சிறந்த 125சிசி ஸ்கூட்டர் மாடல்கள்

ஆட்டோமேட்டிக் ஸ்கூட்டர் மார்க்கெட்டில் அதிக மதிப்பை வழங்கும் தேர்வாக ஹோண்டா ஆக்டிவா 125 ஸ்கூட்டர் இருந்து வருகிறது. எல்லோரையும் கவரும் டிசைன், சிறந்த எஞ்சினுடன் இந்த ஸ்கூட்டர் கிடைக்கிறது. இந்த ஸ்கூட்டரில் 124.9சிசி எஞ்சின் பொருத்தப்ப்டு இருக்கிறது. இந்த எஞ்சின் அதிகபட்சமாக 8.52 பிஎச்பி பவரையும், 10.54 என்எம் டார்க் திறனையும் வழங்கும். இந்த ஸ்கூட்டர் லிட்டரு்ககு 60 கிமீ மைலேஜை வழங்கும் என்று தெரிவிக்கப்படுகிறது.

இளம் தலைமுறையினரை கவரும் வகையில் மிகவும் சிறப்பான டிசைன், தொழில்நுட்ப அம்சங்களுடன் டிவிஎஸ் என்டார்க 125 நல்ல வரவேற்பை பெற்றிருக்கிறது. 125சிசி ஸ்கூட்டர் மார்க்கெட்டில் பல நவீன தொழில்நுட்ப அம்சங்களுடன் வந்த முதல் மாடலாகவும் இருக்கிறது. இந்த ஸ்கூட்டரில் இருக்கும் 124.79சிசி எஞ்சின் அதிகபட்சமாக 9.2 பிஎச்பி பவரையும், 10.5 என்எம் டார்க் திறனையும் வழங்கும். மிகச் சிறப்பான செயல்திறனை வெளிப்படுத்துவதுடன், எல்இடி ஹெட்லைட், புளூடூத் இணைப்பு வசதி, ஜபிஎஸ் நேவிகேஷன் உள்ளிட்டவை இதன் முக்கிய அம்சமாக உள்ளது. இந்த ஸ்கூட்டரில் முன்புறத்தில் டிஸ்க் பிரேக் கொடுக்கப்பட்டு இருக்கிறது.

இளம் தலைமுறையினரை கவரும் மிகவும் துள்ளலான டிசைன் அம்சங்களுடன் கூடிய ஸ்கூட்டர் மாடலாக ஏப்ரிலியா எஸ்ஆர்125 ஸ்கூட்டர் இருந்து வருகிறது. இந்த ஸ்கூட்டரில் வழங்கப்படும் 125சிசி எஞ்சின் அதிகபட்சமாக 9.5 பிஎச்பி பவரையும், 10.6 என்எம் டார்க் திறனையும் வழங்கும். இந்த ஸ்கூட்டரில் சிவிடி கியர்பாக்ஸ் இணைக்கப்பட்டு இருக்கிறது. மணிக்கு 115 கிமீ வேகம் வரை செல்லும் திறன் வாய்ந்தது.

யமஹா ஃபஸினோ 125 ஸ்கூட்டர் வாடிக்கையாளர்களின் எதிர்பார்ப்புக்கு தக்கவாறு டிசைன், தொழில்நுட்பங்களில் அவ்வப்போது மாற்றம் கண்டு வருகிறது. தற்போது இந்த ஸ்கூட்டர் ஹைப்ரிட் தொழில்நுட்பத்துடன் கிடைக்கிறது. இந்த ஸ்கூட்டரில் வழங்கப்படும் 125சிசி எஞ்சின் அதிகபட்சமாக 8.1 பிஎச்பி பவரையும், 10.3 என்எம் டார்க் திறனையும் வழங்கும். மேலும், ஸ்மார்ட் மோட்டார் ஜெனரேட்டர் வசதியுடன் உடனடி செயல்திறனை பெறும் வகையில் அதிநவீன தொழில்நுட்ப அம்சத்துடன் கிடைக்கிறது.