டிவிஎஸ் கம்பெனிக்கு ரொம்ப தாராள மனசு... புதிய விலை சுமார் ரூ.27 ஆயிரம் வரை கம்மி!!

Updated: Tuesday, September 23, 2025, 11:25 [IST]

டிவிஎஸ் மோட்டார் (TVS Motor) நிறுவனம் தனது முதன்மை அப்பச்சி (Apache) ரக பைக்குகளான ஆர்ஆர் 310 (RR 310) மற்றும் ஆர்.டி.ஆர் 310 (RTR 310) ஆகிய மாடல்களின் விலைகளை குறைத்துள்ளது. இதன் மூலமாக, விலையுயர்ந்த இந்த டிவிஎஸ் அப்பாச்சி பைக்குகளை இன்னும் குறைவான விலையில் வாங்கும் வாய்ப்பு உருவாகி உள்ளது.

மத்திய அரசாங்கம் அண்மையில் சரக்கு மற்றும் சேவை வரி (GST) கட்டமைப்பில் மேற்கொள்ளப்பட்ட மாற்றங்களைத் தொடர்ந்து இந்த விலை குறைப்பு அறிவிக்கப்பட்டுள்ளது. செப்டம்பர் 22 அன்று அமலுக்கு வந்த புதிய இரு அடுக்கு ஜிஎஸ்டி திருத்தம், சில பிரிவுகளுக்கான மறைமுக வரி விகிதங்களைக் குறைத்துள்ளது.

இதன் பலனை வாகன உற்பத்தியாளர்கள் வாடிக்கையாளர்களுக்கு வழங்க வழிவகை செய்யப்பட்டுள்ளது. புதிய ஜிஎஸ்டி அமைப்புக்கு இணங்க, ஓசூரில் தொழிற்சாலை அமைத்து செயல்படும் டிவிஎஸ் நிறுவனம், தனது அப்பச்சி வரிசையிலான பைக்குகளின் விலைப் பட்டியலை வெளியிட்டுள்ளது. இந்த விலை மாற்றங்கள் உத்தரகாண்ட் மாநிலத்தை தவிர்த்து மற்ற அனைத்து மாநிலங்களுக்கும் பொருந்தும்.

உத்தராகண்ட் மாநிலத்திற்கான தனிப்பட்ட விலைப் பட்டியலும், ஒவ்வொரு அப்பாச்சி பைக்கிலும் குறைக்கப்பட்டுள்ள ஜிஎஸ்டி தொகையும் தனியாக வெளியிடப்பட்டுள்ளது. இதன்படி, அப்பச்சி ஆர்ஆர் 310 பைக்கின் எக்ஸ்-ஷோரூம் விலை (Ex-Showroom Price), கியர் குயிக் ஷிஃப்டர் (Quick Shifter) இல்லாத ரேசிங் ரெட் நிறத்திலான வேரியண்டிற்கு ரூ.2.56 லட்சம் முதல் துவங்குகிறது.

DESCRIPTION	COLOR	GST revised price		GST SAVINGS UPTO
DESCRIPTION	COLOR	ALL OTHER STATES	UTTARAKHAND	GST SAVINGS UPTO
RR 310 NON-BTO	RACING RED	256240	257640	21759
	RACING RED	271940	273290	23059
	BOMBER GREY	276540	277940	23459
RR 310 BTO	RACING RED	288540	289890	24,459
	BOMBER GREY	293140	294490	24,859
	RACE REPLICA	302340	303740	25,659
	RACING RED	286690	288040	24,309
	BOMBER GREY	291290	292690	24,709
	RACE REPLICA	300490	301890	25,509
	RACING RED	303290	304640	25,709
	BOMBER GREY	307890	309240	26,109
	RACE REPLICA	317090	318490	26,909
RR 310 ANNIVERSARY EDITION	ANNIVERSARY EDITION DYNAMIC + DYNAMIC PRO KIT)
RR 310 ANNIVERSARY EDITION	GLOSSY BLACK & GOLD	310640	312040	26,360

ஆர்ஆர் 310 பைக்கில், தேர்வு செய்யப்படும் கிட் மற்றும் வண்ணத்தைப் பொறுத்து சுமார் ரூ.21,700 முதல் ரூ.27,000 வரை சேமிப்பு கிடைக்கிறது. ரேஸ் ரெப்ளிகா டைனமிக் பேக்கேஜ்கள் மற்றும் பளபளப்பான கருப்பு மற்றும் தங்க நிறத்திலான ஆண்டுவிழா பதிப்பு போன்ற பிரீமியம் ஆப்ஷன்களில் ஆர்ஆர்310 பைக்கின் புதிய விலைகள் ரூ.3 லட்சத்திற்கும் அதிகமாக நிர்ணயிக்கப்பட்டுள்ளன.

இருப்பினும், இவற்றிற்கு அதிகபட்ச வரி குறைப்பு கிடைத்துள்ளது. இதேபோல், அப்பச்சி ஆர்.டி.ஆர் 310 பைக்கிலும் விலை குறைப்பு செய்யப்பட்டுள்ளது. கியர் குயிக் ஷிஃப்டர் இல்லாத அடிப்படை ஆர்சனல் பிளாக் (Arsenal Black) பதிப்பு இப்போது ரூ.2.21 லட்சத்திற்கு கிடைக்கிறது. இது முன்பை விட சுமார் ரூ.19,000 வரை குறைவாகும்.

Model Name	Variant Name	ColorName	GST revised price		GST SAVINGS UPTO
Model Name	Variant Name	ColorName	ALL OTHER STATES	UTTARAKHAND	GST SAVINGS UPTO
RTR 310 NON-BTO	BASE W/O QS	ARSENAL BLACK	221240	222590	18750
	BASE WITH QS	ARSENAL BLACK	236890	238290	20110
	BASE WITH QS	FURY YELLOW	236890	238290	20110
	BASE WITH QS	FIERY RED	241490	242890	20510
RTR 310 BTO	DYNAMIC KIT	ARSENAL BLACK	253490	254890	21510
		FURY YELLOW	253490	254890	21510
		FIERY RED	258090	259490	21910
		SEPANG BLUE	267290	268690	22710
	DYNAMIC PRO KIT	ARSENAL BLACK	262690	264090	22310
		FURY YELLOW	262690	264090	22310
		FIERY RED	267290	268690	22710
		SEPANG BLUE	276540	277890	23460
	DYNAMIC + DYNAMIC PRO KIT	ARSENAL BLACK	279290	280690	23710
		FURY YELLOW	279290	280690	23710
		FIERY RED	283890	285290	24110
		SEPANG BLUE	293140	294490	24860
RTR 310 ANNIVERSARY EDITION	APACHE RTR 310-O2B-M25-DYN+DYPR-GBLK GLD		286690	288040	24310
RTR 310 ANNIVERSARY EDITION	GLOSSY BLACK & GOLD		286690	288040	24310

கியர் குயிக் ஷிஃப்டர், டைனமிக் மற்றும் ப்ரோ கிட்கள் கொண்ட வேரியண்ட்களுக்கு ரூ.20,000 முதல் ரூ.24,800 வரை விலை குறைப்பு செய்யப்பட்டுள்ளது. பளபளப்பான கருப்பு மற்றும் தங்க நிறத்தில் கிடைக்கும் ஆர்.டி.ஆர் 310 பைக்கின் ஆண்டுவிழா பதிப்பு ஆனது திருத்தப்பட்ட வரி விகிதங்களுக்குப் பிறகு ரூ.2.86 லட்சத்திற்கு விற்பனை செய்யப்படுகிறது.

அப்பாச்சி ஆர்ஆர்310 மற்றும் ஆர்டிஆர்310 என இரு பைக்குகளிலும் ஒரே மாதிரியான 312சிசி, 4-வால்வு, சிங்கிள்-சிலிண்டர், லிக்யுடு-கூல்டு, தலைக்கீழான-சரிவான என்ஜின் பொருத்தப் படுகிறது. ஆனால், இந்த என்ஜின் இந்த இரு 310சிசி டிவிஎஸ் அப்பச்சி பைக்குகளுக்கு வழங்கும் ஆற்றல் அளவுகள் வேறுப்படுகின்றன.

அதாவது, ஆர்ஆர்310 பைக்கில் 9,800 ஆர்பிஎம்-இல் 37.48 பிஎச்பி மற்றும் 7,900 ஆர்பிஎம்-இல் 29 என்.எம் டார்க் திறன் வரையிலான இயக்க ஆற்றலை வெளிப்படுத்தக்கூடிய இதே என்ஜின் ஆர்டிஆர்310 பைக்கில் 9,700 ஆர்பிஎம்-இல் 35.08 பிஎச்பி மற்றும் 6,650 ஆர்பிஎம்-இல் 28.7 என்.எம் டார்க் திறன் வரையிலான இயக்க ஆற்றலை வெளிப்படுத்தக்கூடியதாக உள்ளது.

டிரைவ்ஸ்பார்க் கருத்து: இந்த விலை குறைப்பு நடவடிக்கையானது வரவிருக்கும் பண்டிகைக் காலத்தில் டிவிஎஸ் அப்பாச்சி பைக்குகளின் விற்பனையை அதிகரிக்கும் என எதிர்பார்க்கப்படுகிறது. குறிப்பாக பிரீமியம் பைக் பிரிவில் மதிப்புமிக்க விருப்பங்களைத் தேடும் இளம் வாடிக்கையாளர்கள் மற்றும் ஆர்வலர்களை இது கவரும் என்று கூறப்படுகிறது.