ஹூண்டாய் I20 N வரி

ஹூண்டாய் I20 N வரி வெளிப்புற மற்றும் உட்புற டிசைன்

ஹூண்டாய் ஐ20 அடிப்படையில் அதிக சிறப்பம்சங்கள் கொண்ட ஐ20 என் லைன் கார் வாடிக்கையாளர்களுக்கு கவர்ச்சிகரமான, தனித்துவ தேர்வாக இருக்கிறது. சாதாரண ஐ20 காரைவிட அதிக அலங்கார அம்சங்களுடன் இந்த கார் வசீகரிக்கிறது. சாதாரண ஐ20 காரிலிருந்து வேறுபடுத்தும் விதமாக புதிய பம்பர், என் லைன் லோகோவுடன் க்ரில் அமைப்பு, கருப்பு வண்ண ரியர் வியூ மிரர்கள், 16 அங்குல அலாய் வீல்கள், சிவப்பு வண்ணத்திலான வெளிப்புற அலங்கார அம்சங்கள், டெயில்கேட் ஸ்பாய்லர்,சைடு விங்க்ஸ், இரட்டைக் குழல் சைலென்சர் அமைப்பு ஆகியவற்றுடன் ஸ்போர்ட்டியான மாடலாக உருவாக்கப்பட்டு இருக்கிறது. இது நிச்சயம் ஐ20 காரின் தோற்றத்தை அடுத்த லெவலுக்கு கொண்டு சென்றுள்ளது.

உட்புறத்திலும் சில மாற்றங்களுடன் வேறுபடுத்தப்பட்டு இருக்கிறது. முழுமையான கருப்பு வண்ண இன்டீரியர் தீம் கொடுக்கப்பட்டு இருப்பதுடன், சிவப்பு வண்ண தையல் வேலைப்பாடுகள் ஆங்காங்கே கொடுக்கப்பட்டு காரின் உட்புறம் கவர்ச்சியாகவும் பிரிமீயமாகவும் இருக்கிறது. சன்ரூஃப், பேடில் ஷிஃப்ட் வசதி, புதிய ஸ்டீயரிங் வீல், படூல் விளக்குகள், அலுமினிய பெடல்கள் ஆகியவை முக்கிய அம்சங்களாக இருக்கின்றன.

ஹூண்டாய் I20 N வரி எஞ்சின் மற்றும் செயல்திறன்

புதிய ஹூண்டாய் ஐ20 என் லைன் காரில் 1.0 லிட்டர் டர்போ பெட்ரோல் எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 118 பிஎச்பி பவரையும், 172 என்எம் டார்க் திறனையும் வழங்கும். ஐஎம்டி கியர்பாக்ஸ் அ்ல்லது டிசிடி ஆட்டோமேட்டிக் கியர்பாக்ஸ் தேர்வுகள் கொடுக்கப்படுகின்றன. இந்த கார் 0 - 100 கிமீ வேகத்தை 9.9 வினாடிகளில் எட்டிவிடும் என்று தெரிவிக்கப்படுகிறது.

ஹூண்டாய் I20 N வரி மைலேஜ்

ஹூண்டாய் ஐ20 என் லைன் காரின் ஐஎம்டி கியர்பாக்ஸ் மாடல் மற்றும் டிசிடி ஆட்டோமேட்டிக் கியர்பாக்ஸ் மாடல் லிட்டருக்கு 20.25 கிமீ மைலேஜை வழங்கும் என்று தெரிவிக்கப்படுகிறது. நடைமுறையிலும் சிறப்பான மைலேஜை வழங்கும் என்றும் கருத முடியும்.

ஹூண்டாய் I20 N வரி முக்கிய அம்சங்கள்

புதிய ஹூண்டாய் ஐ20 என் லைன் காரில் 10.25 அஙே்குல தொடுதிரையுடன் கூடிய இன்ஃபோடெயின்மென்ட் சிஸ்டம், வயர்லெஸ் சார்ஜர், வாய்மொழி கட்டுப்படுத்தும் வசதியுடன் சன்ரூஃப், டிஜிட்டல் இன்ஸ்ட்ரூமென்ட் க்ளஸ்ட்டர், க்ரூஸ் கன்ட்ரோல் சிஸ்டம், ரியர் ஏசி வென்ட்டுகள், கூல்டு க்ளவ் பாக்ஸ், எஞ்சின் ஸ்டார்ட் - ஸ்டாப் ஆகிய பல வசதிகள் பொருத்தப்பட்டு இருக்கின்றன.

புதிய ஹூண்டாய் ஐ20 என் லைன் காரில் 6 ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், டயர் பிரஷர் மானிட்டரிங் சிஸ்டம், ஆட்டோமேட்டிக் ஹெட்லைட்டுகள், ரியர் வியூ மானிட்டர் ஆகிய பல பாதுகாப்பு வசதிகளுடன் அசத்துகிறது.

ஹூண்டாய் I20 N வரி தீர்ப்பு

ஹேட்ச்பேக் கார் மார்க்கெட்டில் அதிக சக்திவாய்ந்த எஞ்சின் தேர்வுடன் ஸ்போர்ட்டியான தோற்றம் கொண்ட காரை விரும்புவோருக்கு மிகச் சிறந்த தேர்வாக ஹூண்டாய் ஐ20 என் லைன் கார் சிறந்த தேர்வாக அமையும். கொடுக்கும் பணத்திற்கு அதிக மதிப்பையும், சிறந்த செயல்திறனையும் இந்த கார் வழங்கும்.