டாடா அல்ட்ரோஸ்

டாடா அல்ட்ரோஸ் வெளிப்புற மற்றும் உட்புற டிசைன்

இந்தியாவின் பிரிமீயம் ஹேட்ச்பேக் கார் மார்க்கெட்டில் டாடா அல்ட்ராஸ் கார் மிகச் சிறந்த தேர்வாக இருந்து வருகிறது. அட்டகாசமான ஸ்டைல், சிறந்த எஞ்சின் தேர்வுகளுடன் அதிக பாதுகாப்பு அம்சங்கள் நிறைந்த கார் மாடலாக பெயர் பெற்றுள்ளது. டாடா மோட்டார்ஸ் நிறுவனத்தின் அல்ஃபா என்ற புதிய கட்டமைப்புக் கொள்கையில் இந்த கார் உருவாக்கப்பட்டுள்ளது. இந்த காரின் முகப்பில் இரட்டை அறை கொண்ட ஹெட்லைட் க்ளஸ்ட்டர்கள், நவீன தோற்றத்தை வழங்கும் க்ரில் அமைப்பு இடம்பெற்றுள்ளது. கவரும் வகையில்பாடி லைன்கள், 16 அங்குல அலாய் வீல்கள் பொருத்தப்பட்டுள்ளன. பின்புறத்தில் கவர்ச்சிகரமான டெயில் லைட்டுகள், மடிப்பு போன்றவற்றுடன் கவர்ச்சிகறது. பிற போட்டியாளர்களிடம் இருந்து மிகவும் வசீகரமாகவும், வேறுபட்டு அதிக கவர்ச்சியாக இருக்கிறது.

டாடா அல்ட்ரோஸ் எஞ்சின் மற்றும் செயல்திறன்

புதிய டாடா அல்ட்ராஸ் காரில் 3 சிலிண்டர்கள் கொண்ட 1.2 லிட்டர் பெட்ரோல் எஞ்சின், 1.2 லிட்டர் டர்போ பெட்ரோல் எஞ்சின் மற்றும் 1.5 லிட்டர் டர்போ டீசல் எஞ்சின் தேர்வுகளில் கிடைக்கிறது. இதன் பெட்ரோல் எஞ்சின் அதிகபட்சமாக 84.8 பிஎச்பி பவரையும், 113 என்எம் டார்க் திறனையும் வழங்கும். 1.2 லிட்டர் டர்போ பெட்ரோல் எஞ்சின் அதிகபட்சமாக 108 பிஎச்பி பவரையும் 140 என்எம் டார்க் திறனையும் வழங்கும். டீசல் எஞ்சின் அதிகபட்சமாக 88.7 பிஎச்பி பவரையும், 200 என்எம் டார்க் திறனையும் வழங்கும். 5 ஸ்பீடு மேனுவல் கியர்பாக்ஸ் தேர்வில் கிடைக்கிறது.

டாடா அல்ட்ரோஸ் மைலேஜ்

டாடா அல்ட்ராஸ் காரின் சாதாரண வகை பெட்ரோல் எஞ்சின் லிட்டருக்கு 19.05 கிமீ மைலேஜையும், டர்போ பெட்ரோல் எஞ்சின் அதிகபட்சமாக 18.13 கிமீ மைலேஜையும், டீசல் எஞ்சின் மாடல் லிட்டருக்கு 25.11 கிமீ மைலேஜையும் வழங்கும் என்று நிறுவனம் தரப்பில் தெரிவிக்கப்படுகிறது.

டாடா அல்ட்ரோஸ் முக்கிய அம்சங்கள்

டாடா அல்ட்ராஸ் காரில் இரட்டை வண்ண இன்டீரியர் தீம் கொடுக்கப்பட்டு இருக்கிறது. 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், அனலாக் டயல்கள் கொண்ட இன்ஸ்ட்ரூமென்ட் க்ளஸ்ட்டர், கனெக்ட் நெக்ஸ்ட் என்ற கனெக்டெட் கார் தொழில்நுட்பம் ஆகியவை இடம்பெற்றுள்ளது. 15 லிட்டர் கூல்டு க்ளவ் பாக்ஸ் பொருத்தப்பட்டு இருக்கிறது.

புதிய டாடா அல்ட்ராஸ் காரில் க்ரூஸ் கன்ட்ரோல், இபிடியுடன் கூடிய ஏபிஎஸ் பிரேக்கிங் சிஸ்டம், கார்னர் ஸ்டெபிளிட்டி கன்ட்ரோல், ரிவர்ஸ் கேமரா, ஆட்டோ ஹெட்லைட்டுகள், ரெயின் சென்சிங் வைப்பர்கள் உள்ளிட்ட வசதிகள் உள்ளன. டாடா அல்ட்ராஸ் கார் குளோபல் என்சிஏபி அமைப்பின் க்ராஷ் டெஸ்ட்டில் 5 நட்சத்திர அந்தஸ்து பெற்றிருப்பது குறிப்பிடத்தக்கது.

டாடா அல்ட்ரோஸ் தீர்ப்பு

சக்திவாய்ந்த பெட்ரோல் எஞ்சின், நவீன டிசைன் அம்சங்கள், செயல்திறன் மிக்க எஞ்சின் தேர்வுகளுடன் பிரிமீயம் ஹேட்ச்பேக் கார் மார்க்கெட்டில் சரியான பட்ஜெட்டில் கிடைக்கும் மாடலாக டாடா அல்ட்ராஸ் கார் சிறந்த தேர்வாக கூறலாம்.