ரூ.2 லட்சத்தில் விற்பனைக்கு வந்தது ராயல் என்ஃபீல்டு ஜிடி!!

எஞ்சின்

ராயல் என்ஃபீல்டு மோட்டார்சைக்கிள்களிலேயே அதிக சக்திவாய்ந்த எஞ்சின் பொருத்தப்பட்ட மோட்டார்சைக்கிள் இதுதான். 5,100 ஆர்பிஎம்.மில் 29.1 பிஎச்பி ஆற்றலை வெளிப்படுத்தும் 535 சிசி எஞ்சின் பொருத்தப்பட்டிருக்கிறது. 44 என்எம் டார்க்கையும் அளிக்கும்.

கியர் பாக்ஸ்

இந்த மோட்டார்சைக்கிளில் 5 ஸ்பீடு கியர் பாக்ஸ்பொருத்தப்பட்டுள்ளது.

ஃப்ரேம் சிறப்பு

இங்கிலாந்தை சேர்ந்த ஹாரிஸ் எஞ்சினியரிங் நிறுவனம் இந்த மோட்டார்சைக்கிளுக்கான ஃப்ரேமை தயாரித்து கொடுத்துள்ளது. இந்த ஃப்ரேம் மிகச்சிறப்பான கையாளுமையை மோட்டார்சைக்கிளுக்கு கொடுக்கும்.

சஸ்பென்ஷன்

இதற்கான பின்புற சஸ்பென்ஷனை இத்தாலியை சேர்ந்த பயோலி நிறுவனம் தயாரித்து கொடுத்துள்ளது. இதில், எடைக்கு தக்கவாறு அட்ஜெஸ்ட் செய்யும் வசதி கொண்டது.

டயர்

இந்த மோட்டார்சைக்கிளில் பைரெல்லி டயர்கள் பொருத்தப்பட்டுள்ளன.

பிரேம்போ பிரேக்

இந்த மோட்டார்சைக்கிளில் பிரெம்போ பிரேக் அமைப்பு பயன்படுத்தப்பட்டுள்ளது. முன்புறத்தில் 2 பிஸ்டன் காலிபர் கொண்ட 300மிமீ டிஸ்க் பிரேக்கும், பின்புறத்தில் சிங்கிள் பிஸ்டன் காலிபர் கொண்ட 240மிமீ டிஸ்க் பிரேக்கும் பயன்படுத்தப்பட்டுள்ளது.

வடிவம்

வீல்பேஸ்: 1360மிமீ

கிரவுண்ட் கிளியரன்ஸ்: 140மிமீ

நீளம்: 2060 மிமீ

அகலம்: 760மிமீ

உயரம்: 1070மிமீ

இருக்கை உயரம்: 800மிமீ

இலகு எடை

இந்த மோட்டார்சைக்கிள் இதன் ரகத்தில் இலகு எடை கொண்டதாக குறிப்பிடப்படுகிறது. 13.5 லிட்டர் பெட்ரோல் மற்றும் ஆயிலையும் சேர்த்து 184 கிலோ எடை கொண்டதாக இருக்கும்.

விலை

டெல்லியில் ரூ.2.05 லட்சம் எக்ஸ்ஷோரூம் விலையிலும், மும்பையில் ரூ.2.14 லட்சம் எக்ஸ்ஷோரூம் விலையிலும் விற்பனைக்கு கிடைக்கும்.

உற்பத்தி

சென்னை ஒரகடத்தில் அமைந்துள்ள புதிய ராயல் என்ஃபீல்டு தொழிற்சாலையில் இந்த மோட்டார்சைக்கிள் உற்பத்தி செய்யப்படுகிறது.

டெஸ்ட் டிரைவ் ரிப்போர்ட்

ராயல் என்ஃபீல்டு கான்டினென்டல் ஜிடி மோட்டார்சைக்கிளின் டெஸ்ட் டிரைவ் மற்றும் கூடுதல் விபரங்களை விரைவில் வழங்குகிறோம்.