இந்தியாவில் விற்பனைக்கு வந்தது புதிய டிரையம்ஃப் தண்டர்பேர்டு எல்டி!

டிசைன்

புதிய டிரையம்ஃப் தண்டர்பேர்டு எல்டி மோட்டார்சைக்கிளில் முதன்மையான ஹெட்லைட்டுக்கு அருகில் இரண்டு துணை லைட்டுகளும் கொடுக்கப்பட்டுள்ள. எக்கச்சக்கமான குரோம் அலங்காரத்தில் ஜொலிக்கிறது. பின்னால் அமர்பவருக்கு ஏதுவாக பேக் ரெஸ்ட் கொடுக்கப்பட்டுள்ளது. லெதர் பைகளும் நிரந்தர அம்சமாக இடம்பெற்றிருக்கிறது. டயர்களில் வெள்ளை நிற பூச்சும் பாரம்பரிய க்ரூஸர் மோட்டார்சைக்கிள் தோற்றத்துடன் காட்சியளிக்கிறது.

எல்சிடி டிஸ்ப்ளே

எல்சிடி மல்டி இன்ஃபர்மேஷன் திரையுடன் கூடிய அனலாக் ஸ்டைலிலான இன்ஸ்ட்ரூமென்ட் கிளஸ்ட்டர் உள்ளது.

பெட்ரோல் டேங்க்

நீண்ட தூர பயணங்களுக்கு ஏற்றவாறு இந்த புதிய மோட்டார்சைக்கிளில் 22 லிட்டர் கொள்ளளவு கொண்ட பெட்ரோல் டேங்க் உள்ளது.

எஞ்சின்

இந்த புதிய மோட்டார்சைக்கிளில் 93 பிஎச்பி பவரையும், 146 என்எம் டார்க்கையும் அளிக்கும் 1699சிசி எஞ்சின் பொருத்தப்பட்டுள்ளது. 6 ஸ்பீடு டிரான்ஸ்மிஷன் கொண்டது.

ஏபிஎஸ் பிரேக்

இந்த புதிய பிரிமியம் க்ரூஸர் பைக்கில் ஏபிஎஸ் பிரேக்கிங் சிஸ்டம் நிரந்தர அம்சமாக வழங்கப்படுகிறது.

விலை

ரூ.15.75 லட்சம் டெல்லி எக்ஸ்ஷோரூம் விலையில் இந்த புதிய மோட்டார்சைக்கிள் விற்பனைக்கு கொண்டு வரப்பட்டுள்ளது. இந்தியாவில் இறக்குமதி செய்து விற்பனை செய்யப்படும்.