங்குகிறது.

ஹீரோ மோட்டோகார்ப்பின் கரிஸ்மா எக்ஸ்எம்ஆர் 250, கரிஸ்மாவின் மேம்படுத்தப்பட்ட எடிசன் ஆகும், உயரம் சரிசெய்யக்கூடிய கிளிப்-ஆன் ஹேண்டில்பார்கள் மற்றும் ஒரு டி.எஃப்.டி. இன்ஸ்ட்ரூமென்ட் கிளஸ்டரை கொண்டிருக்கும். எக்ஸ்ட்ரீம் 250ஆர் இன் இன்ஜினை பயன்படுத்தி, இது ஒரு ஸ்லிப்பர் மற்றும் அசிஸ்ட் கிளட்ச் உடன் வரும், கரிஸ்மா பிராண்டை நவீன அப்டேட்களுடன் மீண்டும் உயிர்ப்பிக்கிறது.

டிரைவ்ஸ்பார்க் கருத்து: 2025 ஜனவரியில் வெளியிடப்பட உள்ள புதிய தயாரிப்புகள், தொழில்நுட்ப முன்னேற்றங்கள் மற்றும் பல்வேறு வகையான சலுகைகளுடன், இந்திய இருசக்கர வாகன சந்தை எலெக்ட்ரிக் வாகனத்தை ஏற்றுக்கொள்வதற்கான மாற்றத்தை எடுத்துரைக்கின்றன. இந்த வெளியீடுகள், அட்வெஞ்சர், செயல்திறன் மற்றும் ஸ்டெபிலிட்டி ஆகியவற்றின் கலவையை வழங்கி, ரைடர்களின் பரிணமித்த விருப்பங்களைப் பூர்த்தி செய்வதற்கான தொழிலின் தயார்நிலையை வலியுறுத்துகின்றன.