ஹூண்டாய் எக்ஸ்சென்ட்

ஹூண்டாய் எக்ஸ்சென்ட்
Style: செடான்
5.81 - 8.75 லட்சம்
ஜிஎஸ்டி எக்ஸ்ஷோரூம் விலை

ஹூண்டாய் எக்ஸ்சென்ட் கார் 9 வேரியண்ட்டுகளில் 6 விதமான வண்ணத் தேர்வுகளில் கிடைக்கிறது. ஹூண்டாய் எக்ஸ்சென்ட் காரின் விலை, தொழில்நுட்ப அம்சங்கள் மற்றும் மைலேஜ் விபரங்களை இங்கே பார்க்கலாம். ஹூண்டாய் எக்ஸ்சென்ட் காரின் ஆன்ரோடு விலை மற்றும் மாதத் தவணை விபரங்களையும் இங்கே பெற முடியும். ஹூண்டாய் எக்ஸ்சென்ட் காரை செடான் ரக கார்களுடன் விரிவாக ஒப்பிட்டு பார்க்கும் வசதியும் உள்ளது. ஹூண்டாய் எக்ஸ்சென்ட் கார் குறித்து அனைத்து விபரங்களையும் டிரைவ்ஸ்பார்க் தமிழ் தளத்தில் துல்லியமாக தெரிந்துகொள்ளலாம்.

ஹூண்டாய் எக்ஸ்சென்ட் பெட்ரோல் மாடல்கள்

வேரியண்ட்டுகள் எக்ஸ்ஷோரூம் விலை
செடான் | Manual Gearbox
5,81,078
செடான் | Manual Gearbox
6,43,769
செடான் | Manual Gearbox
7,05,546
செடான் | Automatic Gearbox
7,31,734
செடான் | Manual Gearbox
7,82,346

ஹூண்டாய் எக்ஸ்சென்ட் டீசல் மாடல்கள்

வேரியண்ட்டுகள் எக்ஸ்ஷோரூம் விலை
செடான் | Manual Gearbox
6,73,261
செடான் | Manual Gearbox
7,42,033
செடான் | Manual Gearbox
7,98,558
செடான் | Manual Gearbox
8,75,358

ஹூண்டாய் எக்ஸ்சென்ட் மைலேஜ்

கியர்பாக்ஸ் எரிபொருள் வகை மைலேஜ்
Manual பெட்ரோல் 19.1 kmpl
Manual டீசல் 24.4 kmpl
Automatic பெட்ரோல் 16.1 kmpl

ஹூண்டாய் எக்ஸ்சென்ட் விமர்சனம்

ஹூண்டாய் எக்ஸ்சென்ட் Exterior And Interior Design

ஹூண்டாய் எக்ஸ்சென்ட் வெளிப்புற மற்றும் உட்புற டிசைன்

காம்பேக்ட் ரக செடான் மார்க்கெட்டில் ஹூண்டாய் எக்ஸ்சென்ட் கார் சிறந்த தேர்வாக விளங்குகிறது. க்ராண்ட் ஐ10 காரின் செடான் மாடலாக உருவாக்கப்பட்ட இந்த கார் இடவசதியில் வாடிக்கையாளர்களுக்கு நிறைவை தருகிறது. எளிமையான டிசைன் அமைப்புகள், நவீன தொழில்நுட்ப அம்சங்கள் இந்த காருக்கு வலுசேர்க்கின்றன. ஆடி கார்களை போன்ற டிசைன் சாயலில் இருக்கும் முகப்பு க்ரில் அமைப்பு, தனித்துவமான எல் வடிவிலான எல்இடி பகல்நேர விளக்குகள் ஆகியவை காரின் முகப்பை வசீகரிக்க செய்கின்றது.

பொதுவாக காம்பேக்ட் செடான் கார்களில் பூட் ரூம் தனியாக சேர்க்கப்பட்டது போன்ற தோற்றத்தை கொண்டிருக்கும். ஆனால், இந்த காரில் அப்படியில்லாமல் மிக நேர்த்தியாக பூட் ரூம் சேர்க்கப்பட்டு இருப்பது சிறப்பு. இந்த காரில் 15 அங்குல அலாய் வீல்கள் வழங்கப்படுகின்றன. பின்புறத்தில் டெயில் லைட் க்ளஸ்ட்டர்கள் மிக அழகாக காட்சி தருகின்றன. டியூவல் டோன் பம்பர் அமைப்பு பின்புற கவர்ச்சியை அதிகரிக்கிறது.

உட்புறத்திலும் மிக எளிமையாகவும், நேர்த்தியாகவும் காட்சி தருகிறது. இந்த காரில் கருப்பு- பீஜ் வண்ண இன்டீரியர் கொடுக்கப்பட்டு இருக்கிறது. கியர் லிவர், கன்ட்ரோல் பட்டன்கள் இயக்குவதற்கான எளிதான முறையில் அமைக்கப்பட்டு இருக்கின்றன. உட்புறம் மிக தரமானதாக தெரிவது இதன் முக்கிய அம்சமாக இருக்கிறது.

ஹூண்டாய் எக்ஸ்சென்ட் எஞ்சின் மற்றும் செயல்திறன்

ஹூண்டாய் எக்ஸ்சென்ட் Engine And Performance

ஹூண்டாய் எக்ஸ்சென்ட் கார் பெட்ரோல், டீசல் மாடல்களில் கிடைக்கிறது. பெட்ரோல் மாடலில் இருக்கும் 1.2 லிட்டர் எஞ்சின் அதிகபட்சமாக 83 பிஎச்பி பவரையும், 113 என்எம் டார்க் திறனையும் வழங்கும். டீசல் மாடலில் இறுக்கும் 1.2 லிட்டர் எஞ்சின் அதிகபட்சமாக 75 பிஎச்பி பவரையும், 190 என்எம் டார்க் திறனையும் வழங்கும். பெட்ரோல் மாடலானது 5 ஸ்பீடு மேனுவல் கியர்பாக்ஸ் மற்றும் 4 ஸ்பீடு ஆட்டோமேட்டிக் கியர்பாக்ஸ் தேர்வுகளில் கிடைக்கிறது. டீசல் மாடலானது மேனுவல் கியர்பாக்ஸ் தேர்வில் மட்டுமே கிடைக்கிறது.

இது க்ராண்ட் ஐ10 காரின் செடான் வெர்ஷனாக இருந்தாலும் ஓட்டுதல் அனுபவத்தில் மேம்பட்ட உணர்வை அளிக்கிறது. கியர்ஷிஃப்ட் அதிர்வுகள் குறைவாக எளிதாக இருக்கிறது. க்ளட்ச் இலகுவாக உள்ளது. இதனால், நகர்ப்புறத்தில் ஓட்டுவதற்கு சிறப்பானதாக உள்ளது.

புதிய ஹூண்டாய் எக்ஸ்சென்ட் காரின் எஞ்சின்கள் ஆரம்ப மற்றும் நடுத்தர நிலைகளில் சிறப்பான பவர் டெலிவிரியை வழங்குகின்றன. இதனால், நகர்ப்புறம், நெடுஞ்சாலை என இரண்டிலும் ஓட்டுவதற்கு உற்சாகமாக இருக்கிறது. உடனடி பிக்கப் கிடைப்பதால், நெடுஞ்சாலைகளில் ஓவர்டேக் செய்வதற்கும் ஏதுவாக இருக்கிறது. டீசல் எஞ்சின் 1,750 ஆர்பிஎம்.,மில் சிறந்த டார்க் திறனை வெளிப்படுத்துகிறது.

ஸ்டீயரிங் வீல் இலகுவாக இருப்பதுடன் நெடுஞ்சாலைகளில் வேகம் எடுக்கும்போது இறுக்கமாக இருப்பது நம்பிக்கையுடன் ஓட்ட அனுமதிக்கிறது. மிக மென்மையான ஓட்டுதல் அனுபவத்தை தருகிறது. அதேநேரத்தில், போதிய செயல்திறனை வழங்குவதும் சிறப்பானதாக கூறலாம்.

ஹூண்டாய் எக்ஸ்சென்ட் மைலேஜ்

ஹூண்டாய் எக்ஸ்சென்ட் Fuel Efficiency

ஹூண்டாய் எக்ஸ்சென்ட் காரில் 43 லிட்டர் கொள்திறன் கொண்ட எரிபொருள் கலன் கொடுக்கப்பட்டு இருக்கிறது. பெட்ரோல் மேனுவல் மாடல் லிட்டருக்கு 20.14 கிமீ மைலேஜையும், ஆட்டோமேட்டிக் மாடல் லிட்டருக்கு 17.34 கிமீ மைலேஜையும் வழங்குகிறது. டீசல் மாடல் லிட்டருக்கு 25.40 கிமீ மைலேஜை வழங்குவதாக நிறுவனம் தரப்பில் தெரிவிக்கப்படுகிறது.

ஹூண்டாய் எக்ஸ்சென்ட் முக்கிய அம்சங்கள்

ஹூண்டாய் எக்ஸ்சென்ட் Important Features

ஹூண்டாய் எக்ஸ்சென்ட் காரில் டைமண்ட் கட் அலாய் வீல்கள், டர்ன் இண்டிகேட்டர்களுடன் கூடிய சைடுமிரர்கள், பூட் லிட் ஸ்பாய்லர், லெதர் உறை கொண்ட ஸ்டீயரிங் வீல், 7 அங்குல தொடுதிரையுடன் இன்ஃபோடெயின்மென்ட் சிஸ்டம், புஷ் பட்டன் ஸ்டார்ட், ஆட்டோமேட்டிக் க்ளைமேட் கன்ட்ரோல், வயர்லெஸ் சார்ஜர் ஆகியவை கொடுக்கப்பட்டுள்ளன.

புதிய ஹூண்டாய் எக்ஸ்சென்ட் காரில் ஓட்டுனர், முன் இருக்கை பயணிக்கான டியூவல் ஏர்பேக்குகள், ரிவர்ஸ் பார்க்கிங் சென்சார்கள் மற்றும் கேமரா, இம்மொபைலைசர், கீ லெஸ் என்ட்ரி, ஏபிஎஸ் பிரேக்கிங் சிஸ்டம், சென்ட்ரல் லாக்கிங் சிஸ்டம் ஆகியவை இடம்பெற்றுள்ளன.

தீர்ப்பு

ஹூண்டாய் எக்ஸ்சென்ட் Verdict

ஹூண்டாய் எக்ஸ்சென்ட் கார் டிசைன், வசதிகள், செயல்திறன், மைலேஜ் என அனைத்து விதத்திலும் சிறந்த தேர்வாக கூறலாம். நகர்ப்புறத்தில் தினசரி பயன்பாட்டிற்கு உகந்த சிறந்த செடான் ரக மாடலாகவும் இருக்கிறது. ஓட்டுவதற்கு உற்சாகமான அனுபவத்தை தரும் காம்பேக்ட் செடான் காரை விரும்புவோருக்கு இது சிறந்த தேர்வாக அமையும்.

ஹூண்டாய் எக்ஸ்சென்ட் வண்ணங்கள்


Marina Blue
Star Dust
Wine Red
Sleek Silver
Polar White
Typhoon Silver

ஹூண்டாய் எக்ஸ்சென்ட் படங்கள்

 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more