கட்டுப்பாட்டை இழந்து விபத்தில் சிக்கிய டுகாட்டி பைக்... நெஞ்சை பதற வைக்கும் வீடியோ!

ஆனால், அதுபோன்று எந்த ஒரு பாதுகாப்பு கவசம் இல்லாமல் டுகாட்டி பனிகேல் 1299 சூப்பர் பைக்கை அதிவேகத்தில் ஓட்டி வந்தவர் திடீரென கட்டுப்பாட்டை இழக்கிறார். அந்த டுகாட்டி பைக் கட்டுப்பாட்டை இழந்த வேகத்தில் சாலையில் பல்டியக்கிறது.

அதேவேகத்தில், அதனை ஓட்டி வந்தவரும் தூக்கி வீசப்பட்டு சாலையில் பல மீட்டர் தூரம் அதிவேகத்தில் உருண்டு செல்கிறார். இதில், அந்த பைக்கை ஓட்டி வந்தவர் உடல் முழுவதும் படுகாயமடைந்து நினைவில்லாமல் கிடக்கிறார்.

ஹெல்மெட், பாதுகாப்பு உடைகள் போன்ற எந்தவொரு கவசங்களையும் அணியாமல் வந்ததால், அவர் தலையிலும், உடலிலும் படுகாயங்கள் ஏற்பட்டுள்ளன. இந்த சம்பவம் எங்கு நடந்தது என்பது குறித்த தகவல் இல்லை. அதேநேரத்தில், அது பொது பயன்பாட்டு சாலையும் இல்லை என தெரிகிறது.

ஆனால், இதுபோன்ற சூப்பர் பைக்குகளை ஓட்டும்போது பாதுகாப்பு கவசங்கள் என்பது மிக மிக முக்கியம் என்பதை இந்த வீடியோ உணர்த்துகிறது. அட்லீஸ்ட் ஹெல்மெட் அணிந்திருந்தால் தலையில் காயம் ஏற்படாமல் தவிர்த்திருக்க வாய்ப்புண்டு.

இந்த விபத்தில் ஓட்டியவரை போன்றே, அந்த டுகாட்டி பைக்கும் பலத்த பாதிப்புகளை சந்தித்தது. முற்றிலும் நொறுங்கி கிடக்கும் படங்களையும் பகிர்வதற்கு காரணம், குறைந்தபட்சம் சில படிப்பினைகளை கற்றுக் கொள்ள வேண்டும் என்பதே நோக்கம்.

இதுபோன்ற சம்பவங்கள் சூப்பர் பைக்குகளை கையாளும்போது எந்தளவு பயிற்சியும், நிதானமும் தேவை என்பதை உணர்த்துகின்றன. இருசக்கர வாகனங்களை ஓட்டும்போது பாதுகாப்பு கவசங்களை அணிந்து செல்ல அலட்சியம் காட்டாதீர்!