புதிய பல்சர் 390 பைக்கின் படங்கள் வெளியாகின

அம்சங்கள்

கேடிஎம் டியூக் பைக்கில் பொருத்தப்பட்டிருக்கும் அதே அலாய் வீல்கள் மற்றும் மெட்ஸெல்லர் ரேடியல் டயர்களுடன் புதிய பல்சர் 390 அறிமுகமாக உள்ளதாக செய்திகள் கூறுகின்றன. ஸ்பிளிட் இருக்கைகளும் ஸ்போர்ட்ஸ் பைக்குக்கான தோற்றத்தை கொடுக்கிறது.

எஞ்சின்

புதிய பல்சரில் பொருத்தப்பட இருக்கும் 375சிசி திறன் கொண்ட எஞ்சின் 45 எச்பி சக்தியை வெளிப்படுத்தும் திறன் கொண்டதாக இருக்கும். கேடிஎம் டியூக் 390 பைக்கை விட அதிக எடை கொண்டதாக இருக்கும்.

விலை குறைவு?

கேடிஎம் டியூக் 390 பைக்கைவிட இந்த புதிய பல்சர் 390 பைக் ரூ.25,000 வரை விலை குறைவானதாக இருக்கும் என பஜாஜ் வட்டாரத் தகவல்கள் தெரிவிக்கின்றன. இங்கே வெளியிடப்பட்டிருக்கும் படங்களுக்கும், உற்பத்தி நிலை பல்சர் 390க்கும் சில வித்தியாசங்கள் இருக்கும் என்றும் கூறப்படுகிறது.