ஹோண்டா அமேஸ் 2nd Gen

ஹோண்டா அமேஸ் 2nd Gen வெளிப்புற மற்றும் உட்புற டிசைன்

2021 மாடல் ஹோண்டா அமேஸ் கார் வெளிப்புறத்திலும், உட்புறத்திலும் சில கூடுதல் சிறப்பு அம்சங்களுடன் மேலும் பிரிமீயம் மாடலாக மெருகேறி இருக்கிறது. எல்இடி விளக்குகளுடன் புரொஜெக்டர் ஹெட்லைட் யூனிட்டுகள், பகல்நேர விளக்குகள், டெயில் லைட்டுகள் உள்ளன. 15 அங்குல டைமண்ட் கட் அலாய் வீல்கள் பொருத்தப்பட்டுள்ளன. க்ரில் அ்மைப்பு முப்பட்டை கொண்டதாக மாறி இருக்கிறது. பம்பர்களில் லேசான டிசைன் மாற்றங்கள் நிகழ்ந்துள்ளன. பின்புற பம்பரில் க்ரோம் அலங்கார பட்டையும் பொருத்தப்பட்டு இருக்கிறது. மொத்தத்தில் மிகவும் பிரிமீயமான தோற்றம் கொண்ட காம்பேக்ட் செடான் காராக மெருகேறி உள்ளது.

ஹோண்டா அமேஸ் 2nd Gen எஞ்சின் மற்றும் செயல்திறன்

புதிய ஹோண்டா அமேஸ் கார் பெட்ரோல், டீசல் எஞ்சின் தேர்வுகளில் கிடைக்கிறது. இதில் உள்ள 1.2 லிட்டர் பெட்ரோல் எஞ்சின் அதிகபட்சமாக 88 பிஎச்பி பவரையும், 110 என்எம் டார்க்கையும் வழங்கும். டீசல் மாடலில் உள்ள 1.5 லிட்டர் எஞ்சின் மேனுவல் மாடல் 98.6 பிஎச்பி பவரையும், 200 என்எம் டார்க்கையும் வழங்கும். டீசல் சிவிடி ஆட்டோமேட்டிக் மாடல் அதிகபட்சமாக 78.9 பிஎச்பி பவரையும், 160 என்எம் டார்க் திறனையும் வழங்கும். இரண்டு எஞ்சின்களுமே வாடிக்கையாளர்கள் மத்தியில் அதிக நம்பகத்தன்மையை பெற்றுள்ளன. செயல்திறனிலும் சிறப்பானதாக கூறலாம்.

ஹோண்டா அமேஸ் 2nd Gen மைலேஜ்

பெட்ரோல் எஞ்சினுடன் இணைக்கப்பட்ட மேனுவல் மற்றும் சிவிடி கியர்பாக்ஸ் மாடல்கள் லிட்டருக்கு 18 கிமீ மைலேஜையும், டீசல் மேனுவல் மாடல் லிட்டருக்கு 24 கிமீ மைலேஜையும், டீசல் சிவிடி மாடல் லிட்டருக்கு 21 கிமீ மைலேஜையும் வழங்கும் என்று நிறுவனம் தரப்பில் தெரிவிக்கப்படுகிறது. நடைமுறை பயன்பாட்டில் மைலேஜ் அளவு இதனைவிட சற்று குறைவாக இருக்கும்.

ஹோண்டா அமேஸ் 2nd Gen முக்கிய அம்சங்கள்

எல்இடி ஹெட்லைட்டுகள், எல்இடி பகல்நேர விளக்குகள், எல்இடி பனி விளக்குகள், எல்இடி டெயில் லைட்டுகள், 15 அங்குல டைமண்ட் கட் அலாய் வீல்கள், 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், அனலாக் டயல்கள் மற்றும் மல்டி இன்ஃபர்மேஷன் திரையுடன் கூடிய இன்ஸ்ட்ரூமென்ட் க்ளஸ்ட்டர், ஆட்டோமேட்டிக் க்ளைமேட் கன்ட்ரோல் சிஸ்டம் ஆகியவை முக்கிய அம்சங்களாக உள்ளன.

புதிய ஹோண்டா அமேஸ் காரில் இரண்டு ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ரியர் வியூ பார்க்கிங் கேமரா உள்ளிட்ட பல பாதுகாப்பு அம்சங்களும் உள்ளன.

ஹோண்டா அமேஸ் 2nd Gen தீர்ப்பு

காம்பேக்ட் செடான் கார் மார்க்கெட்டில் மிகச் சிறந்த டிசைன், வசதிகள் கொண்டதாக ஹோண்டா அமேஸ் கார் தொடர்ந்து இருந்து வருகிறது. தற்போது கூடுதல் சிறப்பம்சங்கள் சேர்க்கப்பட்டுள்ளதால், அதிக பிரிமீயம் அம்சங்கள் கொண்ட காம்பேக்ட் செடான் காரை வாங்க விரும்புவோருக்கு சிறந்த தேர்வாக அமையும்.